ខេត្តបន្ទាយមានជ័យ ៖ ស្ត្រីជាប្រពន្ធបានស្លាប់ភ្លាមនៅកន្លែងកើតហេតុ និងបុរសជាប្តីបានរងរបួសធ្ងន់ ដោយគ្រោះថ្នាក់ចរាចរណ៍រវាងរថយន្តបុកម៉ូតូ ហេតុការណ៍នេះបានកើតឡើងនៅវេលាម៉ោង៥និង៤០នាទីល្ងាចថ្ងៃទី១៥ មីនា នៅលើកំណាត់ផ្លូវជាតិលេខ៦ ត្រង់ចំណុចចន្លោះបង្គោលភ្លើងលេខ០១៤១និង០១៤២ ស្ថិតក្នុងភូមិប្ញស្សីកណ្តាល ឃុំឈ្នួរមានជ័យ ស្រុកព្រះនេត្រព្រះ ។
លោកអនុសេនីយ៍ទោនាយសេនាធិការដ្ឋាននៃអធិការដ្ឋាននគរបាលស្រុកព្រះនេត្រព្រះ បានឲ្យដឹងថា ស្ត្រីដែលស្លាប់ឈ្មោះ សង មេត អាយុ៥៩ឆ្នាំ និងប្តីរងរបួសធ្ងន់ឈ្មោះ មាន សៀង អាយុ៥៩ឆ្នាំ ២នាក់ប្តីប្រពន្ធរស់នៅភូមិសំរោងធំ ឃុំឈ្នួរមានជ័យ ស្រុកព្រះនេត្រព្រះ មុនពេលកើតហេតុ តាមសាក្សីបានឃើញនិយាយថា ម៉ូតូជនរងគ្រោះបានធ្វើដំណើរពីលិចទៅកើតពេលមកដល់ចំណុចកើតហេតុ ជនរងគ្រោះបានប្តូរទិសដៅដោយបត់ម៉ូតូឆ្លងផ្លូវមកខាងឆ្វេងដៃ ស្របពេលនោះ មានរថយន្ត១គ្រឿងម៉ាកមាការីបាឡែន ពាក់ស្លាកលេខ កំពង់ចាម 2A-5848 ធ្វើដំណើរស្របទិសគ្នាពីលិចទៅកើតក្នុងល្បឿនលឿន ជាន់ហ្វ្រាំងមិនទាន់បានបុកអ្នកជិៈម៉ូតូ២នាក់ប្តីប្រពន្ធ បណ្តាលឲ្យស្ត្រីជាប្រពន្ធ ស្លាប់នៅនឹងកន្លែងកើតហេតុ ចំណែកប្តីរងរបួសធ្ងន់ ហើយត្រូវរថយន្តមន្ទីរពេទ្យបង្អែកស្រុកព្រះនេត្រព្រះ ដឹកទៅព្យាបាលនៅមន្ទីរពេទ្យបង្អែកមិត្តភាពកម្ពុជា-ជប៉ុននៅស្រុកមង្គលបូរី ។
លោកនាយផ្នែកសេនាធិការរូបនោះបានបញ្ជាក់ថា ក្រោយពីនគរបាលជំនាញចរាចរណ៍ស្រុកធ្វើការវាស់វែងរួច បានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី ចំពោះម៉ូតូ និងរថយន្ត សមត្ថកិច្ចយកទៅរក្សាទូកនៅអធិការដ្ឋាននគរបាលស្រុកព្រះនេត្រព្រះ ដើម្បីរងចាំធ្វើការដោះស្រាយតាមច្បាប់នាពេលក្រោយ ៕
ប្រភព៖ កោះសន្តិភាព
ដោយឡែកពត៌មានគួរឲ្យចាប់អារម្មណ៍មួយទៀត៖
គ្រោះថ្នាក់ចរាចរណ៍ម្តុំលូ៥ កំពុងអំពាវនាវជួយវែកមុខជនបង្ក ព្រោះស្គាល់អត្តសញ្ញាណហើយ
ភ្នំពេញ៖ កាលពីយប់ម្សិលមិញនេះ ខ្មែរឡូត បានទទួលសារពីប្រិយមិត្ដមួយរូប សំណូមពរឲ្យមានការចុះផ្សាយទាក់ទងនឹង គ្រោះថ្នាក់ចរាចរណ៍មួយ ដែលជនបង្កហេតុ ជិះរត់គេចមិនទទួលខុសត្រូវ។
នេះបើតាមការរៀបរាប់បានឲ្យដឹងថា គ្រោះថ្នាក់ចរាចរណ៍នេះ បានកើតឡើងនៅម្តុំលូ៥ជិតបុរីភ្នំពេញថ្មី ដែលបណ្តាលឲ្យយុវជនមួយរូប បាក់ភ្លៅខាងឆ្វេងពីរកំណាត់យ៉ាងអាណោចអាធ័ម ហើយហេតុការណ៍មួយនេះ បង្កឡើងដោយរថយន្ត Corolla មួយគ្រឿងដែលមានស្លាកលេខ 2AF 3559 ដែលបានបុកយុវជនរូបនេះ ពីក្រោយ អូសប្រហែលជាង១០ម៉ែត្រ រួចក៏បានបើករថយន្តគេចខ្លួនបាត់តែម្តង។
បន្ទាប់ពីកើតហេតុ យុវជនរងគ្រោះ ក៏ត្រូវបានបញ្ជូនទៅព្យាបាលនៅឯមន្ទីរពេទ្យព្រះកុសុមៈ (ពេទ្យលោកសង្ឃ) ផងដែរ និងបើតាមព័ត៌មានចុងក្រោយបានឲ្យដឹងថា យុវជនរូបនេះ បានទទួលការព្យាបាលរួចហើយ តែស្ថានភាពយ៉ាងណា ពុំទាន់ដឹងច្បាស់នោះទេ។
គួរបញ្ជាក់ដែរថា រូបភាពចំនួន ៤សន្លឹក ត្រូវបានបង្ហោះដោយគណនីសង្គមហ្វេប៊ុក ដែលមានឈ្មោះថា Sophaldanita Sin និងបានបង្កប់នូវពាក្យពេជន៍មួយចំនួន ដែលមានទាំងការអាណិតចំពោះយុវជន និងគ្រួសាររងគ្រោះ រួមផ្សំទាំងការអំពាវនាវដល់មហាជនឲ្យជួយវែកមុខជនបង្ក ដែលបានបើករថយន្តបង្កហេតុស្លាកលេខ 2AF 3559 មកចេញមុខទទួលខុសត្រូវផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
