ភ្នំពេញ៖ តារាចម្រៀងរ៉េបធ្លាប់មានឈ្មោះល្បី ឌីជេ ខេក បានបញ្ចេញ MV ថ្មីជាមួយជនជាតិអាមេរិក និង បារាំង ដោយបញ្ចូលវប្បធម៌ អរិយធម៌ខ្មែរជាច្រើន ក្នុងន័យលើកកម្ពស់ឱ្យបរទេសស្គាល់កម្ពុជា កាន់តែច្រើន។
ឌីជេ រូបនេះនិយាយថា ក្រៅតែពីចង់លើកកម្ពស់វប្បធម៌ អរិយធម៌ខ្មែរឱ្យបរទេស ស្គាល់កាន់តែច្រើន តាមរយៈបទចម្រៀងថ្មី ដែលជាការនិពន្ធផ្ទាល់ខ្លួន ជាមួយ ឌីជេ ស្ដី MV មានចំណងជើងថា I am old School គឺចង់អប់រំឱ្យយុវវ័យខ្មែរ ចៀសឱ្យឆ្ងាយពីគ្រឿងញឿន និងល្បែងអបាយមុខ គ្រប់ប្រភេទ ដើម្បីក្លាយខ្លួនជាពលរដ្ឋល្អ។
ឌីជេ ខេកបញ្ជាក់ថា៖"បទនេះមានលក្ខណៈពិសេសច្រើនណាស់ ព្រោះយើងបានបញ្ចូលរបាំក្ងោក ចង្វាក់ភ្លេងខ្មែរគ្រប់ប្រភេទ ក្នុងន័យធ្វើយ៉ាងណាឱ្យទាក់ទង ហើយខ្ញុំជឿថាបទនេះនឹងផ្ទុះខ្លាំង"។ ជាមួយក្ដីរំពឹងថានឹងជោគជ័យខ្លាំងឌីជេ ខេក ក៏សង្ឃឹមថា MV ថ្មីក៏អាចជួយលើកកម្ពស់ ប្រជាប្រិយភាពខ្លួន ឱ្យខ្ពស់ជាងមុន ផងដែរ៕
ប្រភព៖ ដើមអម្ពិល
ដោយឡែកព័ត៌មានគួរឲ្យចាប់អារម្មណ៍មួយទៀត៖ មិននឹកស្មានថា ទេព បូព្រឹក្ស ស្រលាញ់ ឱក សុគន្ធកញ្ញាដល់ម្លឹង រហូតនាង ហ៊ានប្រើពាក្យមួយ!តារាចម្រៀងស្រីចូលចិត្តស្ទាយខ្លួនបែប Kpop កញ្ញា ទេព បូព្រឹក្ស ត្រូវបានមហាជនមួយចំនួន លួចសរសើរនាងថា ជាតារាស្រីដែលមានភាពរួសរាយរាក់ទាក់ និងមានទំនាក់ទំនងយ៉ាងល្អ ជាមួយនឹងអ្នកសិល្បៈរៀមច្បង ទាំងក្នុងនិងក្រៅផលិតកម្ម។
ថ្មីៗនេះផងដែរ កញ្ញា ទេព បូព្រឹក្ស ក៏ត្រូវបានអ្នកគាំទ្រសរសើរទៀតថា នាងជាតារាស្រីដែលមិនចេះប្រកាន់ខ្លួន ដោយនាងបានស្លៀកសម្លៀកបំពាក់បែបសាមញ្ញ ចូលទៅទិញម្ហូប នៅតាមចិញ្ចើមផ្លូវញុំា ទៀតផង។
ដោយឡែក ក្រឡេកមកចាប់អារម្មណ៍ពី ទំនាក់ទំនង រវាងនាង ជាមួយនឹងមិត្តរួមអាជីពវិញម្តង ដោយម្សិលមិញនេះ កញ្ញា ទេព បូព្រឹក្ស បានបង្ហោះរូបថតមួយសន្លឹកជាមួយនឹង តារារៀមច្បង និងជាមិត្តរួមផលិតកម្ម គឺកញ្ញា ឱក សុគន្ធកញ្ញា ដោយក្នុងនោះ បូព្រឹក្ស បានសរសេរសារពីលើរូបថតថា «អ្នកបងសំណព្វចិត្ត ខានជួបយូរហើយ អ្នកណាស្រលាញ់ចែធំខ្លះ សម្រាប់ខ្ញុំុំ ស្រលាញ់ណាស់ She is ma queen »។
មិននឹកស្មានថា កញ្ញា ទេព បូព្រឹក្ស ស្រលាញ់ និងចាត់ទុក កញ្ញា ឱក សុគន្ធកញ្ញា ដល់ម្លឹងសោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]