(ភ្នំពេញ)៖ បន្ទាប់ពីគេហទំព័រ Khmertalking បានសរសេរចុះផ្សាយ ជុំវិញករណីដែលបែកធ្លាយថា តារាសម្តែងប្រុស លោក អេឡិច ចាន់ត្រា បានដាក់បំរាមហាម តារាប្រុស-ស្រីរបស់ខ្លួន មិនឲ្យចូលច្រៀងក្នុងក្រុម របស់តារាចម្រៀង និងជាប្រធានក្រុមលោក យ៉ែម សំអូន នោះ ភ្លាមៗនេះដែរ តារាចម្រៀងប្រុស លោក អេឡិច ចាន់ត្រា បានចេញមុខបកស្រាយ តាមរយៈឃ្លីបវីដេអូ ព្រមជាមួយការសរសេរថា «សួស្ដីពុកម៉ែបងប្អូនទាំងអស់គ្នានេះ គឺជាវីដេអូឃ្លីប ដែលខ្ញុំធ្វើការបកស្រាយ រាល់ព័ត៌មានដែលបានចុះផ្សាយ ពាក់ព័ន្ធខ្ញុំបាទ ជាមួយបង អូន ហើយខ្ញុំបាទសូមឆ្លើយតប ទៅបង មុំ (ចន ច័ន្ទលក្ខិណា) ដែល share នឹងសសេរពីព័ត៌មាន ដែលបានចុះផ្សាយ»។
លោក អេឡិច ចាន់ត្រា បាននិយាយបញ្ជាក់ថា «ថ្មីៗនេះខ្ញុំបានទទួល នូវដំណឹងមួយដែលត្រូវបានសារព័ត៌មាន ក្នុងធ្វើការចុះផ្សាយ ពាក់ព័ន្ធរឿងរបស់ខ្ញុំ ជាមួយបងប្រុស យ៉ែម សំអូន រហូតមានការបញ្ចេញមតិខ្លះៗ ពីសំណាក់បងស្រី ចន ច័ន្ទលក្ខិណា ចំពោះរឿងនេះ។ ដូច្នេះដើម្បីកុំឲ្យមានការយល់ច្រឡំទៀតនោះ គឺខ្ញុំសូមប្រាប់វិញថា ទាក់ទងបញ្ហានេះ គឺខ្ញុំពុំបានដឹងរឿងអ្វីទាំងអស់។ ម្យ៉ាងទៀតរឿងដែរសំខាន់ជាងនេះ ខ្ញុំក៏គ្មានសិទ្ធិហាមឃាត់ តារាសិល្បៈណាម្នាក់ មិនឲ្យទៅច្រៀង ជាមួយក្រុមរបស់អ្នកផ្សេងនោះឡើយ!»។
តារាប្រុសលោក អេឡិច ចាន់ត្រា បានបន្តទៀតថា លោកពិតជាទទួលស្គាល់ថា ខ្លួនជាប្រធានក្រុមមែន ប៉ុន្តែគ្មានសិទ្ធិណាមួយ ដើម្បីហាមតារាផ្សេងទៀត មិនឲ្យទៅច្រៀងខាងក្រៅក្រុម ឬចូលក្រុមរបស់លោក យ៉ែម សំអូន នោះទេ។ ដូច្នេះអ្វីដែលលោកចង់បញ្ជាក់នោះ គឺពិតមែនជាប្រធាន តែគ្មានសិទ្ធិដាក់បំរាម ឬកុងត្រាណាមួយ លើតារាឯទៀតនោះឡើយ។
ដើម្បីបានជ្រាបកាន់តែច្បាស់ សូមបង្វែរអារម្មណ៍ទស្សនិកជន តាមដានស្តាប់ចំពោះការ ចេញមុខបកស្រាយ របស់តារាប្រុសលោក អេឡិច ចាន់ត្រា លើករណីខាងលើនេះ ទាំងអស់គ្នា៖
ប្រភព៖ Khmertalking
ដោយឡែករំលឹកព័ត៌មានតារាមួយផ្សេងទៀត៖ ទេព បូព្រឹក្ស និងដេវីត ច្រានចោលដំណឹង សាងស្នេហ៍ជាមួយគ្នា ដោយអះអាងថា គ្រាន់តែយើងមាន ម៉ូដដូចគ្នាទេ
ភ្នំពេញ៖ ក្រោយពីលេចឡើងនូវ រូបភាពពាក់ចិញ្ចៀនគូស្នេហ៍ និងការស្លៀកពាក់ រួមទាំងការបណ្តើរគ្នាតែពីរនាក់ រវាងតារាចម្រៀងស្រី កញ្ញា ទេព បូព្រឹក្ស និងលោក ងួន ចាន់ដេវីត នាឱកាសថ្ងៃប្រារព្ធថ្ងៃបុណ្យ នៃក្តីស្រឡាញ់ កន្លងផុតទៅថ្មីៗនេះ ល្បីថា អ្នកទាំងពីរកំពុងតែ សាងស្នេហ៍ជាមួយគ្នា ខណៈអ្នកទាំងពីរបានច្រានចោល ដំណឹងនេះចោលវិញ គ្រាន់តែយើងមានម៉ូដដូចគ្នាទេ ។
តារាចម្រៀងស្រីនិយមបទអង់គ្លេស និងបទញាក់កន្ទ្រាក់អារម្មណ៍កញ្ញា ទេព បូព្រឹក្ស បានច្រានចោលថា "អត់មានទេ សូម្បីតែនាងខ្ញុំក៏ឆ្ងល់ដែរ ម៉េចបានជាបងប្អូនអ្នកគាំទ្រ យល់បែបនេះទៅវិញ ។ យើងគ្រាន់តែជាមិត្តរួមអាជីពច្រៀង នៅផលិតកម្មតែមួយប៉ុណ្ណោះ។ ពួកយើងមិនមានអ្វីលើសពីមិត្តឡើយ"។
កញ្ញាបន្តទៀតថា តាមនាងខ្ញុំ មើលទៅលើ Comments នោះដូចជាបងប្អូនអ្នកគាំទ្រ គាត់មានបំណងចង់ឲ្យខ្ញុំ និងលោក ដេវីត ច្រើនជាដៃគូនឹងគ្នា ខណៈពួកគាត់បានប្រៀបធៀបពួកយើងទៅ នឹងតារាចម្រៀងដៃគូរបស់កូរ៉េគឺ G-Dragon និង CL ហើយពួកគាត់ចាត់ទុកលោក ដេវីត គឺជា G-Dragon និងនាងខ្ញុំជា CL ហ្នឹងឯង។
ចំពោះរឿងចិញ្ចៀនគូស្នេហ៍ជារឿង Personal របស់ខ្ញុំប៉ុណ្ណោះ តែក៏មិនមានអ្វីពាក់ព័ន្ធនឹងលោក ដេវីត ដែរ ។ ទោះយ៉ាងណាម្ចាស់បទញាក់ «រាំញីកែងជើង»លោក ចាន់ដេវីត គ្រាន់ប្រាប់ថា រឿងចិញ្ចៀន គ្រាន់តែយើងមានម៉ូដដូចគ្នាទេតើ។ មហាជនថាយើងជាគូស្នេហ៍ នោះមិនពិតទេ ។
មិនទាន់ច្បាស់នៅឡើយទេ តែបើអាចនោះនាពេលអនាគត ពួកយើងអាចនឹងថត បទចម្រៀងជាមួយគ្នា ប្រសិនបើមានសំណូមពរ ពីបងប្អូន និងខាងផលិតកម្មតម្រូវឲ្យពួកយើងនោះ។ សូមជម្រាបថា ទស្សនិកជនបានផ្គូផ្គងចង់ឲ្យកញ្ញា ទេព បូព្រឹក្ស និងលោក ងួន ចាន់ដេវីត ចាប់ដៃគូច្រៀងក្តី តែត្រូវរង់ចាំមើលពេល វេលាទៅមុខទៀតសិន ថាខាងក្រុមហ៊ុនក៏មិនទាន់មានដាក់ចេញ គម្រោងនោះសម្រាប់ អ្នកទាំងពីរនៅឡើយទេ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]