ថៃ៖ រឿងភាគថ្មី របស់ស្ថានីយទូរទស្សន៍ប៉ុស្តិ៍លេខ៧ថៃ បានចាប់ផ្តើមបញ្ចាំងជាផ្លូវការហើយ កាលពីយប់ថ្ងៃទី១៧ ខែកុម្ភៈ២០១៧ ដែលមានការចូលរួមសម្តែងពីសំណាក់កំពូលតារាល្បីៗនៅក្នុងស្រុកដូចជា នាង Aum Patcharapa ជាដើមដែលនាងបានគ្រងតំណែងជាតួឯកស្រី។
រឿងភាគថ្មី ដែលមានការចូលរួមសម្តែងដោយនាង Aum Patcharapa នេះ មានចំណងជើងថា «ភ្លើងព្រះនាង» ជាខ្សែភាពយន្តភាគបែបបុរាណ ដែលនិយាយអំពីជម្លោះនៅក្នុងខ្សែរាជវង្ស និងសងសឹកគ្នាទៅវិញទៅមកតាំងពីដើមរហូតដល់ចប់។
បើក្រឡេកមកមើលសម្រស់របស់ តារាស្រី Aum Patcharapa វិញ គឺនៅតែស្រស់ស្អាត សាច់ចាំ ដូចកាលពី២០ឆ្នាំមុន ស្របពេលបច្ចុប្បន្ននាងមានអាយុជិត៤០ឆ្នាំ ទៅហើយក្តី។ ក្រោយការដាក់បញ្ចាំងខ្សែភាពយន្តថ្មីនេះ មានការគាំទ្រយ៉ាងខ្លាំងពីសំណាក់អ្នកគាំទ្ររបស់នាង។ ជាពិសេស គឺការតុបតែងជាព្រះនាងដ៏ស្រស់ស្អាតរបស់ Aum Patcharapa ធ្វើឱ្យអ្នកគាំទ្រលាន់មាត់សរសើរថាស្អាតខ្លាំង៕
ទស្សនាកម្រងរូបភាព Aum Patcharapa ក្នុងរឿងភាគថ្មីរបស់នាងទាំងអស់គ្នា៖
កំណត់ហេតុខ្មែរឡូត៖
ដោយឡែករំលឹកព័ត៌មានចាស់កាលពីលើកមុនវិញ តារាស្រីរូបនេះក៏ត្រូវបានគេលួចថតរូបពេលដែលនាងអត់ដឹងខ្លួនផងដែរ មើលហើយបានដឹងថា នាងគឺនៅស្រស់ស្អាតយ៉ាងណាខ្លះ។
នៅប្រទេសថៃអ្នកណា ដែលថាមិនស្គាល់កំពូលតារាចំណាត់ថ្នាក់លេខ១ដូចជានាង Aum Patcharapa។ មិនថាពេលណាទៅណា តារាស្រីរូបនេះតែងតែធ្វើឱ្យគេឯងភ្ញាក់ផ្អើលគ្រប់គ្នា ដោយសារតែចង់ឃើញរូបសម្រស់របស់នាង។
ជាក់ស្តែង នៅពេលដែលនាងបាន ទៅចូលរួមនៅក្នុងកម្មវិធីសម្ពោធនៅទូរស័ព្ទដៃម៉ូដែលថ្មីស៊េរីទំនើបម៉ាក dtac Super 4G នាង Aum Patcharapa ក៏ត្រូវបានគេលួចថតរូបថតពេលដែលនាងកំពុងភ្លេចខ្លួន។
នៅក្នុងនោះរួម មានសកម្មភាពរបស់កញ្ញា Aum Patcharapa ដូចជា ពេលដែលនាងកំពុងតែផាត់សក់ ឆ្លុះកញ្ចក់ ថែមក្រែមម្ស៉ៅ ក៏ដូចជាពេលដែលនាងនិយាយ និងសើចលេងជាដើម។
ដោយរូបភាពទាំងនោះត្រូវបានប្រមាញ់ជាប់ដោយ អ្នកគាំទ្ររបស់នាងផ្ទាល់តែម្តង ហើយក្រោយមកពួកគេ ក៏បានធ្វើការបង្ហោះចូលទៅក្នុងបណ្តាញអ៊ីនស្តារក្រាមរបស់ពួកគេរៀងៗខ្លួន រហូតដល់អាចប្រមូលចងក្រងបាននូវរូបភាពជាច្រើនសន្លឹក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]