ភ្នំពេញៈតារាចម្រៀងកញ្ញា ឈិត សុវណ្ណបញ្ញា បានអះអាងថា មិនមានគម្រោងហក់ចូលផលិតកម្មណាមួយជាថ្មីនោះទេ បន្ទាប់ពីលិខិតសុំឈប់រួចហើយ ហើយខាងហង្សមាសក៏យល់ព្រមដែរ ខណៈមានការអាក់ អន់ចិត្តនឹងផលិតកម្ម យូរក្រែល ដែរ ។
ហេតុផលដែលចាកចេញពីហង្សមាស កញ្ញា ឈិត សុវណ្ណបញ្ញា បានអះអាងថា ដោយសារតែមានសតិអារម្មណ៍ជាមួយទ្រនំរបស់ខ្លួន ទើបកញ្ញាបានដាក់ពាក្យសុំឈប់ ដោយមុនប្រកាសនៅលើហ្វេសប៊ុកកញ្ញាថា ខ្លួនបានទទួលលិខិតយល់ព្រមពីខាងហង្សមាសតាមពាក្យសុំឈប់នោះផង។ ណាមួយដាច់កុងត្រាជាមួយហង្សមាសយូរក្រែលមកហើយ ។ ខ្ញុំដាក់លិខិតសុំឈប់រួចហើយ ហើយខាងហង្សមាសក៏យល់ព្រមដែរ បានខ្ញុំហ៊ាននិយាយថាខ្ញុំឈប់ពីហង្សមាសហ្នឹង។
រយៈពេល១១ឆ្នាំនៅក្នុងផលិតកម្មហង្សមាស កញ្ញាថាមានរឿងគ្រប់គ្រាន់ទើបកញ្ញាសម្រេចចិត្តលាឈប់និងថាបើទោះជាហង្សមាសចង់ឃាត់ក៏មិនទទួលយក។ កញ្ញាលើកឧទាហរណ៍សាមញ្ញមួយថា ធៀបនឹងតារាចម្រៀងដែលចូលហង្សមាសមុននិងចូលក្រោយ សុទ្ធតែមានវ៉ុលចម្រៀងម្នាក់ឯង (Solo Album) តែកញ្ញាមិនធ្លាប់នោះទេ ដោយយល់ថាបណ្ដាលមកពីកញ្ញាមិនសមត្ថភាពតាមការចង់បានរបស់ហង្សមាស ទើបហង្សមាសមិនលើកស្ទួយកញ្ញាទាំងកញ្ញាប្រឹងប្រែងច្រើនមកហើយ។ អត់ធ្មត់យូរណាស់មុនពេលសម្រេចចិត្តលាឈប់ ហើយក្រោយហង្សមាសយល់ព្រមអោយកញ្ញាលាឈប់ គឺកញ្ញាយល់ថានោះជាជម្រើសដ៏ល្អ។
យ៉ាងណាក៏ដោយ កញ្ញា ឈិត សុវណ្ណបញ្ញា ប្រកាសថាអត់មានគម្រោងពិចារណាហក់ចូលផលិតកម្មថោនឬសាន់ដេនោះទេ បើទោះជាឱកាសរបស់កញ្ញានឹងអាចចូលប្រឡូកអាជីពចម្រៀងជាតារាកុងត្រាក្នុងផលិតកម្មមួយចំណោមផលិតកម្មទាំងពីរដោយមិនពិបាក។ មិនចង់ស្ថិតក្រោមសម្ពាធរបស់ផលិតកម្មណាមួយទៀតទេ បន្ទាប់ពីការហក់ចូលផលិតកម្មហង្សមាសរយៈពេល១១ឆ្នាំធ្វើអោយកញ្ញាយល់ថាគ្រប់គ្រាន់។ ឥលូវនេះខ្ញុំអត់ទាន់គិតអីចេញទេ តែតាមមើលខ្ញុំអត់ចូលផលិតកម្មណាទេ ចង់នៅឯករាជ្យខ្លួនឯងវិញ អត់ចង់ចូលខាងនេះខាងនោះអីទេ ។
សូមរំលឹកថា ស្រីស្រស់ ឈិត សុវណ្ណបញ្ញា មិនមែនជាតារាទី១ដែលបានសុំឈប់ពីហង្សមាសនោះទេ ដោយសារតែពេលកន្លងមក ក៏មានតារាច្រើននាក់មកហើយដើរចេញដូចជាលោក អេនឌី និងតារាចម្រៀង គឹម លក្ខិណា ជាដើម។ ក្រៅពីនេះក៏លេចឮថាតារាចម្រៀងមួយចំនួនទៀតដូចជា កញ្ញា សុន ស្រីពេជ្រ និង យក់ ឋិតរដ្ឋា ក៏ប្រកាសចង់លាឈប់ដែរ តែមិនទាន់ដាក់ពាក្យនោះ៕
ប្រភព៖ LookingToday
ដោយឡែកព័ត៌មានគួរឲ្យចាប់អារម្មណ៍មួយទៀត៖ សុគន្ធ និសា ថតរូបស្និទ្ធស្នាលជាមួយជនពិការ ដោយមិនរើសអើង និងមិនប្រកាន់ខ្លួនថាជាតារាល្បី។កញ្ញា សុគន្ធ និសា ជាតារាចម្រៀងមួយដួងដែលកំពុងតែមានភាពល្បីល្បាញនៅក្នុងពិភពសិល្បៈ។ មិនត្រឹមតែមានទឹកដមសម្លេង ពិរោះរណ្តំចិត្តទាក់ទាញការគាំទ្រពីសំណាក់ទស្សនិកជនប៉ុណ្ណោះទេ ប៉ុន្តែកញ្ញា សុគន្ធ និសា ក៏បានក្លាយជាតារាមួយរូបដែលបានទទួលកេរ្តិ៍ឈ្មោះ ថាជាតារាគំរូ មិនចេះវាយឫក ឬប្រកាន់ខ្លួនថាជាតារាល្បីឡើយ។
ជាក់ស្តែងនៅក្នុងដំណើរទៅខេត្តសៀមរាបថ្មីៗនេះ កញ្ញា សុគន្ធ និសា បានជួបបុរសក្រីក្រជាជនពិការម្នាក់នៅកន្លែងព្រះអង្គចេកព្រះអង្គចម ហើយក៏បានជូនលុយមួយចំនួន និងថតរូបជាមួយបុរសនោះទៀត ដោយទឹកចិត្តអាណិតអាសូរ និងមិនមានភាពរើសអើងថាជាជនពិការ ឬជនក្រីក្រអ្វីឡើយ។
នេះមិនមែនលើកទីមួយនោះទេ ដែលតារាចម្រៀងរាងតូចច្រឡឹងគួរឱ្យស្រលាញ់ កញ្ញា សុគន្ធ និសា បានជួយដល់បុរសក្រីក្រជាជនពិការរូបនោះ ពោលគឺគ្រប់ពេលដែលនាងបានធ្វើដំណើរទៅសៀមរាប មិនថាទៅដើម្បីធ្វើដំណើរកម្សាន្ត ឬក៏ដើម្បីទៅចូលរួមនៅក្នុងកម្មវិធីប្រគំតន្ត្រីនានានោះទេ នាងតែងតែបានជួបជាមួយបុរសរូបនោះ ហើយជូនថវិកា និងថតរូបជាមួយទុកជាអនុស្សាវរីយ៍ទៀតផង មិនដែលរំលងទេ រាល់លើកពេលដែលបានចូលទៅ សំពះបួងសួងសុំសេចក្តីសុខពីព្រះអង្គចេកព្រះអង្គចមនៅទីនោះ។
សន្តានចិត្តដ៏ល្អផូរផង់ និងសប្បុរសធម៌ដែលមាននាងមានបែបនេះ ត្រូវបានទទួលការកោតសរសើរយ៉ាងខ្លាំងពីអ្នកគាំទ្រថា រូបសម្បត្តិស្អាតហើយ នៅមានទឹកចិត្តល្អប្រពៃថែមទៀត៕
ចុះប្រិយមិត្តវិញស្រលាញ់កញ្ញា សុគន្ធ និសា ដែរទេ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
