ហ្វេនចាស់ៗអស់ហើយ តែ ឈិត​ សុវណ្ណបញ្ញា រឹតតែស្អាតក្មេងទៅៗ

ភ្នំពេញ៖ អស់រយៈពេលច្រើនឆ្នាំមកហើយ ដែលតារាចម្រៀងស្រីដ៏មានប្រជាប្រិយភាពកញ្ញា ឈិត សុវណ្ណបញ្ញា ផ្អាកចេញបទចម្រៀងថ្មីៗ។ ម្យ៉ាងវិញទៀត ការងារសិល្បៈក៏គេមិនសូវឃើញនាងបង្ហាញវត្តមានច្រៀងលើឆាក ឬតាមកម្មវិធីផ្សេងៗដូចពេលមុនផងដែរ។ 

លើសពីនេះទៅទៀត ទោះដកឃ្លាពីការងារយូរឆ្នាំដូច្នេះ ប៉ុន្តែគេសង្កេតឃើញថាកញ្ញា ឈិត សុវណ្ណបញ្ញា នៅតែមានមហាជន និងហ្វេន ចូលចិត្តហើយចង់ឲ្យនាងចេញបទចម្រៀងថ្មីៗដូចពេលមុនផងដែរ។ បន្ថែមពីលើនេះទៀត គេឧស្សាហ៍ឃើញសិល្បការិនីរូបនេះ បង្ហោះរូបតែងខ្លួនស្អាតៗ ដើរលេងក្រៅប្រទេសជាញឹកញាប់ទៀតផង។ 

ជាក់ស្ដែង បើងាកទៅមើលរូបសម្រស់របស់កញ្ញា ឈិត សុវណ្ណបញ្ញា នាងនៅតែស្រស់ស្អាត ហើយរឹតតែក្មេងជាងមុនផងដែរ។ មិនតែប៉ុណ្ណោះ រូបភាពថ្មីដែលតារារូបនេះទើបនឹងបង្ហោះ បានឲ្យហ្វេនរឹតតែមើលឃើញថា សម្រស់តារារូបនេះស្រស់ស្អាតផូរផង់ មិនសមនឹងវ័យ៣០ជាងឆ្នាំនោះទេ៕ 

សូមទស្សនារូបភាពខាងក្រោម៖