ភ្នំពេញ៖ កញ្ញា យូរី តារាចម្រៀងប្រចាំផលិតកម្មសាន់ដេ ដែលប្រិយមិត្តភាគច្រើនស្គាល់ថា នាងជាតារាស្រីមួយរូប ដែលនិយមចូលចិត្តលេងស្ទាយខ្លួនបែប Cute គួរឲ្យស្រលាញ់ និងមានទេពកោសល្យក្នុងការសម្តែងក្បាច់រាំពិសេសៗជាមួយនឹងក្រុមរាំរបស់នាង បានយ៉ាងល្អ នៅលើឆាកតន្រ្តីផងដែរ។
ក្រឡេកមកពេលបច្ចុប្បន្ននេះវិញម្តង យើងឃើញថា កញ្ញា យូរី មានការមមាញឹកច្រើនគួរសមចំពោះការងារសិល្បៈ ដែលមានដូចជាការចុះទៅសម្តែង ក្នុងការប្រគំតន្រ្តីនៅតាមខេត្ត និងមមាញឹកក្នុងការថត MV បទចម្រៀងថ្មីៗរបស់នាងជាដើម។
ក្នុងនោះផងដែរ គេសង្កេតឃើញថា កញ្ញា យូរី តែងតែនិយាយលើកសរសើរ ពីអត្តចរិតតារាស្រីមួយរូប នោះគឺអ្នកនាង ពេជ្រ សោភា ដែលឲ្យតែពេលជួបមុខម្តងៗ គឺកញ្ញាយូរី មិនដែលភ្លេចទេថតរូប Selfie ជាមួយគ្នាឡើយ លើសពីនេះកញ្ញាថែមទាំង បង្ហោះសារនៅលើគណនីហ្វេសប៊ុករបស់នាង បង្ហើរពីអត្ថន័យគោរព និងកោតសរសើរ ចំពោះអត្តចរិត របស់ពេជ្រ សោភាថែមទៀតផង។
យូរីបានបង្ហោះរូបថតជាមួយនឹងអ្នកនាង ពេជ្រ សោភា ដោយនាងបានសរសេរថា៖
«ហ្គូដម៉នីង(អរុណសួស្តី) ចាយូរីនិងបងស្រីសំណព្វ គាត់រួសរាយគួរឲ្យគោរពស្រលាញ់ណាស់»៕ តើប្រិយមិត្តយល់យ៉ាងណាដែរ?
កំណត់ហេតុខ្មែរឡូត៖
ដោយឡែក រំលឹកព័ត៌មានផ្សេងមួយទៀត តារាចម្រៀងស្រីល្បីជួរមុខរបស់ផលិតកម្មរស្មីហង្សមាស គឺអ្នកនាង ពេជ្រ សោភា បានលេចលឺព័ត៌មានថា មានចំនងស្នេហាជាមួយនឹង តារាសម្ដែងប្រុសគឺ លោក ឆឹម សក្កដា ដែលលោកតែងតែសារភាពដោយបើកចំហរថា ខ្លួនពេញចិត្តស្ម័គ្រស្មោះស្រឡាញ់នាង។
ក្នុងកិច្ចសំភាសន៍មួយ អ្នកនាង ពេជ្រ សោភាព បាននិយាយថា៖
«ជារឿងមួយភ្ញាក់ផ្អើលសម្រាប់ខ្ញុំ ក្រោយពីសក្កដា គាត់និយាយកាលពីពេលមុនមក ធ្វើឲ្យម៉ែខ្ញុំ បងប្អូនខ្ញុំ ឬក៏បងថ្លៃខ្ញុំទាំងអស់ គឺគេនាំគ្នាខឹងខ្ញុំ គេថា ហេតុអ្វីបានជាខ្ញុំធ្វើបាប សក្កដា? ប៉ុន្តែសម្រាប់ខ្ញុំ និងគាត់ គឺនៅមើលចិត្តគ្នាតិចៗសិន..(សើច) ទោះបីជាយ៉ាងណាពួកខ្ញុំទាំងពីរនាក់ បង្កើតអារម្មណ៍ល្អចំពោះគ្នា ហើយខ្ញុំក៏សប្បាយចិត្ត នឹងសរសើរសក្កដា ដែរ ដែលហ៊ានសារភាពថា ស្រឡាញ់ខ្ញុំ ដូច្នេះអ្នកផ្សេងគ្មានសិទ្ធិទេ គឺមានតែខ្ញុំទេ..(សើច)»។ យ៉ាងណាមិញ នេះអាចសញ្ញាមួយបញ្ជាក់ថា អ្នកនាងបានបើកភ្លើងខៀវហើយ។
ក៏ដូចជា អ្នកនាង ពេជ្រ សោភា បានបង្ហោះរូបភាពស្និតស្នាលមួយសន្លឹកជាមួយនឹង លោក ឆឹម សក្កដា និងបានបង្ហោះសារពីមូលហេតុដែលនាងកំពុងពិចារណាលើលោក ដូចខាងក្រោមថា៖
«គាត់ស្រលាញ់ខ្ញុំ មិនមែនមកពីខ្ញុំជាអ្នកចម្រៀងល្បីនោះទេ ហេីយក៏មិនពាក់ពន្ធ័រឿងមាននិងក្រដែរ អ្វីដែលសំខាន់ខ្ញុំស្គាល់ពីទឹកចិត្តគាត់ ទោះបីគាត់មិនមានសំភារៈនិយមដូចគេ ប៉ុន្ដែគាត់មានទឹកនិងការស្រលាញ់រាប់អានដ៏ស្មោះត្រង់ នេះជាមូលហេតុដែលខ្ញុំកំពុងពិចារណាចំពោះគាត់ កុំមើលមនុស្សត្រឹមកំបកក្រៅ» ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
