(ភ្នំពេញ)៖ កម្លាំងផ្នែកយុត្តិធម៌ កម្លាំងប៉ុស្តិ៍នគរបាលរដ្ឋបាលបឹងរាំង នៃអធិការដ្ឋាននគរបាលខណ្ឌដូនពេញ សហការជាមួយកម្លាំងការិយាល័យបច្ចេកទេសវិទ្យាសាស្រ្ត និងកម្លាំងការិយាល័យព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ បានឃាត់ខ្លួនជនសង្ស័យម្នាក់ ក្នុងចំណោមបក្ខពួក២នាក់ នៅយប់ថ្ងៃទី១៥ ខែមករា ឆ្នាំ២០១៧នេះ ពាក់ព័ន្ធក្នុងករណីឃាតកម្មគិតទុកជាមុន។
របាយការណ៍របស់មន្ដ្រីនគរបាលមូលដ្ឋាន បានឲ្យដឹងថា ជនសង្ស័យដែលកម្លាំងជំនាញចាប់បាននេះ ឈ្មោះ ជឹម សុផាន់ណា អាយុ២៩ឆ្នាំ មុខរបរកម្មករសំណង់ ដែលជាប់ពាក់ព័ន្ធក្នុងករណី ឃាតកម្មគិតទុកជាមុន (រិតកសម្លាប់) កាលថ្ងៃទី១៤ ខែមករា ឆ្នាំ២០១៧ នៅចំណុចលើដំបូលផ្ទះជាន់ទី៤ ទីតាំងផ្ទះលេខ១៤៧ ផ្លូវលេខ៥១ ភូមិ២ សង្កាត់បឹងរាំង ខណ្ឌដូនពេញ រាជធានីភ្នំពេញ។
នគរបាលបញ្ជាក់ថា ជនរងគ្រោះដែលត្រូវក្រុមជនសង្ស័យរឹតកសម្លាប់នេះឈ្មោះ ធន់ ចាន់ធឿន ភេទប្រុស អាយុ៣៣ឆ្នាំ មុខរបរកម្មករសំណង់ មានទីលំនៅស្នាក់នៅការដ្ឋានសំណង់ ជាមួយជនសង្ស័យ មានស្រុកកំណើតភូមិអូ ឃុំកាត់ភ្លុក ស្រុកបសែត ខេត្តកំពង់ស្ពឺ។ បច្ចុប្បន្នជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងតាមនិតិវិធី រីឯជនសង្ស័យម្នាក់ទៀត កំពុងធ្វើការស្រាវជ្រាវបន្ត៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ ផ្អើលចាប់ជំរិត អាវុធហត្ថខេត្តចេញប្រតិបតិ្តការស្រាវជ្រាវ ទើបដឹងមូលហេតុពិត
កម្លាំងកងរាជអាវុធហត្ថនិងកម្លាំងនគរបាលខេត្តបានចេញប្រតិបតិ្តការស្រាវជ្រាវជាបន្ទាន់ភ្លាមៗ បន្ទាប់មានការផ្អើលឆោឡោពីការចាប់ជំរិតមនុស្ស កាលពីថ្ងៃទី១៤ មករាស្ថិតនៅក្រុងស្ទឹងត្រែង ក្រោយមកទើបដឹងមូលហេតុពិត គឺជាការចាប់បង្ខាំងអតីតប្រពន្ធដើម្បីសុំសាងស្នេហ៍ជាថ្មី បន្ទាប់ពីលែងលះគ្នាបាន៣ខែ ។
ប្រភពព័ត៌មានឲ្យដឹងថា កាលពីវេលាព្រឹកថ្ងៃទី១៤ មករា គេបានប្រទះឃើញបុរសម្នាក់ជិះម៉ូតូមួយគ្រឿងតាមស្ត្រីម្នាក់ដែលជិះម៉ូតូដឹកកូនស្រីតាមផ្លូវក្នុងសង្កាត់ស្ទឹងត្រែង លុះដល់ចំណុចសាលាបឋមសិក្សាបួនមករា ក្រុងស្ទឹងត្រែង បុរសរូបនោះបានទាញដៃនារីខាងលើឲ្យឈប់និងចាប់ទាញនាង ដាក់លើម៉ូតូរបស់ខ្លួនជិះចេញទៅ ទាំងនារីនោះបានស្រែកយំ ហើយបន្សល់ទុកកូនស្រីតូចម្នាក់ និងម៉ូតូលើផ្លូវ ។
អ្នកឃើញហេតុការណ៍នោះ បានទូរស័ព្ទប្រាប់សមត្ថកិច្ចភ្លាមៗ ។ ប្រភពដដែលបន្តថា គ្រានោះឪពុកម្តាយនារីរងគ្រោះមកនាំចៅនិងម៉ូតូត្រឡប់ទៅផ្ទះ ព្រមទាំងបានដាក់ពាក្យប្តឹងទៅកម្លាំងកងរាជអាវុធហត្ថ និងកម្លាំងនគរបាលចុះអន្តរាគមន៍ ដោយសង្ស័យបុរសចាប់កូនស្រីគាត់ទៅនោះ គឺជាអតីតប្តីរបស់នាង ។
តាមការរៀបរាប់របស់ស្ត្រីជាម្តាយនិងឪពុកកម្លាំងសមត្ថកិច្ចបានធ្វើការស្រាវជ្រាវក៏បានរកឃើញមកវិញ ដោយសារតែពួកគាត់សង្ស័យលើអតីតបុរសជាប្តីរបស់នាង ។ ព្រោះបុរសជាប្តីនោះតែងតាមដានរាល់សកម្មភាពពេលនាងចេញពីផ្ទះនិងត្រឡប់មកផ្ទះ ដើម្បីចង់ជួបសុំរួមរស់ជួបជុំគ្នាវិញ ក្រោយពីលែងលះជាង៣ខែកន្លងមកនេះ ។ ចុចអានបន្ត៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]