ខេត្តបាត់ដំបង ៖ លំនៅឋានគ្រូបង្រៀនម្នាក់ ត្រូវជនមិនស្គាល់មុខផ្លោះ របងចូលគាស់បង្អួចបន្ទប់លួចយកលុយ និងគ្រឿងអលង្ការអស់ សរុបជាង១ម៉ឺនដុល្លារអាមេរិក ខណ:ម្ចាស់ភូមិគ្រឹះមួយនេះ រវល់ចេញទៅបង្រៀនសិស្ស ហើយបិទទ្វារទុកចោល ។
បើតាមសមត្ថកិច្ចនិយាយថា ហេតុការណ៏អាចកើតឡើង ក្នុងចន្លោះពីម៉ោង៧ព្រឹកទៅម៉ោង១រសៀល ថ្ងៃទី១២ មករា នៅភូមិសូភី២ សង្កាត់រតន: ក្រុងបាត់ដំបង ដែលម្ចាស់ផ្ទះឈ្មោះ ម៉ម ម៉ារិន ភេទប្រុស អាយុ៤៦ឆ្នាំ មានមុខរបជាគ្រូបង្រៀន ។
សមត្ថកិច្ចបន្តថា ជនរងគ្រោះបានបិទទ្វារផ្ទះ ទុកចោលហើយចេញទៅបង្រៀនលុះម៉ោង១រសៀលថ្ងៃដដែល ពេលគាត់ត្រឡប់មកវិញទើបដឹងថា មានចោរគាស់ផ្ទះហើយរាយការណ៏ ប្រាប់សមត្ថកិច្ចតែម្ដង ។ មន្ត្រីបច្ចេកទេសបាននិយាយថា បើតាមការពិនិត្យគឺចោរបានឡើង របងខាងក្រោយផ្ទះ កម្ពស់ជាង២ម៉ែត្រ ហើយគាស់បង្អួច ដោយកាត់ចំរឹងដែកបង្អួចបន្ទប់ ខាងក្រោយមួយប្រឡោះ រួចលូនចូលរើកកាយតាមចិត្ត យកទ្រព្យសម្បត្តិនៅក្នុងបន្ទប់តែម្ដង ។
ដោយឡែកម្ចាស់ផ្ទះរងគ្រោះលោក ម៉ម ម៉ារិន បាននិយាយថា ជារៀងរាល់ថ្ងៃគាត់តែងបិទទ្វារផ្ទះ រួចចេញទៅបង្រៀន ។ គាត់និយាយទៀតថា នៅថ្ងៃកើតហេតុពេលគាត់ត្រឡប់មកពីបង្រៀន នៅម៉ោង១រសៀល បើកទ្វារចូលបន្ទប់ ស្រាប់តែឃើញស្នាមរើកកាយពេញបន្ទប់ ។ លុះមើលទ្រព្យសម្បត្តិបាត់អស់គ្មានសល់ និងឃើញស្នាមគាស់បង្អួចទៀត ទើបដឹងថា មានមនុស្សចូលលួច ក៏រាយការណ៏ទៅសមត្ថកិច្ចតែម្ដង ។
លោក ម៉ម ម៉ារិន បានប្រាប់សមត្ថកិច្ចថា ទ្រព្យសម្បត្តិដែលបាត់បង់រួមមាន ខ្សែ.កមាស១ខ្សែទម្ងន់១,៥តំឡឹង បន្ដោងស្រោបមាស ១ទម្ងន់៣ជី ខ្សែដៃមាស១ខ្សែទម្ងន់៥ជី ខ្សែដៃប្លាទីនដាំពេជ្រ ១ខ្សែតម្លៃ៣៧០០ដុល្លារ ចិញ្ចៀនប្លាទីនដាំត្បូង២វង់ លុយខ្មែរ៣,៦លានរៀល លុយដុល្លារចំនួន៦៥០ដុល្លារ កាតATMមួយ និងឯកសារគ្រួសារមួយចំនួនទៀត ។
ជុំវិញករណីនេះសមត្ថកិច្ច កំពុងពិនិត្យស្លាកស្នាម នៅកន្លែងកើតហេតុ ប៉ុន្តែមន្ត្រីជំនាញមិនទាន់អាចធ្វើ ការសន្និដ្ឋានអំពីមុខសញ្ញាជន សង្ស័យនៅឡើយទេ ។
លោក ប៉ាង ហៀង អធិការក្រុងបាត់ដំបងបានថ្លែងថា កម្លាំងជំនាញកំពុងពិនិត្យមើលមុខសញ្ញាមួយចំនូន ដែលបានកំណត់កន្លងមក តែមិនទាន់ប្រាកដនៅឡើយទេ ៕
ប្រភព៖ កោះសន្តិភាព
ដោយក្រឡេកទៅមើលព័ត៌មាន ចាប់អារម្មណ៍មួយផ្សេងទៀត៖
ភ្ញាក់ផ្អើល! តារាសម្ដែងស្រីសឹង្ហបុរី មកធ្វើជាអ្នកកំដរកូនក្រមុំខ្មែរ នាព្រឹកនេះ
ភ្នំពេញ៖ តារាសម្ដែងស្រីសឹង្ហបុរី នាង Jeanette Aw ដែលមានទស្សនិកជនខ្មែរជាច្រើន បានស្គាល់ និងគាំទ្រនាងយ៉ាងច្រើន បន្ទាប់ពីនាងធ្លាប់មានវត្ដមាននៅលើទឹកដីកម្ពុជាជាច្រើនដង ជាមួយនិងរឿងភាគនារីនូយ៉ា បានបង្ហាញខ្លួនជាមួយនឹងសំលៀកបំពាក់ខ្មែរ ក្នុងនាមជាអ្នកកំដរកូនក្រមុំ នាព្រឹកនេះ។
នេះបើតាមរូបភាពមួយសន្លឹក និងសារដ៏ខ្លីដែលនាងទើបតែបង្ហោះឡើង នៅក្នុងបណ្ដាញសង្គម បានបង្ហាញឲ្យដឹងថា នាពេលនេះនាងកំពុងតែមានវត្ដមាន នៅក្នុងក្រុងភ្នំពេញ និងកំពុងតែចូលរួមក្នុងពិធីមង្គលការមួយ ជាមួយនឹងសំលៀកបំពាក់ខ្មែរ ដែលនាងបានបញ្ជាក់ថា នាងកំពុងតែធ្វើជាអ្នកកំដរកូនក្រមុំ។
ធ្លាប់តែឃើញនាងស្លៀកពាក់បែបទាន់សម័យ ចុះនៅពេលដែលនាងស្លៀកពាក់បែបខ្មែរបុរាណ បែបហូលផាមួង អាវប៉ាក់ ចងក្បិនវិញ តើយ៉ាងណាវិញ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]