រាជធានីភ្នំពេញ ៖ កាលពីវេលាម៉ោង ៩យប់ថ្ងៃទី០៩ មករា ស្ថិតក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ មានករណីគ្រោះ ថ្នាក់ចរាចរណ៍ រវាងរថយន្តដឹកបេតុងលាយស្រេចរបស់ក្រុមហ៊ុន ខេស៊ីមេន បានបុកអ្នកបើកបរម៉ូតូ១គ្រឿង បណ្ដាលឲ្យស្លាប់ភ្លាមៗ នៅនឹងកន្លែងកើតហេតុ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា នៅមុនពេលកើតហេតុគេឃើញជនរងគ្រោះជិះម៉ូតូម៉ាកហ្វ្រេស បើកបរតាមផ្លូវហាណូយ ក្នុងទិសដៅពីជើងទៅត្បូង លុះមកដល់មុខស្ថានីយ ប្រេងកាល់តិច ចម្ងាយពីហ្គ្រេនភ្នំពេញប្រមាណជា១០០ម៉ែត្រ បុរសខាងលើបានជិះ ម៉ូតូឆ្លងផ្លូវឆ្លងមកខាងឆ្វេង គាប់ជួនពេលនោះស្រាប់តែរថយន្តបង្កបើកបរក្នុងល្បឿន យ៉ាងលឿនក្នុង ទិសដៅផ្ទុយគ្នា ហើយបានបុកចំម៉ូតូពេញទំហឹង បណ្ដាលឲ្យជនរងគ្រោះ ជាអ្នកបើកបរម៉ូតូស្លាមភ្លាមៗ នៅនឹងកន្លែង។
តាមសម្ដីសមត្ថកិច្ចបានឲ្យដឹងថា រថយន្តបង្កជាប្រភេទរថយន្ត ដឹកបេតុងលាយស្រេច របស់ក្រុមហ៊ុន ខេស៊ីមេន បើកបរដោយបុរសម្នាក់ មិនស្គាល់អត្តសញ្ញាណ ពាក់ស្លាកលេខរថយន្ត ភ្នំពេញ ៣A-២៦២០។ រីឯជនរងគ្រោះមានឈ្មោះ ហ៊ាង អាយុ៥០ឆ្នាំ មុខរបរដើរប៉ះកង់ម៉ូតូចល័ត ស្នាក់នៅភូមិបន្លាស្អិត សង្កាត់ឃ្មួញ ខណ្ឌសែនសុខ បើកបរម៉ូតូម៉ាកហ្វ្រេស ពណ៌ខៀវ ពាក់ស្លាកលេខភ្នំពេញ ១D-៩៣៦១។ ក្រោយពេលកើតហេតុ ជនបង្កបានបើករថយន្តរត់គេច ប្រមាណជា១០០ម៉ែត្រ ក៏ឈប់ហើយរត់គេចខ្លួនបាត់តែម្ដង។
បច្ចុប្បន្នសាកសព កំពុងរង់ចាំស្វែងរកសាច់ញាតិ ដើម្បីយកទៅធ្វើបុណ្យតាមប្រពៃណី ចំណែករថយន្តបង្ក និងម៉ូតូជនរងគ្រោះ ត្រូវបានសមត្ថកិច្ចដឹកជញ្ជូនទៅកាន់ស្នងការរាជធានី ដើម្បីដោះស្រាយនៅពេលក្រោយ៕
ប្រភព៖ កោះសន្តិភាព
ដោយឡែកក្រឡេកទៅមើល ព័ត៌មានចាប់អារម្មណ៍មួយផ្សេងទៀត៖
ចិន៖ មហាជនជាច្រើនហួសចិត្ត និងនឹកស្មានមិនដល់ ចំពោះទង្វើក្មេងប្រុសម្នាក់ ដែលហ៊ានលើកជើង ហក់ធាក់ម្តាយរបស់គេទាំងកំរោល បន្ទាប់ពីម្តាយរបស់គេ បដិសេធមិនឲ្យលេងទូរស័ព្ទ បានធ្វើឲ្យអ្នកនិយមលេងអ៊ីនធើណែតជាច្រើន ប្រតិកម្មរិះគន់យ៉ាងខ្លាំងៗ។
វីដេអូឃ្លីបខ្លីដែលមានរយៈពេលប្រមាណជា ៨វិនាទីនេះ បានបង្ហាញឲ្យឃើញថា ជីដូនរបស់ក្មេងប្រុសនេះព្យាយាមយកខ្លួនឈរពាំង ការពារស្រ្តីជាម្តាយ ពីការហក់ធាក់របស់ចៅប្រុស។
ប្រភពបានឲ្យដឹងថា វីដេអូឃ្លីបនេះ ត្រូវបានថតឡើងនៅក្នុងមន្ទីរពេទ្យមួយកន្លែង ស្ថិតនៅក្នុងទីក្រុង Guangzhou ខេត្ត Guangdong ប្រទេសចិន។ ក្មេងប្រុសមិនត្រូវបានបង្ហាញអត្តសញ្ញាណនេះ ត្រូវបានគេជឿជាក់ថា មានអាយុប្រហែលជា ១០ឆ្នាំ។ ចំពោះមូលហេតុដែលបណ្តាលឲ្យ កើតមានរឿងរ៉ាវយ៉ាងដូច្នេះឡើងនោះ ក៏ដោយសារតែក្មេងប្រុសនេះ បានខឹងនឹងម្តាយរបស់គេជាខ្លាំង ដែលហាមប្រាមមិនឲ្យគេលេងទូរស័ព្ទស្មាតហ្វូន។
ទោះបីជាយ៉ាងក្តី អ្នកលេងបណ្តាញសង្គមមួយចំនួន ក៏បានបញ្ចេញនៅលើបណ្តាញសង្គមដែរថា៖
«វាគឺជាកំហុសរបស់ឪពុកម្តាយ មិនមែនជាកំហុសរបស់កូនទេ។ ឪពុកម្តាយត្រូវតែចេះ បង្រៀនណែនាំពីឥរិយាបថរបស់កូន» ។ រីឯអ្នកផ្សេងទៀត បានបញ្ចេញមតិដែរថា «ប្រសិនបើក្មេងប្រុសនេះ ជាកូនរបស់ខ្ញុំ ហើយធ្វើចឹងវិញនោះ ខ្ញុំប្រាកដជាទះឲ្យហូរសំបោរតែម្តង» ៕
គួរឲ្យដឹងដែរថា បន្ទាប់ពីទស្សនាវីដេអូនេះហើយ អ្នកជំនាញម្នាក់ក៏បានឲ្យដឹងដែរថា វាមិនមែនជាលើកទីមួយ ដែលទើបតែកើតមានឡើងនោះទេ ព្រោះថាមានរឿងរ៉ាវជាច្រើន ដូចគ្នានេះដែរ ដែលតែងតែកើតឡើងជាញឹកញាប់ក្នុងប្រទេសចិន។ អ្វីដែលគួរធ្វើនោះ ឪពុកម្តាយគ្រប់រូប គួរណាស់ត្រូវតែចេះ ប្រៀនប្រដៅ ឬដាក់វិន័យលើកូនៗរបស់ពួកគេ តាមវិធីសាស្រ្តមួយដែលល្អ ចៀសវាងកូនៗរបស់ខ្លួនចេញមក មានភាពច្រងាងកាងបែបនេះ៕
តើសម្រាប់ប្រិយមិត្តវិញយល់យ៉ាងណាដែរ?
ទស្សនាវីដេអូ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]