ភ្នំពេញ៖ តារាសម្តែងស្រីរាងស្លីមវ័យ ១៩ឆ្នាំ មិនចូលចិត្តលេងខ្លួនបែបសិចស៊ី កញ្ញា សាឡាត់ ស្រីឡាង ហៅអាឡាង ត្រូវក្រុមហ៊ុនគ្រឿងសម្អាងថៃ ប្រចាំនៅកម្ពុជាជ្រើសរើស នាងឲ្យទៅចូលរួមសម្ពោធ គ្រឿងសម្អាងនៅប្រទេសថៃ ដោយសារគិតថា នាងមានរូបសម្រស់ស្រស់ស្អាតទាំងកំពស់ និងរូបរាង ។
តារាសម្តែងដែលមិនចូលចិត្ត លេងខ្លួនបែបសិចស៊ី កញ្ញា សាឡាត់ ស្រីឡាង បានឲ្យដឹងថា "បើនិយាយទៅនេះគឺជាលើកទី១សម្រាប់នាងខ្ញុំដែលមាន ឱកាសចេញទៅក្រៅប្រទេស ពិតជារំភើប ការចេញទៅនេះគឺក្រុមហ៊ុនថៃ ដែលមានតំណាងចែកចាយគ្រឿងសម្អាងផលិតផល Mille នៅកម្ពុជាជាអ្នកអញ្ជើញនាងខ្ញុំ ។ ខ្ញុំទៅរយៈពេល៣ថៃ បងគឺថ្ងៃទី១៤ ដល់ថ្ងៃទី១៦" ។
សី្រឡាង បានបន្តថា ការចេញទៅសម្ពោធគ្រឿង សម្អាងឲ្យផលិតផលខាងលើ មានវត្តមាននាងតែម្នាក់គត់ ដែលតំណាងឲ្យកម្ពុជា។ ចំពោះការទៅចូលរួម សម្ពោធគ្រឿងសម្អាង នៅប្រទេសថៃនេះ មានបណ្តាប្រទេសជាច្រើន នៅក្នុងតំបន់អាស៊ីមានប្រទេសភូមា ថៃ វៀតណាម ឡាវ និងប្រទេសមួយចំនួនទៀតបង ។ មូលហេតុដែលតំណាង ចែកចាយក្រុមហ៊ុនគ្រឿង សម្អាងថៃប្រចាំនៅកម្ពុជាជ្រើសរើសនាងឲ្យទៅ ចូលរួមសម្ពោធគ្រឿងសម្អាង នៅប្រទេសថៃ ដោយសារតែខាងក្រុមហ៊ុនគិតថា ស្រីឡាង មានរូបសម្រស់ស្រស់ស្អាតទាំងកំពស់ និងរូបរាង ។
កញ្ញា សាឡាត់ ស្រីឡាង ហៅអាឡាង វ័យ១៩ឆ្នាំ ធ្លាប់បង្ហើបប្រាប់ Looking TODAY ថា ខ្លួនមិនចូលចិត្តបង្ហាញសាច់នោះទែ អាចត្រឹមតែពាក់អាវវាលៗ និងអាវបញ្ចេញសាច់ ក្បាលពោះសម្រាប់នាង ក៏នាងមានអារម្មណ៍ថា ពេលខ្លះទៅមិនរួចឡើយ ។ ខ្ញុំមិនចូលចិត្តលេងខ្លួន បែបសិចស៊ីតាំងដំបូងមកម្ល៉េះ។ ខ្ញុំខ្លាចទទួលការរិះគន់ពីមហាជន ខ្ញុំខ្លាចប៉ះពាល់ដល់គេ ដូច្នេះខ្ញុំអត់ចូលចិត្ត បែបសិចស៊ីនោះទេ" ។ សូមរំលឹកថា កញ្ញា សាឡាត់ ស្រីឡាង ហៅអាឡាង ប្រឡូកចូលសិល្បៈភ្លាម បានថតជាតួស្រីក្នុងរឿង “ក្រឡអីហ្នឹង?” វគ្គ១ ។
បន្ទាប់មកនាងក៏បានថតក្នុងរឿង “ឋានសួគ៌ស្នេហ៍” ទៀត។ ក្រោយពីល្បីឈ្មោះនាងក៏បានជតួឯស្រី ដែលថតជាតារាកំប្លែងនាយចឹម ក្នុងរឿង “ខ្មោចអាសង្ហា”។ តារាស្រីរូបនេះក៏បន្តបាន តំណែងតួឯកស្រីទៀតក្នុងរឿង “អ្នកលេងជើងខ្វេរ” របស់ផលិតកម្មអិលឌី។ នាងកំពុងតែសិក្សាថ្នាក់ទី១២ ដែលមានបងប្អូនចំនួន ៧នាក់ ហើយគ្រួសាររបស់នាង មានជីវភាពធូរមធ្យម ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
