ភ្នំពេញៈ តារាសម្ដែងនិយម ប្រើសម្ភារៈប្រេនៗ កញ្ញា ព្រីម លីហ្សា បានទៅចូលរួមកម្មវិធី ដេញថ្លៃសំលៀកបំពាក់ សប្បុរសធម៌ ជួយដល់ក្មេងៗ ក្រីក្រនៅលើពិភពលោក ក្នុងប្រទេសវៀតណាម ដែលក្នុងនោះ នាងបានបរិច្ចាគថវិកាផ្ទាល់ខ្លួន ចំនួន១ពាន់ដុល្លារ ខណៈកុមារកម្ពុជា គ្មានសំណាងទទួលបានដោយផ្ទាល់។
យើងសង្កេតឃើញថា បណ្តាអ្នកសិល្បៈដទៃៗ ខិតខំគៀងគរ ប្រមូលថវិកាបន្តិចបន្តួច មកជួយសប្បុរសធម៌ ជួយដល់កុមារកម្ពុជា ដែលកំពុងត្រូវការសង្រ្គោះកុមារ ពីមន្ទីរពេទ្យគន្ធបុប្ផា ជាដើម ហេតុអីមិនជួយឲ្យចំគោលដៅ តែម្តងទៅ។
ទោះយ៉ាងណាតារាប្រេនៗ ព្រីម លីហ្សា បានឲ្យដឹងថា "ខាងអ្នករៀបចំ នៅប្រទេសវៀតណាម បានអញ្ជើញខ្ញុំទៅចូលរួម ដែលកម្មវិធីនេះ មានការដេញថ្លៃសំលៀកបំពាក់ដើម្បីយកថវិកា ជួយកុមារក្រីក្រនៅលើពិភពលោក ក្នុងនោះ ក៏មានប្រទេសខ្មែរយើងដែរបង ហើយខ្ញុំបានចូលថវិកា ១ពាន់ដុល្លារ សម្រាប់កម្មវិធីនេះដែរ"។ កញ្ញា លីហ្សា បន្តប្រាប់ថា នាងសប្បាយចិត្ត ដែលមានចូលរួមក្នុងកម្មវិធីខាងលើ មិនតែប៉ុណ្ណោះ ថែមទាំងបានជួយក្មេងៗក្រីក្រ នៅជុំវិញពិភពលោកទៀត។
ទាក់ទងនឹង កញ្ញា ព្រីម លីហ្សា បានទៅចូលរួមកម្មវិធី ដេញថ្លៃសំលៀកបំពាក់ នឹងធ្វើសប្បុរសធម៌ ជួយដល់ក្មេងៗក្រីក្រ នៅលើពិភពលោក ក្នុងប្រទេសវៀតណាម មានមតិមួយចំនួនលើកឡើងថា កុមារក្រីក្រក្នុងប្រទេសយើងច្រើនណាស់ ដែលកំពុងត្រូវការជំនួយជាហូរហែរ តែមិនមានសំណាង ទទួលពីតារាប្រេនៗម្នាក់សោះ ផ្ទុយស្រឡះពីតារាផ្សេងៗទៀត កំពុងដង្ហើយរកជំនួយមកឧបត្ថម្ភ ដល់កុមារកម្ពុជាយើង។
អ្នកគាំទ្ររូបនេះបន្តថា វាមិនខុសទេ ក្នុងការបរិចាគ រឺសប្បុរសធម៌ដល់កុមារនោះ ជាក់ស្តែង កុមារកម្ពុជាខ្វះខាតជាងគេ លើពិភពលោក និងកំពុងចាំជំនួយ ហេតុអីមិនជួយ និងឲ្យចំគោលដៅផងទៅ។
សូមរំលឹកថា តារាសម្តែង ចូលចិត្តសិចស៊ី ព្រីម លីហ្សា ជាតារាម៉ូដែល ដែលចូលចិត្តលេងម៉ូដសម្លៀកបំពាក់ និងសម្ភារៈ Brand ថ្លៃៗ ហើយតែងធ្វើឲ្យប្រិយមិត្ត ភ្ញាក់ផ្អើលតម្លៃសម្លៀកបំពាក់ ខ្ពស់ស្ទើរតែមិនជឿ។ ពេលមួយដែលនាង ទើបតែត្រលប់មកពីកម្មវិធី Paris Fashion Week នៅបារាំងនោះ បានបង្ហាញម៉ូដសម្លៀកបំពាក់ ៣ ម៉ូដ brand ល្បីៗ មានតម្លៃជាងបីម៉ឺនដុល្លារ ឯណោះ។
ទាក់ទងនឹងរឿងនេះ LookingTODAY បានព្យាយាមទាក់ទងទៅ កញ្ញា ព្រីម លីហ្សា សុំការបកស្រាយបន្ថែម តែមិនបាន មានតែរង់ចាំតារាស្រីរូបនេះ ចេញមុខបកស្រាយ នៅពេលក្រោយដោយក្ដីរីករាយ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]