ខេត្តក្រចេះ ៖ បន្ទាប់ពីលែងលះបាន១ថ្ងៃ ស្រាប់តែនៅព្រលឹមថ្ងៃទី១៣ ខែវិច្ឆិកា ឆ្នាំ២០១៦ បុរសជាប្តីបានស្ទាក់កាប់ប្រពន្ធ២កាំបិតផ្គាក់បណ្ដាលឲ្យដាច់កស្លាប់ក្នុងថ្លុកឈាមយ៉ាងអាណោចអាធ័មនៅផ្ទះរបស់ខ្លួននៅភូមិកសាង ឃុំចង្ក្រង់ ស្រុកចិត្របុរី ។
នគរបាលប៉ុស្តិ៍រដ្ឋបាលចង្ក្រង់ បានឲ្យដឹងថា មូលហេតុដែលប្តីប្រើកាំបិតផ្គាក់កាប់ប្រពន្ធរហូតដាច់ក្បាលស្លាប់ក្នុងថ្លុកឈាមកណ្តាលភូមិយ៉ាងអាណោចអធ័មនេះគឺកើតមានឡើងក្រោយពីប្តីប្រពន្ធនេះបានកើតមានទំនាស់ជាច្រើនលើកច្រើនសារ ដោយបុរសជាប្តីប្រចណ្ឌប្រពន្ធរហូតឈានដល់ការលែងលះបានរយៈពេល១ថ្ងៃ ។
គរបាលប៉ុស្តិ៍រដ្ឋបាលចង្ក្រង់ បានឲ្យដឹងទៀតថា បុរសដៃដល់ជាប្តីឈ្មោះ ជួ សេងហុង អាយុ៤៧ឆ្នាំ ចំណែក ស្ត្រីរងគ្រោះជាប្រពន្ធឈ្មោះ រី សុខុម អាយុ៣៦ឆ្នាំ ក្រុមគ្រួសារនេះមានកូនប្រុស-ស្រី៥នាក់ និងរស់នៅធ្វើស្រែចម្ការនៅចំណុចដីសម្បទាន ស្ថិតក្នុងភូមិកសាង ឃុំចង្ក្រង់ ស្រុកចិត្របុរី ខេត្តក្រចេះ។
លោកអនុសេនីយ៍ឯក រស់ ប៊ុនធឿន នាយប៉ុស្តិ៍នគរបាលរដ្ឋបាលចង្ក្រង់ បានឲ្យដឹងថា កន្លងមកគ្រួសារនេះ តែងតែមានជម្លោះជាញឹកញាប់ ។ ហើយនៅមុនថ្ងៃកើតហេតុ ពួកគេទាំង២នាក់បានមកដាក់ពាក្យលែងលះគ្នានៅសាលាឃុំចង្ក្រង់ ។ បន្ទាប់ពីលែងលះ និងចែកទ្រព្យសម្បត្តិគ្នាបាន១ថ្ងៃ នៅព្រឹកថ្ងៃកើតហេតុស្ត្រីរងគ្រោះជាប្រពន្ធបានដើរទៅផ្ទះដើម្បីយកខោអាវ ក៏ត្រូវបានជនដៃដល់ជាប្តីប្រដាប់ដោយកាំបិតផ្គាក់កាប់ចំនួន២កាំបិតបណ្តាលឲ្យដាច់.កស្លាប់ក្នុងថ្លុងឈាមតែម្តង ។
លោកអនុសេនីយ៍ឯក រស់ ប៊ុនធឿន បានឲ្យដឹងទៀតថា ភ្លាមៗជនដៃដល់ត្រូវបានកម្លាំងនគរបាលចុះចាប់ឃាត់ខ្លួន និងនាំខ្លួនមកសាកសួរ ។ នៅចំពោះមុខនគរបាល ជនដៃដល់បានឆ្លើយសារភាពថា មូលហេតុដែលនាំឲ្យមានការលែងលះ និងឈានឲ្យមានការកាប់សម្លាប់ ក៏ព្រោះតែរូបគេចោទប្រកាន់ថា ស្ត្រីរងគ្រោះជាប្រពន្ធលួចមានសាហាយ ។
យ៉ាងណាក៏ដោយ ជនដៃដល់ត្រូវបានកម្លាំងនគរបាលព្រហ្មទណ្ឌឃាត់ខ្លួនសាកសួរ ដើម្បីបន្តចំណាត់ការតាមនីតិវិធី ៕
ប្រភព៖ កោះសន្ដិភាព
កំណត់ហេតុខ្មែរឡូត៖
ដោយឡែកកាលពីថ្ងៃម្សិលមិញវិញ មានគូរស្នេហ៍១គូបើកបរម៉ូតូ MSX ក្នុងល្បឿនលឿន ដល់ចំណុចផ្លូវកោងមិនប្រយ័ត្ន ក៏រ៉េចង្កូតទៅបុកនិងដុំថ្ម ដែលនៅម្ខាងផ្លូវ រួចធ្លាក់ចូលប្រឡាយបណ្តាលឲ្យខាងស្រីស្លាប់ ចំណែកខាងប្រុសរងរបួសធ្ងន់។
ហេតុការណ៍គ្រោះថ្នាក់ចរាចណ៍នេះកើតឡើង នៅវេលាម៉ោង០២៖១៥នាទីរំលងអាធ្រាត្រឈានចូលថ្ងៃទី១២ ខែវិច្ឆិកា ឆ្នាំ២០១៦ លើកំណាត់ផ្លូវជាតិលេខ៥៩ ក្នុងភូមិបុស្អំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
លោក ជុំ វឿន នាយប៉ុស្តិ៍រដ្ឋបាលឃុំស្ទឹងកាច់ បានឲ្យដឹងថា នារីវ័យក្មេងដែលស្លាប់ឈ្មោះ ឈន ស្រីអែម អាយុ១៩ឆ្នាំ ជាអ្នករួមដំណើរ រស់នៅភូមិទូលខ្ពស់ ឃុំស្ទឹងត្រង់ ស្រុកសាលាក្រៅ (ស្លាប់និងកន្លែង) ចំណែកបុរសដែលជាអ្នកបើកបរឈ្មោះ យ៉ាន ដាហ្វីន អាយុ១៩ឆ្នាំ រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន រងរបួសធ្ងន់ដោយបើកម៉ូតូម៉ាក់ MSX ពណ៌ខៀវ គ្មានស្លាកលេខ បើកបរពីត្បួងទៅជើងក្នុងបំណងទៅស្រុកសាលាក្រៅ។
សមត្ថកិច្ចបន្តថា មុនពេលកើតហេតុមានម៉ូតូមួយគ្រឿង បើកបរក្នុងល្បឿនលឿន ដែលមានសំឡេងខ្លាំង មួយសន្ទុះក្រោយមកស្រាប់តែ បាត់សំឡេងរួចក៏នាំគ្នាទៅមើល ក៏ឃើញគូស្នេហ៍១ គូរស្លាប់នេះ ស្លាប់ម្នាក់ និងរងរបួសធ្ងន់ម្នាក់។ ក្រោយពីកើតហេតុសមត្ថកិច្ច បានដឹកជនរងគ្រោះទៅព្យាបាលនៅមន្ទីរពេទ្យបង្អែកខេត្តប៉ៃលិន តែដោយសភាពធ្ងន់ធ្ងរ ក៏បញ្ជូនបន្តទៅមន្ទីរពេទ្យខេត្តបាត់ដំបង។
ក្រោយពេលកើតហេតុ គេឃើញមានសមត្ថកិច្ចចរាចរណ៍ស្រុកសាលាក្រៅ ចុះមកពិនិត្យ ព្រមទាំងប្រគល់សាកសពឲ្យក្រុមគ្រួសារ យកទៅធ្វើបុណ្យតាមប្រពៃណី ចំណែកម៉ូតូត្រូវបានយករក្សាទុកនៅអធិការដ្ឋាននគរបាលស្រុកសាលាក្រៅ រង់ចាំការដោះស្រាយតាមនីតិវិធី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
