ខេត្តកំពង់ឆ្នាំង ៖ យុវជនម្នាក់ត្រូវបានសមត្ថកិច្ចចាប់ខ្លួនខណៈកំពុងអង្គុយផឹកស្រានៅក្នុងភូមិសុខសែនជ័យ ឃុំពាម ស្រុកសាមគ្គីមានជ័យ កាលពីវេលាម៉ោង១២ថ្ងៃត្រង់ ថ្ងៃទី២៦ ខែសីហា ឆ្នាំ២០១៦ ដោយចោទប្រកាន់ថា បានរំលោភក្មេងស្រីអាយុ៩ឆ្នាំរហូតបានសម្រេច ។
សមត្ថកិច្ចបានឲ្យដឹងថា ជនសង្ស័យដែលត្រូវចាប់ខ្លួនឈ្មោះ គុំ ដួង ភេទប្រុស អាយុ២៦ឆ្នាំ រស់នៅភូមិសុខសែនជ័យ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ចំណែកក្មេងស្រីរងគ្រោះទើបតែមានអាយុ៩ឆ្នាំប៉ុណ្ណោះ ។
សមត្ថកិច្ចបានឲ្យដឹងទៀតថា នៅថ្ងៃទី២៦សីហា បន្ទាប់ពីជនសង្ស័យផឹកស្រាជាមួយមិត្តភក្តិ៤-៥នាក់តាំងពីព្រឹករហូតស្រវឹង នៅម៉ោង១១ព្រឹកក៏បែកផ្លូវគ្នាទៅផ្ទះរៀងៗខ្លួន ។ ខណៈដើរត្រឡប់ទៅផ្ទះជនសង្ស័យក៏ឃើញក្មេងស្រីរងគ្រោះកំពុងអង្គុយញ៉ាំបាយ ក៏ចូលទៅសួរថា ឪពុកម្តាយឯងនៅផ្ទះដែរទេ? ក្មេងស្រីរងគ្រោះឆ្លើយថាមិននៅទេ ។ ពេលនោះដោយឃើញសភាពស្ងាត់ល្អជនសង្ស័យក៏បបួលក្មេងស្រីរងគ្រោះទៅរកឪពុករួចពរចូលទៅក្នុងព្រៃសុំរួមភេទ តែនាងមិនព្រម ជនសង្ស័យក៏វ៉ៃនាងឡើងដេកនឹងដីរួចច្របាច់ករហូតសន្លប់ ទើបធ្វើសកម្មភាពរំលោភស្រេចតែនឹងចិត្តរហូតបានសម្រេច ។
សមត្ថកិច្ចឲ្យដឹងទៀតថា បន្ទាប់ពីក្មេងស្រីរងគ្រោះដឹងខ្លួនពីសន្លប់វិញនាងក៏ដើរត្រឡប់មកផ្ទះវិញ ត្រូវបានអ្នកជិតខាងឃើញ ខ្លះក៏ដាក់នាងឲ្យដេក ខ្លះក៏ទៅប្រាប់ម្តាយនាងដែលនៅកន្លែងប្រជុំ ។ ពេលម្តាយនាងមកដល់ដោយឃើញមានស្នាមរបួស និងហូរឈាមតាមទ្វារមាសខ្លាំងពេកក៏បញ្ជូនទៅសង្គ្រោះនៅមណ្ឌលសុខភាព រួចដាក់ពាក្យប្តឹងដើម្បីឲ្យសមត្ថកិច្ចតាមចាប់ខ្លួនជនសង្ស័យយកមកផ្តន្ទាទោសតាមច្បាប់ ។
ក្រោយពីទទួលពាក្យបណ្ដឹង សមត្ថកិច្ចក៏បានចុះទៅឃាត់ខ្លួនជនសង្ស័យបានភ្លាមៗតាមការចង្អុលបង្ហាញរបស់ក្មេងស្រីរងគ្រោះ ខណៈជនសង្ស័យកំពុងអង្គុយផឹកស្រា ។
នៅចំពោះមុខសមត្ថកិច្ច ជនសង្ស័យបានសារភាពថា រូបគេពិតជាបានចាប់រំលោភក្មេងស្រីនេះពិតប្រាកដមែន ៕
ប្រភព៖ កោះសន្តិភាព
កំណត់ហេតុខ្មែរឡូត៖
ស្រដៀងគ្នានេះដែរ ករណីមួយផ្សេងទៀត បុរសជាកម្មកររោងចក្រស៊ីម៉ងត៍ម្នាក់ត្រូវបានកម្លាំងនគរបាលប៉ុស្តិ៍រដ្ឋបាលឃុំកណ្តោលសហការជាមួយកម្លាំងនគរបាលអធិការដ្ឋាននគរបាលស្រុកទឹកឈូ ចាប់ឃាត់ខ្លួន កាលពីវេលាម៉ោង១០ព្រឹក ថ្ងៃទី២៧ ខែសីហា ឆ្នាំ២០១៦ កន្លងទៅនេះ បន្ទាប់ពីសមត្ថកិច្ចទទួលពាក្យបណ្តឹងពីក្រុមគ្រួសារក្មេងស្រីរងគ្រោះប្តឹងចោទប្រកាន់ថា បានធ្វើសកម្មភាពចាប់រំលោភរហូតបានសម្រេច ។
សមត្ថកិច្ចនគរបាលប៉ុស្តិ៍រដ្ឋបាលឃុំកណ្តោលបានឲ្យដឹងថា ជនសង្ស័យឈ្មោះ សិត សារ៉េន ភេទប្រុស អាយុ២៧ឆ្នាំ មានមុខរបរជាកម្មកររោងចក្រស៊ីម៉ងត៍ ចក្រីទីងកំពត មានទីលំនៅភូមិទឹកក្រហម ឃុំកណ្តោល ស្រុកទឹកឈូ ខេត្តកំពត ចំណែកក្មេងស្រីរងគ្រោះទើបតែមានអាយុ១៥ឆ្នាំ ជាសិស្ស មានទីលំនៅក្នុងស្រុកទឹកឈូ ។
លោកវរៈសេនីយ៍ត្រី ណុប ចាន់ភាព អធិការរងស្រុកទឹកឈូ បានឲ្យដឹងថា កាលពីវេលាម៉ោង៨ព្រឹក ថ្ងៃទី២៦ ខែសីហា ឆ្នាំ២០១៦ ក្មេងស្រីរងគ្រោះបានជិះកង់យកបាយម្ហូបទៅឲ្យឪពុករបស់នាងនៅឯចម្ការឆ្ងាយពីផ្ទះ ខណៈកំពុងជិះកង់តាមផ្លូវស្រាប់តែជនសង្ស័យចេញមកផ្លូវឲ្យឈប់កង់រួចចាប់អូសដៃចូលទៅក្នុងព្រៃជើងភ្នំគីឡូដួល ស្ថិតក្នុងភូមិមានរិទ្ធ ឃុំកណ្ដាល រួចអូសចូលទៅចំការចម្ងាយប្រមាណជា២០ម៉ែត្រចាប់រំលោភរហូតបាសំរេច ព្រមទាំងគំរាមសម្លាប់ទៀត ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]