កំពត៖ សិស្សសាលាម្នាក់ ជិះម៉ូតូទៅផឹកកាហ្វេ ទុកម៉ូតូនៅមុខហាង ត្រូវចោរមិនស្គាល់អត្តសញ្ញាណ លួចនាំយកទៅបាត់ ដោយសុវត្ថិភាព កាលពីម៉ោង ៥៖២០នាទី ល្ងាច ថ្ងៃទី២៩ ខែកក្កដា ឆ្នាំ២០១៦ ចំណុចមុខហាងលក់កាហ្វេ ក្បែរសាលាយុវវ័យ ស្ថិតក្នុងភូមិ១ឧសភា សង្កាត់កំពង់កណ្តាល ក្រុងកំពត ។
មន្ត្រីនគរបាលមូលដ្ឋាន បានឲ្យដឹងថា ជនរងគ្រោះជាម្ចាស់ម៉ូតូឈ្មោះ ទូច ស្រីល័ក្ខ ភេទស្រី អាយុ១៦ឆ្នាំ សិស្សសាលាឧត្តមវិទ្យា ថ្នាក់ទី១០ រស់នៅភូមិថ្កូវ ឃុំឬស្សី ស្រុកខាងលិច ស្រុកកំពង់ត្រាច ខេត្តកំពត មកស្នាក់នៅរៀនសូត្រ ភូមិក្រាំង សង្កាត់ក្រាំងអំពិល ក្រុងកំពត ខេត្តកំពត ។ ម៉ូតូដែលចោរលួច ម៉ាកសង់សេ១២៥ សេរី២០១៦ ពណ៌ខ្មៅ ពាក់ស្លាកលេខកំពត 1I-5999 លេខតួ និងលេខម៉ាស៊ីន 9478472 ។
មន្ត្រីនគរបាលដដែលបន្តថា ជនរងគ្រោះ បានជិះម៉ូតូទុកនៅ មុខសាលាយុវវ័យ ហើយដើរចូលទៅផឹកកាហ្វេ ខាងក្នុងរបងខាងកើតកន្លែងទុកម៉ូតូ ចម្ងាយ២៥ម៉ លុះសង្ស័យមើលមកម៉ូតូ របស់ខ្លួនស្រាប់តែបាត់តែម្តង ។ បច្ចុប្បន្នកម្លាំងមាន សមត្ថកិច្ចនានា បាននិងកំពុង ស្រាវជ្រាវស្វែងរកមុខសញ្ញា ៕
ប្រភព៖ ដើមអម្ពិល
កំណត់ហេតុខ្មែរឡូត៖
សម្រាប់ករណីចោរលួចម៉ូតូ នេះក៏អាចធ្វើឲ្យនឹកឃើញដល់ នារីម្នាក់ដែលចូលសម្ភាសការងារចេញមកវិញ ចោរលួចម៉ូតូបាត់ ក្នុងរាជធានីភ្នំពេញ កាលពីថ្ងៃទី៣០ ខែឧសភានេះ នៅស្ថានីចាក់ប្រេងតេលា តាមបណ្ដោយផ្លូវឧកញ៉ា ម៉ុង ឬទ្ធី ស្ថិតក្នុងភូមិបាយាប សង្កាត់ភ្នំពេញថ្មី ខណ្ឌសែនសុខ។
គួររំលឹកថា ជនរងគ្រោះមានឈ្មោះ ទាវ រ៉ាវី អាយុ២០ឆ្នាំ ស្នាក់នៅភូមិច្រេះ សង្កាត់ភ្នំពេញថ្មី ខណ្ឌសែនសុខ ដែលមានស្រុកកំណើតនៅខេត្តក្រចេះ ។
នារីរងគ្រោះបានឲ្យដឹងទៀតថា ម៉ូតូដែលនាងជិះមកសម្ភាសការងារ ហើយត្រូវចោរលួចយកទៅបាត់នោះ តាមពិតជាម៉ូតូខ្ចីគេទេ ដែលម្ចាស់ម៉ូតូនៅបន្ទប់ជួលជាប់គ្នា ហើយគេឲ្យមកជួយយកកូនគេចេញពីរៀន ។
ម៉ូតូនោះជាកម្មសិទ្ធិ ឈ្មោះ លឿម លាក ដែលមានអាសយដ្ឋាននៅភូមិគោកត្របែក ឃុំគោកដូង ស្រុកអង្គរជុំ ខេត្តសៀមរាប ជាម៉ូតូហុងដាវ៉េវ សេ១០០ ពណ៌ខ្មៅ ពាក្យស្លាកលេខ សៀមរាប 1R-1476 ។
នារីរងគ្រោះបានបន្ថែមទៀតថា មុនពេលកើតហេតុ រូបនាងត្រូវបានម្ចាស់ម៉ូតូដែលស្នាក់នៅបន្ទប់ជាប់គ្នា ពឹងពាក់ឲ្យទៅជួយយកកូនគាត់នៅសាលារៀន តែនាងឆ្លើយថា ជាប់រវល់ប្រញាប់ទៅសម្ភាសការងារ ហើយម្ចាស់ម៉ូតូក៏ប្រាប់ថា ឲ្យយកម៉ូតូគាត់ទៅអញ្ចឹង ។
ក្រោយពីជូនកូនម្ចាស់ម៉ូតូដាក់ផ្ទះហើយ នាងប្រញាប់ទៅកន្លែងសម្ភាសការងារ ដូចអាសយដ្ឋានខាងលើ ក្រោយពីរូបគេបានចូលក្នុងបន្ទប់សម្ភាសប្រមាណជា២០នាទី ពេលចេញមកវិញស្រាប់តែបាត់ម៉ូតូតែម្ដង ធ្វើឲ្យនាងស្រឡាំងកាំង និងតក់ស្លុតជាខ្លាំងព្រោះជាម៉ូតូគេផង ។
ឃើញហេតុការណ៍បែបនោះ សន្តិសុខដែលនៅចាក់សាំងជិតនោះបានប្រាប់ថា ឃើញមនុស្សប្រុសម្នាក់ជិះចេញទៅបាត់ហើយ ។ ភ្លាមៗនោះដែរនារីរងគ្រោះ បានជិះម៉ូតូឌុប ទៅដាក់ពាក្យបណ្ដឹងនោប៉ុស្ដិ៍រដ្ឋបាល សង្កាត់ភ្នំពេញថ្មីដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
