ភ្នំពេញ៖ គ្រោះថ្នាក់ចរាចរណ៍ គួរឲ្យរន្ធត់ រថយន្តយីឌុបសណ្តោងរ៉ឺម៉ក បើកកិនក្មេងស្រី សិស្សសាលា អាយុ ១៥ឆ្នាំ បណ្តាលឲ្យស្លាប់ម្នាក់ និងក្មេងប្រុសម្នាក់ទៀត រងរបួសស្រាល នៅវេលាម៉ោង ១១និង៥នាទី ព្រឹកថ្ងៃទី៥ ខែកក្កដា ឆ្នាំ២០១៦នេះ យ៉ាងអាណោចអាធម នៅតាមបណ្តោយផ្លូវលេខ២០១១ ស្ថិតក្នុងភូមីដីថ្មី សង្កាត់ភ្នំពេញថ្មី ខណ្ឌសែនសុខ។
ប្រជាពលរដ្ឋ នៅកន្លែងកើតហេតុ បានឲ្យដឹងថា ក្មេងសិស្សសាលា ២នាក់ ឌុបគ្នា ពេលកំពុងធ្វើដំណើរស្របទិសគ្នា ជាមួយរថយន្តសណ្តោងរ៉ឺម៉ក ក៏បានកៀរប៉ះដៃចង្កូតម៉ូតូស្កូបពី ពណ៌ក្រហម លាយស ពាក់ស្លាកលេខ ភ្នំពេញ 1DG - 5985 របស់ជនរងគ្រោះ បណ្តាលឲ្យដួល ហើយបានខ្ទាតក្មេងស្រី ចូលក្រោមកង់រថយន្ត កិនស្លាប់ភ្លាមៗយ៉ាងអាណោចអធម ចំណែកក្មេងប្រុសដែលជិះម៉ូតូ ជាមួយបានរងរបួសស្រាល ៕
ប្រភព៖ ដើមអម្ពិល
កំនត់ហេតុខ្មែរឡូត៖
ដោយឡែក រំលឹកករណីគ្រោះថ្នាក់ចរាចរណ៍មួយផ្សេងទៀតផងដែរថា សេចក្តីរាយការណ៍បឋមបានឲ្យដឹងថា ក្មេងស្រីម្នាក់ត្រូវបានរថយន្តដឹកដី១គ្រឿងបុករួចកិនស្លាប់យ៉ាងអាណោចអាធ័មនៅចំណុចភូមិរស្មី ឃុំជ្រៃសីម៉ា ស្រុកសំពៅលូន ខេត្តបាត់ដំបង កាលពីព្រឹកថ្ងៃទី០៣ ខែកក្កដា ឆ្នាំ២០១៦ ។
សេចក្តីរាយការណ៍បានឲ្យដឹងទៀតថា ក្មេងស្រីរងគ្រោះឈ្មោះ ធី ភក្តី អាយុ៥ឆ្នាំ រស់នៅភូមិ-ឃុំកើតហេតុខាងលើ រីឯរថយន្តដឹកដីម៉ាក ហ៊ីណូ ពាក់ស្លាកលេខ តាកែវ 3A-2429 តែគេមិនទាន់សល់អត្តសញ្ញាណអ្នកបើកបរនៅឡើយទេព្រោះបានរត់គេចខ្លួនបាត់ក្រោយពេលកើតហេតុ ។
បើតាមសាក្សីដែលបានឃើញហេតុការណ៍នេះបានឲ្យដឹងថា ក្មេងស្រីរងគ្រោះបានរត់ឆ្លងថ្នល់ ខណៈនោះរថយន្តដឹកដីនោះកំពុងបើកលឿនផងនោះ ជាន់ហ្វ្រាំងមិនទាន់ក៏ជ្រុលទៅបុកហើយកិនក្មេងស្រីរងគ្រោះបែកសាច់ខ្ទេចភ្លាមៗតែម្តង ។
ក្រោយពេលកើតហេតុ សពក្មេងស្រីរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណី ចំណែករថយន្តត្រូវបានសមត្ថកិច្ចយកទៅរក្សាទុកដើម្បីដោះស្រាយតាមច្បាប់នៅពេលក្រោយ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
