មិនគួរឲ្យជឿ! ពីមនុស្សស្រីធាត់ គេហៅយាយចាស់រាល់ថ្ងៃ បែរជាប្រែកាយខ្លួនជាស្រីស្អាត ព្រោះតែ​ស្រកទម្ងន់!

តៃវ៉ាន់៖ តារាអ៊ិនធើណេតម្នាក់ បានធ្វើឲ្យអ្នកគាំទ្រ ភ្ញាក់ផ្អើលនូវការផ្លាស់ប្តូរ ទម្រង់មុខ និងរូបរាងរបស់នាង ព្រោះតែការស្រកទម្ងន់។

ចំពោះនាង Jiashing ជាតារាអ៊ិនធើណេតដ៏ល្បីម្នាក់ ដែលរូបនាងចូលចិត្តបង្អួតរូបរាងដ៏ស្លីមស្រឡូនរបស់នាង។ ហើយមិនតែប៉ុណ្ណោះ នាងក៏ធ្លាប់បានបង្ហាញនូវរូបថតកាលពីមុនផងដែរ ដែលនាងធ្លាប់ជាមនុស្សស្រីធាត់ជ្រុល គ្មានរាងស្អាត ដូចជាបច្ចុប្បន្ននោះទេ។ 

ជាមួយគ្នានោះដែរ នាង Jiashing បានឲ្យដឹងថា កាលពី៥ឆ្នាំមុន ពេលនាងអាយុ ១៩ឆ្នាំ ត្រូវបានមនុស្សគ្រប់គ្នា យល់ច្រឡំថា នាងអាយុ៣០ឆ្នាំ ព្រោះពេលនោះ នាងមានរាងធាត់ខ្លាំងពេក រហូតដល់១០០គីឡូឯណោះ។ ហើយថែមទាំងមានគេ គិតថា នាងជាម្តាយរបស់បងស្រីនាងទៀតផង។

ដោយសារតែមិនចង់ឲ្យគេគិតថា ខ្លួនចាស់ជាងអាយុ នាងក៏បានសម្រេចចិត្តផ្លាស់ប្តូរជីវិតរបស់នាង ដោយឈប់ទទួលទានអាហារផ្អែមៗ ឬជាតិខ្លាញ់ ស្ករគ្រាប់ ឬក៏សាច់ជាដើម។ ហើយនាងក៏ចាប់ផ្តើម ដាក់ការកំហិតលើខ្លួនឯងថា ត្រូវតែញ៉ាំផ្លែឈើ និងបន្លែបានហើយ។ ការខិតខំរបស់នាង ក៏បានប្រែប្រួលរូបរាងបន្តិចម្តងៗពីមួយថ្ងៃទៅថ្ងៃ ហើយនាពេលបច្ចុប្បន្ននេះ ទម្ងន់របស់នាងត្រឹមតែ ៤០គីឡូ ដែលស្រកអស់៦០គីឡូឯណោះ។

ប៉ុន្តែទោះជាយ៉ាងណា ការផ្លាស់ប្តូររូបរាងនេះ ក៏បានធ្វើឲ្យនាងមានបញ្ហាមួយចំនួនផងដែរ ព្រោះថា នាងត្រូវតែយកឯកសារតាមខ្លួនជានិច្ច រាល់ពេលចេញក្រៅម្តងៗ ហើយបើនាងមិនធ្វើបែបនេះទេ គឺគ្មានអ្នកណាអាចចំណាំនាងបានឡើយ។ មិនតែប៉ុណ្ណោះ នាងធ្លាប់ត្រូវបានប៉ូលិសហៅសាកសួរ ២ ទៅ៣ម៉ោងផងដែរ ដោយសារតែពួកគេគិតថា នាងជាក្មេងវ័យជំទង់ មិនទាន់គ្រប់អាយុ ដែលកំពុងរត់ចេញពីផ្ទះ និងជាពិសេសពេលនាងបើកឡានម្តងៗ ក៏ត្រូវបានប៉ូលិសហៅឲ្យនាងឈប់ម្តងម្កាលដែរ ព្រោះថា នាងមើលទៅវ័យក្មេងពេក ហើយបែរជាមានប័ណ្ណបើកបរទៅវិញ៕

តោះមើលសម្រស់របស់នាង កាលពេលធាត់ និងស្គមបន្តិចមើលយ៉ាងណាដែរ៖ 

ប្រភព៖ lollipop

កំណត់ហេតុខ្មែរឡូត៖

យ៉ាងណាមិញ ក៏មានរឿងរ៉ាវស្រដៀងគ្នានេះដែរ មាននារីវ័យក្មេងម្នាក់ បានសម្រេចចិត្ត សម្រកទម្ងន់ ទៅដល់ ៣៧គីឡូក្រាម ព្រោះតែចង់ ស្លៀកសំពត់ខ្លីខ្លាំងពេក។

យោងតាម គេហទំព័របរទេសមួយ បានឲ្យដឹងថា មាននារីម្នាក់ ដែលមិនត្រូវបាន បញ្ជាក់ឈ្មោះ បាន ស្រកទម្ងន់ ទៅដល់ ៣៧គីឡូក្រាម ដែលកាល ពីមុន នាងមានទម្ងន់ ៨៥គីឡូក្រាម ប៉ុន្តែនាពេល ថ្មីៗនេះ ទម្ងន់របស់នាង នៅសល់តែ ៤៨គីឡូក្រាមប៉ុណ្ណោះ។ ចំពោះមូលហេតុ ដែលធ្វើឲ្យ នាងសុខចិត្ត ស្រកទម្ងន់ យ៉ាងច្រើនបែបនេះ គឺដោយសារ ក្តីសុបិន្តរបស់នាង ចង់ស្លៀកនូវសំពត់ខ្លី។ ហើយកាលពីមុន ក៏មានអ្នកជំនួយក្នុងហាង ជាច្រើននាក់ ក៏ធ្លាប់ហាមឃាត់នាងផងដែរ ចំពោះការ ល សម្លៀកបំពាក់ ព្រោះនាងមាន មាឌធាត់ខ្លាំងពេក។ ដោយសារតែ ការតាំងចិត្តរបស់នារី ម្នាក់នេះ បានធ្វើឲ្យនាង មិនទទួលទានអាហារពេលល្ងាច និងរត់ ២ម៉ោង ជារៀងរាល់យប់ ហើយនាពេលបច្ចុប្បន្ននេះ នាងទទួលបាននូវ រាងស្លីមស្អាត ហើយថែមទាំង អាចស្លៀកសំពត់ខ្លី តាមក្តីស្រមៃ របស់នាងផងដែរ៕

• យុវវ័យ