ភ្នំពេញ៖ នៅទីបំផុត បងស្រីថន លក្ខិណា បានបង្ហាញមុខគូស្នេហ៍ជាជនជាតិថៃ ក្រោយមានពាក្យចរចាមអារ៉ាម ជាច្រើនលើកថា តារាដួងនេះ មានទំនាក់ទំនងស្នេហា ជាមួយនឹងមន្ត្រីពាក់ផ្កាយ ។
ដើម្បីបញ្ចប់នូវមន្ទីល សង្ស័យកន្លងមក ដែលចោទ ទៅលើ ថន តារា ថាមានស្នេហាជាមួយ នឹងមន្ត្រីពាក់ផ្កាយ ដែលតែងតែចេញចូល ផ្ទះរបស់នាងជាញឹកញាប់នោះ នៅថ្ងៃនេះរឿងទាំងនោះបានរសាយ ក្រោយនាងបង្ហាញមុខមាត់គូដណ្តឹង ជាជនជាតិថៃ ពីទីក្រុងបាងកក។
នៅល្ងាចថ្ងៃទី៣ ខែឧសភា ឆ្នាំ២០១៦ ថន តារា បានសរសេរនៅលើ ហ្វេសប៊ុករបស់នាងថា «Good Evening from thailand bkk ថ្ងៃដ៏រីករាយរបស់ខ្ញុំ និងអនាគតស្វាមី ពិធីសូត្រមន្តកាលពីព្រឹកមិញ» ។ ទន្ទឹមជាមួយនឹងគ្នានោះដែរ ថន តារាបន្តសរសេរថា «សូមអគុណសំរាប់ការ ជូនពររបស់អស់លោក និងមិត្តក្នុង Facebook ទាំងអស់ខ្ញុំពិតជារំភើប និងមានសុភមង្គលណាស់» ។
នៅថ្ងៃដដែលនេះ ថន តារាបាន ប្រាប់ LookingToday តាមរយៈសារអឡិចត្រូនិក បណ្តាញសង្គមហ្វេសប៊ុក ពីប្រទេសថៃថា «i will marry Soon On 26 /6/2016» ដែលប្រែជាខ្មែរថា«ខ្ញុំនឹងរៀបការឆាប់ៗនេះ នៅថ្ងៃទី២៦ ខែមិថុនា ឆ្នាំ២០១៦»៕
ផ្តល់សិទ្ធិដោយ៖ ដើមអម្ពិល
កំណត់ហេតុខ្មែរឡូត៖
ដោយឡែក គួររំលឹកផងដែរថា ពិធីការិនីដែលមាន ឈ្មោះបោះសំឡេង ល្បីឈ្មោះគួរសម ប្រចាំស្ថានីយទូរទស្សន៍ស៊ីធីអ៊ីន កញ្ញា ថន លក្ខិណា បានបង្ហាញអារម្មណ៍ទុក្ខសោក សម្រក់ទឹកភ្នែក ព្រោះតែនាងត្រូវរស់នៅ បែកពីឪពុកជាទីស្រលាញ់ រយៈពេលជាង១០ឆ្នាំ ដោយសារតែ ឪពុកម្តាយរបស់នាង បានលែងលះគ្នា ហើយនាងត្រូវមករស់នៅជាមួយម្តាយ ។
ទស្សនិកជនធ្លាប់តែបាន ឃើញវត្តមានពិធីការិនី នាង ថន លក្ខិណា បង្ហាញស្នាមញញឹម ភាពសប្បាយរីករាយនៅមុខកញ្ចក់ទូរទស្សន៍ ប៉ុន្តែទស្សនិកជនមិនដែល បានដឹងទេថា នៅពីក្រោយខ្នង ជីវិតសិល្បៈរបស់នាង គឺមានស្នាមដំបៅឈឺចាប់មួយ ដែលនាងត្រូវរស់នៅបែកពី លោកឪពុកច្រើនឆ្នាំមកហើយ ។
តារាស្រីរូបនេះ បាននិយាយទម្លាយ ពីអាថ៌កំបាំងឈឺចាប់របស់ខ្លួន រួមជាមួយការសម្រក់ទឹកភ្នែកនៅក្នុងកម្មវិធី «ការណាត់ជួបដ៏អស្ចារ្យ» របស់ស្ថានីយទូរទស្សន៍ PNN កាលពីពេលថ្មីៗនេះ ។ ដោយនៅក្នុងនោះ នាងថែមទាំងមានក្តីស្រមៃមួយ នៅក្នុងចិត្ត ដោយនាងចង់ឃើញ ឪពុកម្តាយត្រូវរ៉ូវគ្នា បានរស់នៅជួបជុំគ្នា រស់នៅយ៉ាងមាន សុភមង្គលជាមួយគ្នាម្តងទៀត ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]