ភ្នំពេញ៖ ភីអិនអិន(PNN) ដែលជាប៉ុស្តិ៍ទូរទស្សន៍ទំនើបបំផុត និងថ្មីបំផុត របស់កម្ពុជា បានចាប់ផ្ដើមការ ផ្សាយលើកដំបូងរបស់ខ្លួន ដោយមានការ ចូលរួមយ៉ាង អធិកអធមពី តារាល្បីៗជាច្រើនរូប ។
PNN ជាប៉ុស្តិ៍ទូរទស្សន៍ថ្មីចុងក្រោយដែលគេអាចទស្សនា ដោយឥត គិតថ្លៃតាម រលកធាតុអាកាស តាមទូរទស្សន៍ខ្សែកាប និងទស្សនាផ្ទាល់ពី ផ្កាយរណបមក កាន់គេហដ្ឋាន ។ ប៉ុស្តិ៍ទូរទស្សន៍នេះ បានចាប់ផ្ដើមការ ផ្សាយជាផ្លូវការនៅវេលាម៉ោង ៥:៣០ នាទីល្ងាចថ្ងៃសៅរ៍ ១១ កក្កដា ។
កម្មវិធីដំបូងរបស់ប៉ុស្តិ៍ទូរទស្សន៍នេះ គឺការផ្សាយផ្ទាល់អំពីកម្មវិធីនៅ ឯសណ្ឋាគារ ភ្នំពេញ ក្នុងរាជធានីភ្នំពេញ ។ កម្មវិធីនោះ ត្រូវបានចូលរួម ដោយតារាល្បីៗរបស់កម្ពុជា និងតារាល្បីៗ មកពីប្រទេសថៃ ។
អគ្គនាយកប៉ុស្តិ៍ទូរទស្សន៍ PNN លោក Glen Felgate បានថ្លែងថា៖ “យើងមានកិត្តិយស ដែលតារាល្បីៗនៅកម្ពុជាបានចូលរួមនៅ ក្នុងការផ្សាយលើក ដំបូងរបស់យើង ។ ទន្ទឹមនឹងនោះក៏មានការចូលរួ មពីតារាល្បីៗពី ប្រទេសថៃផងដែរ ។ តារាល្បីៗទាំងនោះ នឹងបង្ហាញខ្លួននៅ ក្នុងខ្សែភាពយន្តភាគថៃ ដែលនឹងត្រូវបាន ចាក់ផ្សាយនៅលើកញ្ចក់ទូរទស្សន៍នា ប៉ុន្មានខែខាង មុខនេះ” ។
ពិធីករ-ពិធីការនីទូរទស្សន៍ មានលោក ប៉ែន ចំរ៉ុង អ្នកនាង NG និងអ្នកនាងខាត់ សុខឃីម គឺស្ថិតក្នុង ចំណោមតារាដែលនឹងបង្ហាញ ខ្លួនក្នុងកម្មវិធីនោះ ។ ចំណែកឯតារា មកពីប្រទេសថៃវិញ រួមមាន លោក Art Phasut Banyam (Art), កញ្ញា Patricia Tanchanok Good (Pat), កញ្ញា Joy Rinlanee Sripen (Joy) និង កញ្ញា Puifai AF4 ។
ក្នុងនោះមានភ្ញៀវប្រមាណជាង ៣០០ នាក់ដែលបានចូលរួម ក្នុងព្រឹត្តិការណ៍នេះ ដោយក្នុងនោះ រួមមានទាំងមន្ត្រីរដ្ឋាភិបាល និងប្រធានក្រុមហ៊ុនឯ កជននានា ផងដែរ ។
ក្រុមផលិតកម្មវិធីរបស់ប៉ុស្តិ៍ទូរទស្សន៍ PNN បានបង្ហាញនូវ កម្មវិធីពិសេសៗ ដែលនឹងមាន ចាក់ផ្សាយលើប៉ុស្តិ៍ទូរទស្សន៍នេះ ។ កម្មវិធីរយៈពេល ពីរម៉ោង នឹងបង្ហាញ ប្រាប់នូវកម្មវិធីផ្សេងៗ ដែលមានដូចជា កម្មវិធីប្រឡងសមត្ថភាព កំពូលតារា កម្មវិធីប្រដាល់ ផ្សាយផ្ទាល់ សមរភូមិអ្នក ប្រយុទ្ធ និងកម្មវិធីព័ត៌មាន ។
ប៉ុស្តិ៍ទូរទស្សន៍ PNN ក៏នឹងឆ្លៀតឱកាសណែនាំឲ្យទូរទស្សនិកជន បានស្គាល់ ពិធីករ-ពិធីការនី ប្រចាំប៉ុស្តិ៍ទូរទស្សន៍ផងដែរ ។ ក្នុងនោះ គឺមានលោក ប៉ែន បូណា ដែលជាអ្នកសារព័ត៌មានកម្ពុជា ដែលទទួលបាន ការគោរពច្រើន ហើយដែល ធ្លាប់បម្រើការងា រនៅឯស្ថានីយវិទ្យុបារាំង អន្តរជាតិ (RFI) ហើយដែលបាន ចូលរួមបម្រើ ការនៅប៉ុស្តិ៍ទូរទស្សន៍ PNN កាលពីដើមឆ្នាំនេះ ក្នុងតួនាទីជានិពន្ធ នាយកព័ត៌មាន ។
ព្រឹកថ្ងៃនេះដែរ ក្រុមព័ត៌មានរបស់ប៉ុស្តិ៍ទូរទស្សន៍ PNN បានចុះហត្ថលេខា លើអនុស្សរណៈ នៃការយោគយល់គ្នា (MOU) ជាមួយនឹង អង្គភាពផលិត ព័ត៌មាន BEC News របស់ប្រទេសថៃ ។ ក្នុងពិធីចុះ ហត្ថលេខានោះ ក៏មានការចូលរួមពីពិធីករ ព័ត៌មានដ៏ល្បី ឈ្មោះបំផុតមួយរូប របស់ប្រទេសថៃ គឺលោក Kitti Singhapat ។
ទូរទស្សន៍ PNN ផ្សាយនៅលើប្រព័ន្ធ UHF ប៉ុស្តិ៍លេខ ៥៦ និងជាប៉ុស្តិ៍ទូរទស្សន៍ បែបកម្សាន្តទូទៅ។
ស្ថានីយទូរទស្សន៍ PNN បានចំណាយទុនវិនិយោគជាង ២០ លានដុល្លារ អាមេរិក ទៅលើការ សាងសង់ស្ទូឌីយ៉ូ ក៏ដូចជាឧបករណ៍ ទំនើបៗ និងទឹកប្រាក់ រាប់លានដុល្លារ អាមេរិកទៀត ទៅលើការ ផលិតកម្មវិធី។
បច្ចុប្បន្ន ម៉ាស៊ីនផ្សាយរបស់ PNN មាននៅក្នុងរាជធានីភ្នំពេញ ខេត្តកោះកុង ស្វាយរៀង ត្បូងឃ្មុំ កំពង់ធំ សៀមរាប បន្ទាយមានជ័យ បាត់ដំបង ប៉ៃលិន ពោធិ៍សាត់ ក្រចេះ ស្ទឹងត្រែង មណ្ឌលគិរី រតនគិរី ព្រះវិហារ ឧត្ដរមានជ័យ ព្រះសីហនុ កំពត និងតាកែវ។
ចូលមើលទំព័រហ្វេសប៊ុក PNN: www.facebook.com/pnntvcambodia
ព័ត៌មានបន្ថែម សូមទាក់ទងលោក Glen Felgate តាមអ៊ីម៉េល [email protected]
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]