ខេត្តក្រចេះ ៖ មន្ត្រីប៉ូលិសស្រុកស្នួល កាលពីថ្ងៃទី១៣ កក្កដា បានចាប់ឃាត់ខ្លួនបុរសម្នាក់តាមដីការបស់តុលាការខេត្ត ក្រោយពីបុរសនេះបានចាប់រំលោភកូនស្រីបង្កើតរហូតមានផ្ទៃពោះ៦ខែ ទើបបែកការ និងបានរត់ទៅសំងំលាក់ខ្លួនពួនអាត្មារយៈពេល២ឆ្នាំ ។
បុរសជាប់ចោទជាឪពុកដែលត្រូវកម្លាំងនគរបាលចាប់ឃាត់ខ្លួននេះឈ្មោះឌីម ឃីម អាយុ៦០ឆ្នាំ មានទីលំនៅក្នុងស្រុកស្នួល មានកូនចំនួន៨នាក់ ស្រី២នាក់ រីឯក្មេងស្រីរងគ្រោះមានអាយុ២១ឆ្នាំ ជាកូនស្រីច្បង ។ លោកអនុសេនីយ៍ទោ ប៊ុត នឿន អធិការរងនគរបាលស្រុកស្នួល បានឱ្យដឹងថា ជនជាប់ចោទនេះត្រូវបានកម្លាំងនគរបាលស្រុកចាប់ឃាត់ខ្លួនតាមដីកាលេខ២៣៦ ចេញដោយលោកជា ភា ចៅក្រមស៊ើបសួរនៃសាលាដំបូងខេត្តកាលពីថ្ងៃទី២៧ ធ្នូ ២០១០ ។ មន្ត្រីនគរបាលស្រុកស្នួលបានឱ្យដឹងទៀតថា ជនម្នាក់នេះជាប់ចោទពីបទរំលោភសេពសន្ថវៈទៅលើកូនស្រីបង្កើតរបស់ខ្លួន រហូតបានសម្រេចជាច្រើនលើកច្រើនសា បណ្តាលឱ្យមានផ្ទៃពោះ៦ខែ ទើបបែកធ្លាយដល់ស្រ្តីជាម្តាយ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
