ហ្វីលីពីន៖ វៀតណាម បានក្លាយជាម្ចាស់មេដាយមាសវិញ្ញាសាបាល់ទាត់បុរស ព្រឹត្តិការណ៍ស៊ីហ្គេមលើកទី៣០ នៅប្រទេសហ្វីលីពីន ក្រោយយកឈ្នះឥណ្ឌូនេស៊ី ក្នុងលទ្ធផល ៣ទល់នឹង០ នៅក្នុងវគ្គផ្ដាច់ព្រ័ត្រ។
៣គ្រាប់របស់វៀតណាមរកបានដោយកីឡាករខ្សែការពារ Doan Van Hau ២គ្រាប់ នៅនាទីទី២៩ និង ៧៣ ចំណែកឯ១គ្រាប់ទៀតធ្វើបានសម្រេចដោយការស៊ុតរបស់ប្រធានក្រុម Do Hung Dung នៅនាទីទី៥៩។
នៅក្នុងការប្រកួតនោះ មានភាពតានតឹង និងសម្រុកគ្នាទៅវិញទៅមកខ្លាំងមែនទែន។ ជាមួយគ្នានេះ គ្រូបង្វឹករបស់វៀតណាម Park Hang Soe ក៏ទទួលបានកាតក្រហមបណ្ដេញចេញពីទីលានផងដែរ។
នេះគឺជាមេដាយមាសទី២ហើយរបស់វៀតណាម សម្រាប់វិញ្ញាសាបាល់ទាត់បុរស ក្នុងព្រឹត្តិការណ៍ស៊ីហ្គេម ដោយកាលពីឈ្នះលើកដំបូងគឺនៅក្នុងឆ្នាំ១៩៥៩ ដែលជាឆ្នាំដំបូងនៃប្រារព្ធព្រឹត្តិការណ៍កីឡាកម្រិតតំបន់មួយនេះ ដែលពេលនោះប្រទេសវៀតណាមខាងត្បូងជាអ្នកឈ្នះ។
សម្រាប់លទ្ធផលវិញ្ញាសាបាល់ទាត់បុរស ក្នុងព្រឹត្តិការណ៍ស៊ីហ្គេមលើកទី៣០ បានបញ្ចប់ទៅដោយ៖
- មេដាយមាស : វៀតណាម
- មេដាយប្រាក់ : ឥណ្ឌូនេស៊ី
- មេដាយសំរឹទ្ធ : មីយ៉ាន់ម៉ា
- ក្រុមលេខ៤ : កម្ពុជា
សូមទស្សនាវីដេអូ Highlight ការប្រកួតរវាង វៀតណាម និង ឥណ្ឌូនេស៊ី នៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
