កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា កីឡាករ Nicolas Jackson អាចនឹងមានឱកាសចាកចេញពីក្លិបតោខៀវ Chelsea នៅរដូវក្ដៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខណៈនោះក្លិប AC Milan ក៏កំពុងនឹងសួរពីលក្ខខណ្ឌក្នុងការផ្លាស់ចេញពី Chelsea របស់ Jackson ប៉ុន្តែនៅពុំទាន់មានការចរចាឬដាក់សំណើផ្លូវការណាមួយកើតឡើងនៅឡើយទេ ស្របពេល កីឡាកររូបនេះចង់ចាកចេញពីក្លិបនៅស្វែងរកការប្រកួតប្រជែងថ្មី។

យ៉ាងណាមិញ Chelsea បានប្រាប់ទៅ AC Milan វិញថា ទោះជាលក់កីឡាកររូបនេះក៏ តម្លៃផ្ទេររបស់ Nicolas Jackson មិនថោកនោះដែរ ខណៈដែលក្លិបផ្សេងទៀតនៅ Premier League ក៏បានដឹងច្បាស់ពីស្ថានការណ៍នេះផងដែរ។

គួរបញ្ជាក់ផងដែរថា Nicolas Jackson បានផ្លាស់ពីក្លិប Vilarreal មកកាន់ទឹកដី Stamford Bridge កាលពីឆ្នាំ២០២៣ ហើយរូបគេបង្ហាញខ្លួនបានស៊ុតបញ្ចូលទី៣០គ្រាប់ឲ្យក្លិប ក្នុងរយៈពេលពីររដូវកាលកន្លងមកនេះ៕
