សិង្ហបុរី៖ ថ្មីៗកន្លងទៅនេះ ស្រាវីស្គីទុរេនទើបតែដាក់លក់ជាផ្លូវការនៅក្នុងប្រទេសសិង្ហបុរី។ វីស្គីទុរេនធ្វើឲ្យអ្នកដែលចូលចិត្តហូបទុរេន កំពុងនាំគ្នាជ្រួលជ្រើមចង់សាកល្បងរសជាតិរបស់វា។
យោងតាមប្រភពបានឲ្យដឹងថា វីស្គីទុរេនត្រូវបានផលិតឡើងដោយក្រុមហ៊ុនមួយក្នុងប្រទេសម៉ាឡេស៊ីដែលមានឈ្មោះ Tropical Wine Sdn Bhd។ វីស្គីទុរេនចម្រាញ់ចេញពីសាច់ទុរេនពូជ Musang King Flesh សុទ្ធ១០០% ដោយបន្ថែមជាតិអេតាណុលរួមជាមួយស្ករស និងមានបរិមាណជាតិអាល់កុលចំនួន១៨%។ វីស្គីទុរេនចំណុះ២៥០មីលីលីត្រ មានតម្លៃ ៩៨ដុល្លារសិង្ហបុរី (៧២ដុល្លារអាមេរិក) និងចំណុះ៧៥០មីលីលីត្រមានតម្លៃ១៩៨ដុល្លារសិង្ហបុរី (១៤៥ដុល្លារអាមេរិក)។
អ្នកដែលបានភ្លក់រសជាតិវីស្គីទុររេនបាននិយាយថា វីស្គីទុរេនគឺមិនមានរសជាតិត្រូវស្ដង់ដាររបស់វីស្គីនោះទេ ព្រោះជាទូទៅវីស្គីគឺផលិតចេញពីគ្រាប់ធញ្ញជាតិ ដូចជាពោត ស្រូវសាលី ជាដើម៕
តើប្រិយមិត្តចង់សាកភ្លក់រសជាតិដែរទេ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
