សាររបស់អ៊ុន សុធា សរសេរទៅកាន់ម្តាយខ្លួន ដែលបានទទួលមរណភាព អានហើយ សែនក្តុកក្តួលចិត្ត!

ក្រចេះ៖ បើគិតមកដល់ថ្ងៃនេះ ជិតមួយខែហើយដែលម្ដាយរបស់ តារាសម្ដែងប្រុស លោក អ៊ុន សុធា បានលាចាកលោក ជាមួយនឹងជំងឺប្រចាំកាយ ធ្វើឲ្យទស្សនិកជនសម្ដែងអារម្មណ៍សោកស្ដាយគ្រប់គ្នា។

ជាមួយគ្នានេះដែរ តារាសម្ដែងប្រុសដ៏មានប្រជាប្រិយភាព អ៊ុន សុធា ជារឿយៗក៏តែងតែបង្ហាញពីសសេចក្ដីស្រលាញ់របស់ខ្លួន និងអ្នកម្ដាយ នៅលើបណ្ដាញសង្គមដែលជារឿងពិបាកធ្វើចិត្តបាន ចំពោះការបាត់បង់យ៉ាងធំធេងមួយនេះ។

ជាក់ស្ដែង កាលពីប៉ុន្មានម៉ោងមុន បើគណនីហ្វេសប៊ុកផ្លូវការរបស់ លោក អ៊ុន សុធា បានបង្ហោះសារនិងរូបភាព ធ្វើឲ្យបណ្ដាអ្នកគាំទ្ររបស់ខ្លួន មានការចាប់អារម្មណ៍ខ្លាំង ព្រមទាំងបានសម្ដែងក្ដីអាណិតអាសូរ ទៅលើលោក គ្រប់គ្នាតែម្ដង ។

នៅក្នុងការបង្ហោះនោះផងដែរ លោក អ៊ុន សុធា ក៏បានសរសេរមកជាមួយថា​៖«អរគុណម៉ែដែលបានឲ្យកូនឃើញក្នុងយល់សប្តិ ខ្ញុំឃើញម៉ែស្អាតណាស់ ហើយអាចដើរបានទៀត ។ហើយម៉ែបានសួរខ្ញុំថា (ពេលដែលម៉ែឈឺខ្លាំងតើមានបងប្អូន សាច់ញាតិ រឺក៏អ្នកជិតខាងណាខ្លះមកជួយម៉ែៗនឹងទៅសងគុណគេវិញ) ។ ម៉ែពេលនៅជាមួយកូនក៏ធ្វើបុណ្យពេលម៉ែចាកចេញសែនឆ្ងាយហើយក៏នៅតែធ្វើបុណ្យដែរ សូមឲ្យបុណ្យកុសល្យដែលម៉ែបានសាងទាំងប៉ុន្មាន នាំម៉ែទៅកាន់ឋានដែលសុខផុតទុក្ខ។ ម៉ែគឺជាព្រះរបស់កូននឹកណាស់»។

ក្រោយពីបានឃើញបែបនេះ រួចមកគេសង្កេតឃើញមានបណ្ដាអ្នកគាំទ្រ ក៏ដូចជាមិត្តភក្តិរបស់ខ្លួន បាននាំលួងលោម ទៅកាន់ អ៊ុន សុធា ក្នុងន័យឲ្យកាត់ចិត្តគ្រប់គ្នា៕

• អ៊ុន សុធា
• តារាខ្មែរ