ភ្នំពេញ៖ ប្រាកដជាមានប្រិយមិត្តជាច្រើន បានស្គាល់ផលិតករដ៏មានប្រជាប្រិយភាព លោក សុវណ្ណ រិទ្ធី ហៅលោកតា វ៉ិចទ័រ ដែលជាអ្នកដឹកនាំសម្ដែងរឿងកំប្លែងមួយរូប ប្រចាំស្ថានីយទូរទស្សន៍ CTN ដោយលោកទទួលបានការគាំទ្រយ៉ាងខ្លាំង ពីសំណាក់មហាជន។
យ៉ាងណាមិញ កាលពីម្សិលមិញនេះ លោកតា វ៉ិចទ័រ ក៏បានបង្ហោះរូបភាពប៉ុន្មានសន្លឹក នៅលើគណនីហ្វេសប៊ុករបស់ខ្លួន ធ្វើឲ្យទស្សនិកជនមានការចាប់អារម្មណ៍ជាខ្លាំង។
ក្នុងនោះ គេសង្កេតឃើញថា លោកតា វ៉ិចទ័រ បានសម្ដែងក្តីរំភើបជាខ្លាំងក្រោយពីនាយ តាក់ស៊ី បានសាងផ្នួសរួចហើយ ប៉ុន្តែនៅតែនិមន្តមកលេងលោក និងសមាជិកក្នុងក្រុមទោះបីជាខ្លួនបានចាកឆ្ងាយពីវិស័យសិល្បៈក៏ដោយ។
លោកតា វ៉ិចទ័រ បានសរសេររៀបរាប់យ៉ាងដូច្នេះថា៖ «រៀងរាល់ព្រឹកថ្ងៃសុក្ រគឹជាថ្ងៃដែលខ្ញុំរៀបចំតួសម្ដែងសម្រាប់កម្មវិធីចុងសប្តាហ៏ ហើយក៏ជាថ្ងៃដែលខ្ញុំនឹក កំពុង តែនឹកស្រាប់តែលោកប្អូន និមន្តមកលេងដល់ការិយាល័យតែម្តង ខ្ញុំរំភើបណាស់។ បងសូមប្រគេនពរលោកប្អូនសូមមានសុខ ភាពល្អជារៀងដរាប។ (ម្យ៉ាងទៀតប្រសិនបើការថតរូបនេះមានការខុសឆ្គងដោយប្រការណាមួយសូមបងប្អូនអធ្យាស្រ័យខ្ញុំផង ដោយសារខ្ញុំរំភើបពេក) »។
ក្រោយពីបានឃើញបែបនេះ ធ្វើឲ្យប្រិយមិត្តជាច្រើនបានសម្ដែងអារម្មណ៍នឹករលឹកពីសមត្ថភាពសម្ដែងរបស់ នាយ តាក់ស៊ី គ្រប់ៗគ្នាតែម្ដង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]