ភ្នំពេញ៖ ពិធីអាពាហ៍ពិពាហ៍របស់អ្នកផលិតកម្មវិធីរបស់ MyTV វីជេ សុភា និងតារាសម្តែងស្រី ណូ ម័រ ត្រូវបានបញ្ចប់ទៅដោយភាពសប្បាយរីករាយ ព្រមទាំងមានភ្ញៀវកិត្តិយស និងមិត្តរួមអាជីពក្នុងសិល្បៈចូលរួមយ៉ាងច្រើនកុះករផងដែរ។
ដោយឡែក កញ្ញា អ៊ឹម ដាលីស ដែលជាតារាសម្តែង ព្រមទាំងជាមិត្តជិតស្និទ្ធរបស់ ណូ ម័រ បានបញ្ចេញសារមួយនៅលើហ្វេសប៊ុករបស់ខ្លួន បង្ហាញពីអារម្មណ៍របស់ខ្លួនចំពោះ ណូ ម័រ និងស្វាមី ព្រមទាំងអបអរសាទរថ្ងៃពិសេសរបស់អ្នកទាំងពីរផងដែរ។
តួឯកស្រីបទ «ខ្ញុំអ្នកស្វាយរៀង« រូបនេះបានសរសេរថា៖ «និយាយចុះនិយាយឡើងនៅតែមិនអស់ចិត្តហេតុអីគាត់មានលិឍមុនខ្ញុំ ថៃ្ងនេះចង់និយាយពីរអារម្មណ៏ពិត ពីរមុនមិនដែរគិតថាពួកយើងស្គាល់គ្នាមកដល់សព្វថៃ្ងទេ តែលូវពួកយើងទាំងអស់គ្នាស្គាល់គ្នារហូតប្រាំបួនឆ្នាំហើយ ខ្ញុំគ្រាន់តែជាអ្នកធម្មតាមិនមានអី្វប៉ុនែ្តគាត់លើសជាងខ្ញុំគ្រប់យ៉ាង តែគាត់ព្រមទទួលខ្ញុំធ្វើជាមិត្តណែនាំឲ្យស្គាល់មិត្តគ្រប់គ្នាដូចខាងក្រោម គាត់នៅកែ្បរខ្ញុំពេលដែលខ្ញុំគ្មានអ្នកណាទាំងអស់កំដរខ្ញុំគ្រប់ពេល លើសពីបងប្អូនខ្ញុំ គាត់តែងតែយកអសារគ្រួសារខ្ញុំពេលដែលប៉ាខ្ញុំឈឺ ប៉ាខ្ញុំចែកឋាន មានតែគាត់ដែរនៅកែ្បរខ្ញុំ តែងតែលើកទឹកមិត្តម្នាក់នេះគ្រប់ពេល ថៃ្ងនេះអារម្មណ៏ខ្ញុំរំភើបខ្លាំងដែរបានឃើញមិត្តសម្លាញ់ខ្ញុំពោរពេញដោយស្នាមញញឹមដែលមិនអាចបំភ្លេចបាន ថៃ្ងដែលពិសេសសម្រាប់ជីវិតរបស់គាត់ អរគុណគ្រប់យ៉ាងសម្រាប់ការណែនាំរឿងល្អៗជាច្រើនកន្លងមកសម្រប់មិត្តម្នាក់នេះ ជូនពរមិត្តនឹងបងប្រុស ស្រលាញ់គ្នាដល់ចាស់កោងខ្នង ជួបអី្វដែរល្អៗ សូមឲ្យមានតែស្នាមញញឹមជារៀងរហូតណា My Besties ណូ ម័រ»។
ក្រោយពីបានអានសារដ៏មានអត្ថន័យនេះរួច ទើបដឹងថាតារាស្រីទាំង២នេះពិតជាមានភាពស្និទ្ធស្នាល និងស្រលាញ់គ្នាខ្លាំង ថែមទាំងធ្លាប់ឆ្លងកាត់រឿងជាច្រើនជាមួយគ្នា តអស់រយៈពេលជាច្រើនឆ្នាំ ប៉ុន្តែមិត្តភាពនៅតែល្អបែបនេះដដែល៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]