ស្តាប់ស្ទើរហូរទឹកភ្នែក! បទថ្មីរបស់ ខេម ត្រូវសាច់រឿងឪពុកចិត្តអប្រិយធ្វើបាបប្រពន្ធ និងរំលោភកូនស្រីឯង (មានចម្រៀង)

ភ្នំពេញ៖ កាលពីម្សិលមិញ តារាចម្រៀងប្រចាំផលិតកម្មថោន លោក ខេម បានបញ្ចេញបទថ្មីរបស់ខ្លួនមួយបទ មានចំណងជើងថា “ពុកខុសហើយកូន” ដែលជាលំនាំបទដើម “កំពូលភ្នំស្រួច” ។

យ៉ាងណាមិញ សម្រាប់បទចម្រៀងមួយបទដែលទើបតែចេញក្តៅៗនេះដែរ កំពុងតែទទួលការគាំទ្រខ្លាំងមែនទែន ព្រោះថាបទចម្រៀងមួយបទនេះ ពិតជាកម្សត់រៀបរាប់ពី ឪពុកដែលទទួលស្គាល់កំហុស ប្រើប្រាស់គ្រឿងញៀន ធ្វើបាបប្រពន្ធ និងថែមទាំងរំលោភកូនស្រីបង្កើតរបស់ខ្លួន ដែលធ្វើឲ្យអ្នកគាំទ្រស្តាប់ហើយ ស្ទើរតែស្រក់ទឹកភ្នែកដោយមិនដឹងខ្លួន។

លើសពីនេះ អ្វីដែលពិសេសជាងនេះទៅទៀតនោះ សម្រាប់បទ “ពុកខុសហើយកូន” គឺជាព្រះរាជនិពន្ធទំនុកច្រៀងដោយ ព្រះអង្គម្ចាស់ ឌួង សុវណ្ណរ័ត្ន ហៅតាប៉ក់។

យ៉ាងណាក្តី បទថ្មីដ៏កម្សត់នេះ កំពុងមានសន្ទុះការគាំទ្រយ៉ាងខ្លាំង ដោយត្រឹមតែរយៈពេលមួយថ្ងៃ មានអ្នកចូលមើលលើបណ្តាញសង្គម រាប់សែនដង ជាមួយនឹងទទួលបានពាក្យសរសើរយ៉ាងច្រើនពីសំណាក់អ្នកគាំទ្រផងដែរ៕

ចង់ជ្រាបច្បាស់ថាបទថ្មីរបស់ ខេម កម្សត់បែបណា តោះទៅស្តាប់ទាំងអស់គ្នា៖ 

• ខេម
• ចម្រៀង
• វីដេអូ