គ្រាន់តែឈុតគ្រឿងអលង្ការ ​ឱក សុគន្ធកញ្ញា ពាក់ពេលកាត់សក់មុននេះ មានតម្លៃជិត៦ម៉ឺនដុល្លារ

ភ្នំពេញ៖ នាពេលនេះដែល បណ្តាអ្នកគាំទ្រជាច្រើនកំពុងតែនាំគ្នាធ្វើការតាមដាន ជាមួយនឹងថ្ងៃជ័យដ៏ល្អរបស់តារាចម្រៀងដ៏មានប្រជាប្រិយភាព ឱក សុគន្ធកញ្ញា ដែលបានធ្វើការរៀបការនៅក្នុងថ្ងៃនេះ មានការចូលរួមយ៉ាងអធិកអធម ពីសំណាក់ភ្ញៀវកិត្តិយសជាច្រើន។

ជាក់ស្តែងប្រិយមិត្តជាច្រើនប្រាកដជាបានដឹងហើយថា កាលពីម្សិលមិញនេះជាថ្ងៃចូលរោងជ័យ តារាស្រីរូបនេះបានធ្វើការរៀបចំគ្រឿងអលង្ការតម្លៃរាប់ម៉ឺនដុល្លារពណ៌បៃតង ពាក់ក្នុងថ្ងៃមង្គលរបស់ខ្លួន ធ្វើឲ្យបណ្តាអ្នកគាំទ្ររំភើបជំនួសនាងយ៉ាងខ្លាំង។

តែនៅក្នុងពេលនេះដែរ នាងក៏បានធ្វើការបង្ហាញខ្លួនក្នុងពិធីកាត់សក់ ក្នុងសម្លៀកបំពាក់ប្រពៃណីពណ៌យ៉ាងស្រស់ស្អាត តែអ្វីដែលគួរចាប់អារម្មណ៍នោះគឺ គ្រឿងអលង្ការនៅលើខ្លួនរបស់នាងដែលមានតម្លៃថ្លៃ ខ្សែកមួយខ្សែដាំត្បូងធំៗនោះមានតម្លៃ ៤២,០០០ដុល្លារ និងក្រវិលមួយគូ ១២,៣០០ដុល្លារ។

ក្រោយពីបានដឹងបែបនេះ បណ្តាអ្នកគាំទ្រជាច្រើនពិតមិននឹកស្មានថា ការតារាស្រីរូបនេះម្តងបានចំណាយទៅលើការតុបតែងខ្លួន គ្រឿងលំអរ យ៉ាងស្រស់ស្អាត និងមានតម្លៃសុទ្ធតែថ្លៃៗបែបនេះ៕

សូមទស្សនារូបភាពខាងក្រោមនេ៖

• ឱក សុគន្ធកញ្ញា
• តារាខ្មែរ