បាត់មុខពីសិល្បៈយូរ តាមពិត កញ្ញា​ ប៉ូគឹមថេង កំពុងប្រយុទ្ធនឹងជម្ងឺកាចប៉ះពាល់បំពងកធ្ងន់ (មានវីដេអូ)

សិល្បៈ៖ ប្រិយមិត្តច្បាស់ជាស្គាល់ កញ្ញា សុតធីតា ប៉ូគឹមថេង រួចមកហើយ ដែលនាងជាបវរកញ្ញា តំណាងប្រទេសកម្ពុជាឆ្នាំ២០២១។ ខណៈស្ងាត់បាត់យូរពីវិស័យសិល្បៈ កញ្ញា ប៉ូគឹមថេង ស្រាប់តែបង្ហាញវីដេអូនៃសកម្មភាពព្យាបាលជម្ងឺរបស់ខ្លួន ដែលធ្វើឲ្យមហាជនមានការស្លុតចិត្តជាខ្លាំង។

តាមរយៈវីដេអូរបស់តារាស្រីរូបនេះបានបង្ហាញថា នាងកំពុងវះកាត់ សាច់ដុះបំពង់ក នៅមន្ទីពេទ្យមួយ នៅឯប្រទេសវៀតណាម។ លើសពីនោះ កញ្ញា ប៉ូគឹមថេង សុតធីតា បានបញ្ជាក់ដែរថា ការវះដុះសាច់បំពង់កលើកនេះ គឺលើកទី ៣ ហើយ ដោយលើកទី ១ និង លើកទី ២ កញ្ញាបានវះកាត់នៅឯប្រទេសកម្ពុជា។

យ៉ាងណាមិញ អ្នកគាំទ្រក៏បានជូនពរដល់កញ្ញា ប៉ូគឹមថេង សុតធីតា ឱ្យឆាប់ជាសះស្បើយ ឆាប់បានត្រឡប់មកចូលវិស័យសិល្បៈវិញ នឹងសង្ឃឹមថា មិនប៉ះពាល់ធ្ងន់ធ្ងដល់បំពងកផងដែរ៕

ប្រភព៖ Sothida Pokimtheng