កម្សាន្ត៖ អតីតកីឡាករបាល់ទាត់ លោក David Beckham និងភរិយា ដែលជាអ្នករចនាម៉ូដ Victoria Beckham បានបង្ហាញក្តីស្រលាញ់ ជាមួយគ្នា យ៉ាងផ្អែមល្ហែម ក្នុងអំឡុងពេលអាហារថ្ងៃត្រង់ នៅភោជនីយដ្ឋានមួយ ក្នុងប្រទេសអ៊ីតាលី ជាមួយនឹងកូនបីនាក់របស់ពួកគេ។

គ្រួសាររបស់ David Beckham ត្រូវបានគេមើលឃើញថា កំពុងញ៉ាំអាហារថ្ងៃត្រង់យ៉ាងកក់ក្ដៅ នៅភោជនីយដ្ឋានមួយកន្លែង ក្នុងទីក្រុង Nerano ភាគខាងត្បូងប្រទេសអ៊ីតាលី កាលពីសប្តាហ៍មុន។ ប្ដីប្រពន្ធមួយគូនេះ ត្រូវបានអមដំណើរ ដោយកូនប្រុស Romeo, Cruz និងកូនស្រីពៅ Harper ។ 

ជាពិសេស David Beckham និងភរិយា បានបង្ហាញកាយវិការយ៉ាងស្និទ្ធស្នាល ឱបថើបយ៉ាងផ្អែមល្ហែម ខណៈពេលដែលកូនរបស់ពួកគេ អង្គុយនៅជុំវិញ។ ថ្វីត្បិតតែ តារា​ទាំង​ពីររូបនេះ ​រៀប​ការ​បាន​២៦​ឆ្នាំ​ហើយក៏ពិតមែន ប៉ុន្តែ ពួកគេ​នៅ​តែ​បង្ហាញ​ភាព​ស្និទ្ធស្នាល ​ដូច​កាល​នៅ​ក្មេងផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖