ភ្នំពេញ៖ ប្រាកដណាស់ថា មហាជន​ និងបងប្អូនលេងបណ្ដាញសង្គម ​ ពិតជាស្គាល់យ៉ាងច្បាស់ពីអ្នកនាង ផន សុផារី ដែលគ្រប់គ្នាស្គាល់ថាជាម្ដាយ របស់អូនតូច អ៊ែលលី និង ប៊ែលឡា​ ដែលតែងតែយកចិត្តទុកដាក់ខ្ពស់ មើលថែទាំកូន ប្រកបដោយក្ដីស្រឡាញ់ និងព្រហ្មវិហាធម៌ចំពោះកូនស្រីទាំងពីរ ជាទីស្រឡាញ់របស់នាង។ ហើយអ្នកម្ដាយរូបនេះ តែងតែបង្ហោះរូបភាព ជាមួយការថតនូវខ្លីបវីដេអូ ធ្វើដំណើរកម្សាន្ដ ការរស់នៅប្រចាំថ្ងៃ យ៉ាងកំប្លែង ជាមួយភាពក្រមិចក្រមើម គួរឲ្យក្នាញ់ គួរឲ្យស្រឡាញ់ របស់កូនស្រីរបស់នាង ថែមទាំងទទួលបានការគាំទ្រ ខមិន ឡាច ស៊ែរ ល្បីល្បាញយ៉ាងច្រើនពីសំណាក់ អ្នកលេងបណ្ដាញសង្គមទៀតផង។

ដោយឡែក នៅក្នុងបណ្ដាញសង្គមហ្វេសប៊ុក កំពុងតែផ្ទុះការភ្ញាក់ផ្អើលជាខ្លាំង ក្រោយត្រូវបានម្ដាយរបស់ អូនតូច អ៊ែលលី ប៊ែលឡា បង្ហោះនៅការបង្ហោះរបស់ជនអនាមិកម្នាក់ បានបង្ហោះបំផុសបំផុល ព័ត៌មានក្លែងក្លាយ ដោយប្រមាថមើលងាយ នូវអាយុជីវិតរបស់អូនតូច អ៊ែលី ពេលនោះក្នុងនាមជាម្ដាយ អ្នកនាង ផន សុផារី ខឹងសម្បាយ៉ាងខ្លាំង មិនអាចទទួលយកបាន ជាមួយអារម្មណ៍ឈឺចាប់ខ្លាំង ព្រោះនេះជាការមើលងាយ ប្រមាថធ្ងន់ធ្ងរណាស់ ដល់ជីវិតកូនស្រីជាទីស្រឡាញ់របស់នាង ខណៈនោះនាងក៏បានរៀបរាប់ យ៉ាងច្បាស់ៗដូច្នេះថា​៖

ទន្ទឹមនឹងនេះ មុននេះបន្ដិចអ្នកនាង ផន សុផារី បានឡាយវីដេអូទាំងអារម្មណ៍ ឈឺចាប់ពើតផ្សា នៅក្នុងហ្វេសប៊ុកផេកផ្លូវការរបស់នាង ដោយបានលើកយករឿង ដែលគេប្រមាថជីវិតកូនស្រីរបស់នាង មកនិយាយដាច់អហង្ការថា៖ «ខ្ញុំមិនបណ្ដោយឲ្យរឿងមួយនេះចប់ទៅ ដោយងាយស្រួលឡើយ មិនឲ្យអ្នកឯងរួចខ្លួនជាដាច់ខាត ហើយខ្ញុំក៏មិនត្រូវការពាក្យសំទោស សំពះអង្វររបស់អ្នកជាដាច់ខាត ខ្ញុំនឹងចាត់ការទៅតាមផ្លូវច្បាប់ ជាធរមាន»។

បន្ថែមទៀតនោះ​ មហាជន និងហ្វេនៗ ដែលតែងតែស្រឡាញ់ចូលចិត្តគាំទ្រ ក្រុមគ្រួសាររបស់អ្នកនាង ផន សុផារី បានគាំទ្រយ៉ាងពេញទំហឹង ចំពោះចំណាត់ការរបស់នាង ជាមួយជនអនាមិក ដែលបានប្រមាថមើលងាយ កូនរបស់នាង ដោយប្រមាថមិនលើកលែង សូម្បីតែជីវិតក្មេងស្រីដ៏គួរឲ្យស្រឡាញ់ អូន អ៊ែលលី នេះផងដែរ៕

សូមទស្សនារូបភាពខាងក្រោម៖