អុញ! កាន់តែស.ង្ស័យ ក្រោយ J Jetrin លុបផុសពិសេសខួបស្នេហ៍២២ឆ្នាំ ជាមួយប្រពន្ធចោល

ថៃ៖ នៅតែជារឿងដែលធ្វើឲ្យហ្វេនៗជាច្រើន នាំគ្នាតាមដាន ក្រោយពីមាន ពាក្យចចាមអារ៉ាមអំពីរឿងបែ.ក.បា.ក់គ្នា រវាង ប្ដីប្រពន្ធតារាប្រុសស្រីដ៏ល្បី លោក​ J Jetrin និងភរិយា Pin Kejmanee រួមទាំងមានព័ត៌មានលេចឮ ពីជនទី៣ ដែលធ្វើឲ្យទំនាក់ទំនងរបស់អ្នកទាំងពីរ អាចឈានដល់ថ្នាក់នេះ។

លើសពីនេះ ខណៈកំពុងតែពីល្បីជាមួយនឹងដំណឹងលែ.ងលះគ្នាផង ស្រាប់តែ លោក J Jetrin ធ្វើឲ្យអ្នកគាំទ្រ កាន់តែមានការសង្ស័យ នៅពេលដែលត្រូវបានគេសង្កេតឃើញថា ការបង្ហោះនៅលើ Instagram នៅថ្ងៃដ៏សំខាន់របស់លោក និង ភរិយា​ ដែលបានប្រារព្ធខួបអាពាហ៍ពិពាហ៍ ២២ ឆ្នាំរបស់អ្នកទាំងពីរ នៅថ្ងៃទី ២៧ ខែមករា ឆ្នាំ ២០២៣កន្លងទៅ បានបាត់ពី Instagram របស់ លោក J Jetrin ខណៈដែល របស់ តារាស្រី Pin Kejmanee នៅតែមានដដែល។

មិនត្រឹមតែប៉ុណ្ណោះ សូម្បីតែរូបភាពដែល J Jetrin បានប្រារព្ធទិវានៃក្តីស្រលាញ់ ហើយរូបភាពដែល អ្នកទាំងពីរបាន ពាក់ឯកសណ្ឋានសិស្សកាលពីក្មេង ក៏ត្រូវបានលុបចេញ ទៀតផង។ យ៉ាងណាមិញ នេះគ្រាន់តែជាការមើលឃើញពីទស្សនិកជន ខណៈចំពោះការសង្ស័យពីការបែ.កបា.ក់គ្នា គឺត្រូវរង់ចាំមើល ថាតើអ្នកទាំងពីរចូលមកស្រាយបំភ្លឺពីការពិត នឹងទៅជាយ៉ាងណា ផងដែរ៕

ប្រភព៖ Sanook

សូមទស្សនារូបភាពខាងក្រោម៖