ចិន៖ កាលពីថ្មីៗនេះ យោងតាមទំព័រដ៏ល្បីSina បានរាយការណ៍ថា តារាស្រី Michelle Chen និង ស្វាមី លោក Chen Xiao បានចែករំលែកពី ជីវិតអាពាហ៍ពិពាហ៍របស់ពួកគេ ជាមួយនឹងប្រព័ន្ធផ្សព្វផ្សាយ ដែលបានក្លាយរឿងដ៏គួរឲ្យចាប់អារម្មណ៍មួយ នៅពេលតារាស្រីរូបនេះ បានចេញសរសើរស្វាមីយ៉ាងពេញៗមាត់។ 

ក្នុងនោះដែរ Michelle Chen បានលើកឡើងថា ស្វាមីរបស់នាង លោក Chen Xiao គឺជា​អ្នកដែលចេះ​គិតគូ ស្លូតបូត មាន​ចិត្ត​ក្លាហាន ព្រមទាំងជា មេផ្ទះយ៉ាងសុភាព នៅក្នុងគ្រួសារ ទៀតផង។ ជាពិសេស តារាស្រីរូបនេះ ក៏បាននិយាយថា ស្វាមីរបស់ខ្លួន តែងតែម៉ាស្សាប្រពន្ធ ជួយមើលថែកូន សម្អាតផ្ទះ និងធ្វើម្ហូប ផងដែរ។ 

ដោយឡែក សម្រាប់ លោក Chen Xiao វិញក៏មិនខុសអ្វីភរិយារបស់ខ្លួន ដោយបានលើកសរសើរថា នាង គឺជាមនុស្សរឹងមាំ ក្លាហាន និងមានការអប់រំខ្ពស់ ហើយដោយ​សារ​តែ ពួកគេ​ចេះ​គោរព​និង​យោគយល់​គ្នាទៅវិញទៅមកនោះ ទើប​អ្នក​ទាំង​ពីរ​ កម្រនឹង​ឈ្លោះ​គ្នា​ណាស់។ ជាពិសេស លោក Chen Xiao ថែមទាំងបានបង្ហើបទៀតថា ការងាររបស់ពួកគេ ធ្វើឱ្យអ្នកទាំងពីរបែកគ្នាជាញឹកញាប់ ប៉ុន្តែ វាមិនបានផ្លាស់ប្តូរទំនាក់ទំនងដ៏ស្អិតរមួតមួយនេះនោះឡើយ បើទោះបីជា រវល់យ៉ាងណា ក៏អ្នកទាំងពីរ នៅតែអាចឆ្លៀតពេល សួរសុខទុក្ខគ្នាទៅវិញទៅមកបាន ផងដែរ៕ 

ប្រភព៖ Zingnews

សូមទស្សនារូបភាពខាងក្រោម៖