អត់ប្ដីមិនបញ្ហា អ្នកម៉ាក់សម័យថ្មី Sara រៀបចំខួបកូនស្រី១ឆ្នាំ ឡើងកក់ក្ដៅបែបនេះ

ថៃ៖ អាចនិយាយបានថា តារាស្រី Sara Casinghini គឺជាអ្នកម្តាយដ៏រឹងមាំម្នាក់ ដែលទទួលខុសត្រូវក្នុងការចិញ្ចឹមកូនប្រុសស្រីទាំង ២ របស់ខ្លួនតែម្នាក់ឯង ដោយមិនខ្លាចពីភាពនឿយហត់ និងបានធ្វើឲ្យមនុស្សជាច្រើន តែងតែធ្វើការតាមដានទៅលើសកម្មភាពជីវិតរស់នៅរបស់តារាស្រីរូបនេះ។ 

ដោយឡែក កាលពីថ្មីៗនេះ Sara ស្រាប់តែបានបង្ហាញពីទិដ្ឋភាពដ៏កក់ក្ដៅមួយនៅក្នុងគ្រួសាររបស់ខ្លួន នៅក្នុងឱកាសរៀបចំខួបកំណើតគម្រប់១ឆ្នាំ ឲ្យកូនស្រីទី២ដ៏គួរឲ្យស្រលាញ់របស់ខ្លួន ដោយបានធ្វើពិធីជប់លៀងតូចមួយ និងមានការរៀបចំយ៉ាងស្រស់ស្អាតនៅក្នុងផ្ទះ ពោរពេញដោយស្នាមញញឹម ព្រមទាំងមានភាពសប្បាយរីករាយនៅក្នុងការចំណាយពេលវេលាដ៏ល្អជាមួយគ្នាសម្រាប់គ្រួសាររបស់ខ្លួន។ 

ជាមួយនឹងរូបភាពបង្ហាញពីបរិយាកាសដ៏ស្រស់ស្រាយ នៅក្នុងពិធីខួបកំណើតកូនស្រីរបស់ Sara ក៏បានធ្វើឱ្យបេះដូងអ្នកគាំទ្រស្ទើរតែផ្ទុះឡើងជាបន្តបន្ទាប់ បន្ទាប់ពីបានឃើញជីវិតរស់នៅយ៉ាងមានក្ដីសុខរបស់នាង ក៏ដូចជាបានជូនពរថ្ងៃកំណើតទៅដល់កូនស្រីនាង គ្រប់ៗគ្នា ផងដែរ៕ 

ប្រភព៖ Kapook

សូមទស្សនារូបភាពខាងក្រោម៖