MOMO ទម្លាយអារម្មណ៍ពិតមួយទាក់ទងនឹងការបញ្ចេញវីដេអូ teaser របស់ក្រុម TWICE (មានវីដេអូ)

កូរ៉េខាងត្បូង៖ MOMO ដែលជាសមាជិកជនជាតិជប៉ុន ពូកែរាំជាងគេនៅក្នុងក្រុមនារី TWICE បានបញ្ចេញនូវអារម្មណ៍ពិតមួយទាក់ទងនឹងការបញ្ជេញវីដេអូពញ្ញាក់អារម្មណ៍រាល់ពេលដែល TWICE មានការបញ្ចេញចម្រៀងថ្មីម្តងៗ។ 

នៅក្នុងកម្មវិធី VLIVE ដែល MOMO ធ្វើការសំណេះសំណាលជាមួយអ្នកគាំទ្ររបស់ខ្លួនកាលពីថ្មីៗនេះ នាងបានលួចបង្ហើបពីអារម្មណ៏ពិតរបស់ខ្លួនមួយ ដែលវាទាក់ទងនឹងការបញ្ចេញនូវ "video teaser" ដែលជាវីដេអូឃ្លីបខ្លីៗសម្រាប់ពញ្ញាក់អារម្មណ៏មុនពេលដែលបទចម្រៀងមួយត្រូវបានគេចេញជាផ្លូវការ។ ជាក់ស្តែងទាក់ទងនឹងការត្រលប់មកវិញរបស់ក្រុមនារី TWICE សម្រាប់អាល់ប៊ុមថ្មី ដែលមានបទ "Alcohol Free" ដែលជាបទសម្រាប់ក្បាលអាល់ប៊ុម ដែលនឹងចេញជាផ្លូវការនៅថ្ងៃទី៩ ខែមិថុនានេះផងដែរ។ នៅក្នុង VLIVE នោះ MOMO បានរៀបរាប់ថានាងហាក់ដូចជាមាន អារម្មណ៍ថាស្រងាកចិត្តណាស់ដែលខាងផលិតកម្ម JYP តែងតែបញ្ចេញនូវរាល់ video teaser ចំចំនុចពិសេសៗរបស់បទចម្រៀង ដែលធ្វើឲ្យអ្នកមើលភាគច្រើនហាក់ដូចជាមានអារម្មណ៍មិនសូវរំជើបរំជួលនឹងការទស្សនាបទថ្មីរបស់ក្រុម TWICE ដោយ MOMO ក៏បានបន្តទៀតដែរថា នាងពិតជាយល់អារម្មណ៍អ្នកគាំទ្ររបស់ខ្លួនច្បាស់ណាស់ សូម្បីតែនាងផ្ទាល់ក៏បារម្ភខ្លាចអ្នកគាំទ្ររបស់ខ្លួនមិនសប្បាយចិត្តទាក់ទងនឹង video teaser ដែលខាងផលិតកម្មបានទម្លាក់នេះ ដោយជាក់ស្ដែង JYP តែងតែធ្វើរឿងនេះគ្រប់ពេលដែល TWICE បញ្ចេញបទចម្រៀងថ្មីជានិច្ច៕

សូមទស្សនារូបភាព និងវីដេអូខាងក្រោម៖

ប្រភព៖ Amazing KPOP