រូបភាពថ្មី កូនស្រី Tom Cruise បង្ហាញភាពស្រស់ស្អាត ត្រូវគេចាប់អារម្មណ៍ លើរឿងនេះ

កម្សាន្ត៖ Suri Cruise ដែលត្រូវបានគេស្គាល់ថា ជាកូនស្រីរបស់ Katie Holmes និង តារាសម្ដែង លោក Tom Cruise ត្រូវបានគេប្រដូច ទៅនឹងការថតចម្លងពី ម្តាយរបស់នាងទាំងរូបរាង និងស្ទីល នៅពេលចេញទៅក្រៅ នៅទីក្រុង New York អំឡុងពេលវិស្សមកាលរដូវក្តៅ។

ក្នុងនោះដែរ Suri Cruise បង្ហាញ​ខ្លួន​នៅ​តាម​ដង​ផ្លូវ​ ដោយ​មាន​សុខភាព​ល្អ​ ក្នុង​ឈុតអាវ​ពណ៌​ខ្មៅ និង​ខោ​ពណ៌​ប្រផេះ។ នាង​បាន​ចង​សក់​របស់​នាង​ឡើងយ៉ាងស្អាត ដែលជា​ស្ទីលបែប​រដូវក្តៅ​យ៉ាងសាមញ្ញ​។ រូបនាង ថែមទាំងបង្ហាញមុខទទេរទាំងស្រុង ដោយបង្ហាញពីសម្រស់ធម្មជាតិ ប៉ុន្តែនៅតែលេចធ្លោ នៅលើដងផ្លូវ។

យោងតាម Page Six បានបញ្ចេញមតិថា Suri មើលទៅ ដូចតារាសម្ដែង Katie Holmes ក្នុងរូបរាងថ្មីរបស់នាង។ ខណៈជារឿយៗ Katie ក៏តែងចងសក់របស់នាងឡើងលើ បង្ហាញមុខទទេ។ ម្តាយនិងកូនស្រីរូបនេះ ថែមទាំងមានសក់ពណ៌ត្នោតស្រដៀងគ្នា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖