គ្រួសារមួយអាចមានសុភមង្គលបានពេញលេញលុះត្រាតែដៃគូមានភាពស្មោះត្រង់ឲ្យគ្នាទៅវិញទៅមក។ ចុះបើអ្នកខំស្មោះតែម្ខាង តែប្ដីអ្នកបែរជាលួចក្បត់អ្នកវិញ តើគ្រួសារមួយនេះនៅទៅជាយ៉ាងណាទៅ? សុភមង្គលប្រហែលជាមិនមានពេញលេញដូចមុននោះទេ ព្រោះស្វាមីអ្នកបានចែករំលែកឲ្យនារីខាងក្រៅខ្លះបាត់ទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយនេះជាវិធីសម្គាល់ថាតើស្វាមីអ្នកមានលួចបែកឆ្វេងស្ដាំ មានស្រីក្រៅ ឬក៏អត់៖
១. មិនផ្អែមល្ហែមជាមួយអ្នកដូចមុន
តើគាត់មានពេលវេលាឯណាសម្រាប់បង្កើតភាពផ្អែមល្ហែមឲ្យអ្នកបានទៅ បើគាត់កំពុងតែឈ្លក់វង្វេងជាមួយនឹងរសជាតិថ្មីនៅខាងក្រៅហើយនោះ។ អ្នកទីបីប្រហែលជាមានសំណាងជាងអ្នក ព្រោះតែស្វាមីអ្នកតែងតែផ្គាប់ផ្គន់គេគ្រប់សព្វបែបយ៉ាង មិនថារឿងលើគ្រែ ឬជីវិតឯកជននោះឡើយ។
២. អារម្មណ៍ក្នុងការរួមភេទ
គាត់ប្រហែលជានឿយណាយជាមួយរសជាតិដដែលហើយ ទើបគាត់មិនសូវខ្វល់ខ្វាយនឹងរឿងនេះជាមួយអ្នកទៀតនោះឡើយ។ មិនយូរមិនឆាប់គាត់ប្រហែលជាចាកចេញពីអ្នក និងកូនៗទៅរស់នៅជាមួយស្រីថ្មីផងក៏មិនដឹង។
៣. រករឿងឈ្លោះគ្រប់ពេល
គាត់ប្រហែលជាបានតាំងចិត្តថានឹងធ្វើឲ្យអ្នកខឹង ដើម្បីគាត់បានលេះទៅខាងក្រៅ។ វិធីសាស្រ្តមួយនេះមើលទៅវាស្មើភាពគ្នា តែធាតុពិតទៅគាត់ខ្សែលើៗអ្នកខ្លាំងណាស់ គាត់តែងតែរករឿងឈ្លោះជាមួយអ្នកគ្រប់ពេល ធ្វើយ៉ាងណាឲ្យអ្នកមានអារម្មណ៍ថានឿយណាយ ហើយដោះលែងគាត់ដោយខ្លួនឯង៕