ការប្រចណ្ឌ កើតឡើងព្រោះតែស្រឡាញ់ តែបើការប្រចណ្ឌនោះហួសហេតុខ្លាំងពេក វានឹងធ្វើឱ្យម្ខាងទៀត អស់ចិត្តស្រឡាញ់ទៅវិញ - Khmerload

ការប្រចណ្ឌ កើតឡើងព្រោះតែស្រឡាញ់ តែបើការប្រចណ្ឌនោះហួសហេតុខ្លាំងពេក វានឹងធ្វើឱ្យម្ខាងទៀត អស់ចិត្តស្រឡាញ់ទៅវិញ

https://s9.kh1.co/5d/5d26dce6967b84a5b473a57de533e988974fb15d.jpg
ប្រលោមលោក & អប់រំ
 11-Mar-2021 10am · 9 months ago

ការប្រចណ្ឌ កើតឡើងព្រោះតែការស្រឡាញ់ តែបើការប្រចណ្ឌនោះហួសហេតុខ្លាំងពេក វានឹងធ្វើឱ្យម្ខាងទៀត អស់ចិត្តស្រឡាញ់ទៅវិញ

មនុស្សពីរនាក់ស្រឡាញ់គ្នា ទោះបីម្ខាងណាមានចិត្តជឿជាក់ និងទុកចិត្តខ្លាំងយ៉ាងណាក៏ដោយ ក៏នៅតែមានអារម្មណ៍មួយគឺ ប្រចណ្ឌ ហួងហែងលើមនុស្សដែលខ្លួនស្រឡាញ់។ វាជារឿងធម្មតាទេ មនុស្សរបស់យើង ប្រាកដជាត្រូវមានចិត្តបារម្ភ ខ្វល់ខ្វាយ ហួងហែងខ្លះហើយ បើមិនចង់ឱ្យប្រចណ្ឌ លុះត្រាតែមនុស្សនោះមិនបានស្រឡាញ់យើងសោះ។

https://s9.kh1.co/__image/w=650,h=761,q=100/c2/c2bdfdc7c76543e4b2bb8938b2b257f5135ef68c.png
រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការប្រចណ្ឌចំពោះមនុស្សដែលយើងស្រឡាញ់ ការប្រចណ្ឌ វាកើតឡើងព្រោះតែការស្រឡាញ់ តែយ៉ាងណាមិញ បើការប្រចណ្ឌនោះវាហួសហេតុខ្លាំងពេក រហូតដល់ថ្នាក់បិទសិទ្ធសេរីភាពគ្នា ឈ្លានពាន លើសសិទ្ធផ្ទាល់ខ្លួនរបស់ដៃគូ នោះការប្រចណ្ឌព្រោះតែការស្រឡាញ់ វានឹងធ្វើឱ្យម្ខាងទៀត អស់ចិត្តស្រឡាញ់ ព្រោះតែការប្រចណ្ឌជ្រុលនេះឯង។

https://s9.kh1.co/__image/w=650,h=811,q=100/7e/7efb0efd108e3341d60c4364ef98a8f05457d45f.jpg
រូបតំណាង

- ប្រចណ្ឌយ៉ាងណា ក៏ត្រូវតែមើលដែរថា រឿងដែលកើតឡើង ឬមនុស្សដែលនៅក្បែរមនុស្សដែលយើងស្រឡាញ់នោះ ជាអ្នកណា ហើយមានទំនាក់ទំនងបែបណាជាមួយគ្នា!
- ប្រចណ្ឌដោយការប្រើសតិបញ្ញា ការគិតឱ្យបានល្អិតល្អន់ កុំប្រចណ្ឌតាមតែអារម្មណ៍ និងគំនិតអវិជ្ជមាន!
- ប្រចណ្ឌល្មមៗ កុំប្រចណ្ឌដល់ថ្នាក់ដាក់សម្ពាធ និងបន្ថែមអារម្មណ៍តានតឹងដល់ដៃគូ!
- ប្រចណ្ឌឱ្យមានហេតុផល កុំទៅទាំងទទឹងទិស រករឿងឈ្លោះ ទាំងដែលម្ខាងទៀតស្រឡាញ់ និងស្មោះខ្លាំងចំពោះយើង។

https://s9.kh1.co/__image/w=650,h=806,q=100/68/687b12112b418bb5a3db519797417e06a7864b69.jpg
រូបតំណាង

ស្រឡាញ់គ្នា​ជឿជាក់លើគ្នា! ស្រឡាញ់គ្នា​ត្រូវមានទំនុកចិត្តលើគ្នា! បើទោះបីជាប្រចណ្ឌ ក៏ត្រូវលាក់បាំងអារម្មណ៍នេះ ពីភ្នែកមនុស្សជុំវិញ មិនមែនរករឿងប្រចណ្ឌឈ្លោះគ្នា សូម្បីតែនៅចំពោះមុខអ្នកដទៃនោះឡើយ៕

ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង