គូស្នេហ៍ដែលនៅឆ្ងាយគ្នា លែងជាបញ្ហាហើយ ឱ្យតែអ្នកអាចរក្សានូវ៤ចំណុចនេះបាន - Khmerload

គូស្នេហ៍ដែលនៅឆ្ងាយគ្នា លែងជាបញ្ហាហើយ ឱ្យតែអ្នកអាចរក្សានូវ៤ចំណុចនេះបាន

https://s9.kh1.co/ab/abf1c86c820e86e4a37804bbed4178171bd04413.jpg
ប្រលោមលោក & អប់រំ
 24-Feb-2021 3pm · 9 months ago

គូស្នេហ៍ដែលនៅឆ្ងាយគ្នា លែងជាបញ្ហាហើយ ឱ្យតែអ្នកអាចរក្សានូវ៤ចំណុចនេះបាន

រយៈចម្ងាយ មិនអាចក្លាយជារនាំង ឬឧបសគ្គសម្រាប់ស្នេហារបស់អ្នកបានទេ សំខាន់ឱ្យតែអ្នកមានភាពជឿជាក់ ស្មោះត្រង់ចំពោះគ្នា ទុកចិត្តគ្នា កុំចេះតែសង្ស័យ មានអ្វីត្រូវនិយាយគ្នាឱ្យបានច្បាស់ៗ កុំចេះតែលាក់ទុក ហើយអន់ចិត្តតែម្នាក់ឯងឱ្យសោះ។ ដូច្នេះ ខាងក្រោមនេះ គឺជាហេតុផលមួយចំនួន ដែលអ្នកគួរតែរក្សា និងអនុវត្តឱ្យបានល្អ ដើម្បីថែរក្សាចំណងស្នេហារបស់អ្នកឱ្យបានរឹងមាំ និងឋិតថេរ យូរអង្វែង។

១. ចេះស្ដាប់គ្នាទៅវិញទៅមក

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s9.kh1.co/__image/w=564,h=564,q=100/87/873de0f255727daac6aa78e28a0dea000be6c9d7.jpg
រូបតំណាង

ការរក្សាចំណងមួយឱ្យបានយូរអង្វែង ក៏មានការរួមចំណែកដោយការដែលអ្នកចេះបែងចែក មានហេតុផល និងស្ដាប់គ្នាទៅវិញទៅមក។ ដ្បិតថានៅឆ្ងាយគ្នា មិនអាចឃើញសកម្មភាពប្រចាំទាំងស្រុងរបស់គ្នា ដូច្នេះ ម្ខាងៗប្រាកដជាកើតមានអារម្មណ៍សង្ស័យ ឬមិនអស់ចិត្ត មិនបាននៅក្បែរ មើលថែមនុស្សដែលខ្លួនស្រឡាញ់។ ប៉ុន្តែយ៉ាងណាមិញ ឱ្យតែអ្នកទាំងពីរចេះនិយាយគ្នា ចេះស្ដាប់ពីអារម្មណ៍គ្នា អ្នកនឹងកាន់តែយល់ពីគ្នាបានច្រើនជាងមុន កុំឈ្លោះ កុំចេះតែខឹង ងរងក់ រករឿងគ្នា វាមិនល្អសម្រាប់ទំនាក់ទំនង ដែលអ្នកនៅឆ្ងាយគ្នានោះឡើយ។

២. រក្សាទំនាក់ទំនង និងការជួបគ្នាឱ្យបានទៀងទាត់

https://s9.kh1.co/__image/w=545,h=363,q=100/34/3446e1706e75f55f19e829a83c1826deda4fd0ac.jpg
រូបតំណាង

ការផ្ញើសារ ការCallរកគ្នា គឺជារឿងដែលអ្នកអាចធ្វើបានតែម្យ៉ាងគត់ ដូច្នេះមិនថារវល់ មមាញឹកកម្រិតណាទេ ដាច់ខាតអ្នកត្រូវតែចេះរក្សាទំនាក់ទំនង ឱ្យគ្នាឱ្យបានជាប់ជាប្រចាំ ត្រឹមការផ្ញើសារថា Good Night / Good Morning ជារៀងរាល់ថ្ងៃ វាក៏ជាការបង្ហាញពីការយកចិត្តទុកដាក់ចំពោះដៃគូដែរ។

៣. ឧស្សាហ៍និយាយពីផែនការអនាគតជាមួយគ្នា

https://s9.kh1.co/__image/w=564,h=564,q=100/58/58f90779b948c7905d4c3367980d67ac4c491387.jpg
រូបតំណាង

ការនិយាយ ឬរំឭកពីផែនការអនាគតជាមួយនឹងគ្នា វាគឺជាការផ្ដល់ក្ដីសង្ឃឹម និងពង្រឹងដល់ចំណងស្នេហារបស់អ្នកទាំងពីរ ឱ្យបានដឹងកាន់តែច្បាស់ថា អ្នកទាំងពីរពិតជាចង់រួមដំណើរជីវិតទៅថ្ងៃមុខជាមួយគ្នា ចង់កសាងគ្រប់យ៉ាងជាមួយគ្នា វាជាសញ្ញាវិជ្ជមានមួយដែលធ្វើឱ្យអ្នកទាំងពីរកាន់តែរីករាយ មានក្ដីសង្ឃឹម និងកក់ក្ដៅក្នុងចិត្តកាន់តែខ្លាំងក្នុងការបន្តចំណងមួយនេះ ដោយមិនខ្វល់ពីរយៈចម្ងាយ ឬគម្លាតរវាងអ្នកក្នុងពេលបច្ចុប្បន្ននេះឡើយ។

៤. ជឿជាក់ និងទុកចិត្តគ្នា

https://s9.kh1.co/__image/w=650,h=322,q=100/d3/d3308f752b90ddcac5b9044bcbfd27382c867e5f.png
រូបតំណាង

ជាក់ស្ដែង ការជឿជាក់ និងទុកចិត្តគ្នានេះ គឺជាគ្រឹះដ៏សំខាន់បំផុតដែលដៃគូគ្រប់រូបត្រូវតែមាន មិនថាចំពោះតែអ្នកនៅឆ្ងាយគ្នានោះឡើយ។ ព្រោះថាមានតែការជឿជាក់ និងទុកចិត្តគ្នានេះទេ ដែលអាចធ្វើឱ្យអ្នកទាំងពីរមានអារម្មណ៍ថាស្នេហារបស់អ្នកពិតជាមានសុត្ថិភាព មានគោលពិតប្រាកដ មានគ្រឹះរឹងមាំ ទោះបីមានអ្នកដទៃមកអុចអាល ឬនិយាយអ្វីមិនល្អពីអ្នកទាំងពីរ ក៏មិនអាចបំបែកស្នេហារបស់អ្នកបានដែរ ព្រោះតែអ្នកទាំងពីរមានទំនុកចិត្តខ្ពស់ចំពោះគ្នារួចស្រេចទៅហើយ៕

ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង