មនុស្សស្រីត្រូវចាំ! កុំព្យាយាមដេញតាម រឿងទាំង៣យ៉ាងនេះ អី បើមិនចង់ឱ្យខ្លួនកាន់តែលំបាក និងបាត់បង់សុភមង្គល - Khmerload

មនុស្សស្រីត្រូវចាំ! កុំព្យាយាមដេញតាម រឿងទាំង៣យ៉ាងនេះ អី បើមិនចង់ឱ្យខ្លួនកាន់តែលំបាក និងបាត់បង់សុភមង្គល

https://s9.kh1.co/76/7607fe5887ac1232ce91aa0e1976d1838b1fe5de.jpg
ប្រលោមលោក & អប់រំ
 24-Feb-2021 1pm · 9 months ago

មនុស្សស្រីត្រូវចាំ! កុំព្យាយាមដេញតាមរឿងទាំង៣យ៉ាងនេះអី បើមិនចង់ឱ្យខ្លួនឯងកាន់តែលំបាក និងបាត់បង់សុភមង្គល

មនុស្សស្រីដឹងចាំថា ការដែលអ្នកព្យាយាមដេញតាមអ្វីមួយ វានឹងធ្វើឱ្យអ្នកកាន់តែលំបាក វេទនា បាត់បង់តម្លៃ និងសេចក្ដីសុខផ្ទាល់ខ្លួនបន្តិចម្ដងៗ។ តួយ៉ាង ដូចការដែលអ្នកដេញតាមក្នុងរឿងទាំង៣យ៉ាងខាងក្រោមនេះ វានឹងធ្វើឱ្យជីវិតអ្នកកាន់តែបាត់បង់ពេលវេលាដ៏មានតម្លៃ ចុងក្រោយ សូម្បីតែតម្លៃ និងសេចក្ដីសុខផ្ទាល់ខ្លួនអ្នក ក៏អ្នកមិនមានសល់ដែរ។

១. កុំចេះតែដេញតាមរកលុយកាក់

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
https://s9.kh1.co/__image/w=650,h=806,q=100/24/24973f0d40f67d7708d4c1ebd58ad699b5080c75.jpg
រូបតំណាង

ការរកលុយគឺជារឿងដែលមនុស្សយើងម្នាក់ៗត្រូវតែធ្វើ បើទោះបីជាមានទ្រឹស្តីខ្លះនិយាយថា លុយមិនសំខាន់ តែត្រូវចាំថា លុយវាចាំបាច់សម្រាប់ការប្រើប្រាស់ក្នុងជីវិតប្រចាំថ្ងៃ ដូច្នេះ ការរកលុយ គឺជាអ្វីដែលយើងត្រូវតែបំពេញ ដោយមិនអាចបោះបង់ចោលបានឡើយ។ ប៉ុន្តែ បើទោះជាយ៉ាងណាក៏ដោយ ក៏អ្នកមិនអាចដោយសារតែការខិតខំរកលុយជ្រុលហួសហេតុពេក រហូតធ្វើឱ្យខ្លួនឯងបាត់បង់ពេលវេលាផ្ទាល់ខ្លួន ដើម្បីជួបជុំ និងមើលថែគ្រួសារ កុំដោយសារតែការខំរកលុយពេក រហូតធ្វើឱ្យអ្នកមិនមានពេលគ្រប់គ្រាន់ក្នុងការមើលថែសម្រស់ និងសុខភាពខ្លួន។ អ្វីដែលសំខាន់ជាងនេះ អ្នកមិនអាចព្រោះតែការខំដេញតាមរកលុយ រហូតដល់ភ្លេច និងធ្វើឱ្យបាត់បង់តម្លៃ និងកិត្តិយសនោះឡើយ កុំលក់កិត្តិយស មុខមាត់ដោយសារតែលុយកាក់ វាមិនសមតម្លៃទេ។

២. កុំដេញតាមទ្រអ្នកណា

https://s9.kh1.co/__image/w=632,h=633,q=100/b1/b17643be06426342bb079251ce70e1901a4fc8fb.jpg
រូបតំណាង

អ្នកត្រូវចាំថា អ្នកមានតម្លៃគ្រប់គ្រាន់សម្រាប់ខ្លួនឯងហើយ មិនថាអ្នកមានរូបរាងមិនស្អាត ការតុបតែងខ្លួនមិនឡូយឆាយនៅក្នងភ្នែកអ្នកណា តែសំខាន់ អ្នកខ្លាំង អ្នកពូកែអស្ចារ្យនៅក្នុងភាពជាខ្លួនឯង អ្នកស្អាតតាមរបៀបរបស់អ្នក ដូច្នេះ កុំព្រោះតែចំណុចដែលអ្នកដទៃមើលមក ឬព្រោះតែពាក្យសម្ដីគេនិយាយអវិជ្ជមានពីអ្នក រហូតធ្វើឱ្យខ្លួនឯងមើលងាយខ្លួនឯង បន្ទាបតម្លៃខ្លួនឯង ហើយចេះតែតាមទ្រ យកចិត្ត រណបរហូតឱ្យគេជាន់ក្បាលខ្លួនឯងបាន។ អ្នកត្រូវដឹងថា ត្រឹមតែអ្នកមិនធ្វើបាប ឬបំពាន បំផ្លាញអ្នកណា គឺល្អពេកហើយ មិនបាច់ដល់ថ្នាក់តាមផ្គាប់ផ្គន់គេជ្រុលពេក រហូតបាត់បង់តម្លៃនៃខ្លួនឯងទេ។

៣. កុំព្យាយាមដេញតាមរកដៃគូដែលល្អឥតខ្ចោះ

https://s9.kh1.co/__image/w=650,h=809,q=100/a4/a47ece1d019abf801da96b387d13ea973e35a365.jpg
រូបតំណាង

អ្នកណាៗក៏ប្រាថ្នាចង់បានដៃគូដែលល្អដែរ ប៉ុន្តែអ្នកត្រូវចាំថា នៅលើលោកនេះ គ្មានទេមនុស្សដែលល្អឥតខ្ចោះ ក៏គ្មានដែរ មនុស្សដែលអាចធ្វើតាមចិត្តអ្នករហូតនោះ ព្រោះសូម្បីតែអ្នកខ្លួនឯង ក៏នៅមានចំណុចខ្វះខាត សូម្បីតែអ្នកខ្លួនឯង នៅតែមិនអាចយល់ និងតាមចិត្តខ្លួនឯងបានគ្រប់រឿងដែរពេលខ្លះ។ ដូច្នេះការព្យាយាមដេញតាម ឬចង់បានមនុស្សដែលល្អគ្រប់យ៉ាងតាមដែលចិត្តអ្នកត្រូវការ វានឹងធ្វើឱ្យអ្នករឹតតែខាតពេលវេលា បាត់បង់ឱកាសល្អៗផ្សេងៗទៀត ហើយវាក៏នឹងធ្វើឱ្យអ្នកកាន់តែសោកសៅ ព្រោះតែមិនអាចរកបានមនុស្សដែលល្អគ្រប់យ៉ាងដូចចិត្តខ្លួនឯងប៉ង។ ផ្ទុយទៅវិញ អ្នកគួរតែសម្របចិត្ត បើកចិត្តក្នុងការទទួលយកនរណាម្នាក់ដែលសមរម្យ សមល្មមនឹងខ្លួនឯង គេល្អសមល្មម ហើយអាចកែប្រែ ឬអាចឱ្យអ្នកទទួលយកបាន សាមញ្ញៗក៏បានដែរ មិនបាច់ចង់បានឡូយឆាយ ហក់លោតពេកទេ ក្រែងគេបែរជាធ្វើបាបចិត្តអ្នកទ្វេដងទៅវិញ៕

https://s9.kh1.co/__image/w=650,h=651,q=100/9b/9b9a03177e08e1e00517244476792e3c9b22b8bb.jpg
រូបតំណាង

ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង