ឈ្លោះទាស់ជារឿងធម្មតា តែបើស្នេហាគ្មានការជឿជាក់ និងទុកចិត្តគ្នាទេ យូរឆាប់គង់តែបែក - Khmerload

ឈ្លោះទាស់ជារឿងធម្មតា តែបើស្នេហាគ្មានការជឿជាក់ និងទុកចិត្តគ្នាទេ យូរឆាប់គង់តែបែក

https://s9.kh1.co/39/394bbf2cb5ca148afd590e79ac45a6570841d521.jpg
ប្រលោមលោក & អប់រំ
 12-Jan-2021 1pm · a year ago

ឈ្លោះទាស់ជារឿងធម្មតា តែបើស្នេហាគ្មានការជឿជាក់ និងទុកចិត្តគ្នាទេ យូរឆាប់គង់តែបែក

មនុស្សពីរនាក់ស្រឡាញ់គ្នា ការឈ្លោះទាស់គ្នា ខឹង ងរងក់ដាក់គ្នា វាគឺជារឿងធម្មតាទេ ព្រោះទោះប្ដីប្រពន្ធនៅជាមួយគ្នាយូរឆ្នាំ ក៏គង់តែមានពេលមិនយល់ពីគ្នា ឈ្លោះគ្នាដែរ។ តែយ៉ាងណាមិញ ការឈ្លោះទាស់ មិនមែនជាបញ្ហាសម្រាប់គូស្នេហ៍ ឬប្ដីប្រពន្ធនោះឡើយ ផ្ទុយទៅវិញ ការដែលរស់នៅជាមួយគ្នា ឬទាក់ទងគ្នា មិនមានជំនឿចិត្ត ការទុកចិត្ត ឬជឿជាក់លើគ្នាទេ ទោះបីមានការផ្សះផ្សាប៉ុន្មានដង ក៏គង់តែដល់ពេលមួយដែលត្រូវបែកគ្នាជាមិនខាន។

https://s9.kh1.co/__image/w=650,h=433,q=100/ce/ceef26e803de057fc85b853fa2f49491c414feda.jpg
រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ស្នេហា ការស្រឡាញ់ ទំនាក់ទំនង រស់នៅជាមួយនឹងគ្នារាល់ថ្ងៃ បើមានការប្រចណ្ឌ ហួងហែង ជាពិសេសគឺការសង្ស័យមិនចេះចប់សោះ នោះហើយជាដើមហេតុចម្បង ដែលធ្វើឱ្យទំនាក់ទំនងរបស់អ្នក នឹងឈានដល់ការបែកបាក់នៅថ្ងៃណាមួយ។ លើសពីនេះ ការដែលអ្នកចេះតែសង្ស័យលើដៃគូ វាក៏ជាការបើកឱកាសឱ្យអ្នកផ្សេងគេចូលមកជ្រៀតជ្រែក អុចអាល ចាក់រុកដល់អ្នកទាំងពីរផងដែរ។

https://s9.kh1.co/__image/w=650,h=433,q=100/3b/3b2d953d5c051b7977672ca13ec02021a26eed2a.jpg
រូបតំណាង

សូមចាំថា ការដែលអ្នកមិនមានទំនុកចិត្តចំពោះគ្នា វាគឺជាការសាងនូវស្ថានភាពចាក់ស្មុគ រឿងរ៉វាមិនចេះឈប់ អ្វីដែលសំខាន់គឺអ្នកដទៃងាយនឹងផ្លុំត្រចៀកអ្នកទាំងពីរណាស់។

https://s9.kh1.co/__image/w=650,h=433,q=100/6d/6d7ae228d110ad812680a89d9b740abc9e20429c.jpg
រូបតំណាង

ពេលខ្លះ មនុស្សពីរនាក់ស្រឡាញ់គ្នាខ្លាំង តែបណ្ដោយឱ្យអារម្មណ៍សង្ស័យ តាមដានដៃគូគ្រប់ពេល គ្រប់រឿង វាជាបញ្ហា ហើយក៏ជាការមិនគោរព ឱ្យតម្លៃដៃគូផងដែរ។ គ្មានមនុស្សណាចង់រស់នៅជាមួយមនុស្សដែលតែងតែមានការសង្ស័យ មិនឱ្យតម្លៃគ្នាបែបហ្នឹងនោះទេ វាជាសម្ពាធផ្លូវចិត្ត ប៉ះពាល់ផ្លូវអារម្មណ៍ នៅជាមួយគ្នាគ្មានសេចក្ដីសុខ គ្មានភាពរីករាយនោះឡើយ។ ដូច្នេះហើយ បើសម្រេចចិត្តថាស្រឡាញ់គ្នា ចង់រស់នៅជាមួយគ្នាមួយជីវិត សូមកុំសង្ស័យលើគ្នាជ្រុលហួសហេតុពេក កុំចេះតែតាមដានសួរនាំគ្រប់រឿង ព្រោះវាគួរឱ្យធុញខ្លាំង៕

ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង