ចង់ឱ្យស្នេហាបានយូរអង្វែង ត្រូវចេះចងចិត្ត មិនមែនចងជើងនោះទេ! - Khmerload

ចង់ឱ្យស្នេហាបានយូរអង្វែង ត្រូវចេះចងចិត្ត មិនមែនចងជើងនោះទេ!

https://s9.kh1.co/e0/e06038a971a089a2493e2b7464c8081ed5ddd9da.jpg
ប្រលោមលោក & អប់រំ
 06-Jan-2021 2pm · a year ago

ចង់ឱ្យស្នេហាបានយូរអង្វែង ត្រូវចេះចងចិត្ត មិនមែនចងជើងនោះទេ!

ការស្រឡាញ់ដែលអាចមានភាពឋិតឋេរចំពោះគ្នា គឺទាមទារឱ្យមានការជឿជាក់ និងទុកចិត្តគ្នាទៅវិញទៅមក។ ប៉ុន្តែចំពោះគូស្នេហ៍ខ្លះបែរជាយល់ខុស​ចំពោះវិធីសាស្ត្រក្នុងការចងចិត្តគូស្នេហ៍ បង្វែរទៅជាការចងជើងគ្នាទុក ដោយការប្រចណ្ឌហួសដែនកំណត់ ការមិនទុកចិត្តគ្នា និងចេះតែសង្ស័យមុខក្រោយ។

https://s9.kh1.co/__image/w=650,h=434,q=100/39/39cef7d8771b91ef8e6f1afc0f2e340dcbbaef4e.jpg
រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកខ្លះនិយាយថា ការប្រចណ្ឌ ជាការបង្ហាញពីសេចក្ដីស្រឡាញ់ដែលមានចំពោះគ្នា បើមិនប្រចណ្ឌ គឺមិនស្រឡាញ់ទេ។ តែអ្នកមានដឹងទេថា ការពិតទៅ ការដែលប្រចណ្ឌ តាមដាន ហួងហែងនេះ វាជាការមិនទុកចិត្តគ្នាទៅវិញទេ។ មិនទុកចិត្ត មិនជឿជាក់លើដៃគូ ទើបបណ្ដាលឱ្យមានការប្រចណ្ឌកើតឡើងបែបហ្នឹង។

https://s9.kh1.co/__image/w=650,h=976,q=100/61/6130b428d11541be5912ca85c0fcbf23fb36a93a.jpg
រូបតំណាង

ជាធម្មតា បើចង់ឱ្យគូស្នេហ៍ ​នៅតែស្មោះត្រង់ចំពោះយើង មានការស្រឡាញ់យើងមិនប្រួលប្រែ គឺត្រូវតែចេះវិធីចងចិត្ត មិនមែនចងជើងគេទុកនោះឡើយ ត្រូវចាំថា ខ្សែបើរឹតតឹងវាប្រាកដជាដាច់ ក៏ដូចគ្នានឹងចរិតរបស់មនុស្សយើងអ៊ីចឹង បើកាលណាកាន់តែមានគំនាប​ គាបសង្កត់ បិទសិទ្ធិ ប្រាកដជាមានការរើបម្រាស់ និងព្យាយាមចាកចេញជាមិនខាន។

https://s9.kh1.co/__image/w=650,h=976,q=100/26/26b8f4dd8bf25aec1c1b832b628529fb7f1dfe63.jpg
រូបតំណាង

មិនថាគេមិនថាយើងនោះទេ មិនចង់ឱ្យអ្នកណាមកគ្រប់គ្រង បិទសិទ្ធិសេរីភាពរបស់ខ្លួនឡើយ ទោះមនុស្សស្រឡាញ់ខ្លាំងយ៉ាងណាក៏ដោយ មិនអាចឱ្យមកគ្រប់គ្រង ឬត្រួតត្រាលើខ្សែជីវិតផ្ទាល់ខ្លួនបានដែរ ដូច្នេះហើយ ត្រូវតែចេះធូរខ្លះ តឹងខ្លះ កុំហាមប្រាម បិទសិទ្ធិ តែក៏ត្រូវតែមានច្បាប់វិន័យ ចំពោះការទាក់ទងគ្នាដែរ៕

https://s9.kh1.co/__image/w=650,h=976,q=100/86/86c7066b8757d22125cf1710bdd4d91ec1bb2f6f.jpg
រូបតំណាង

ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង