មុននឹងសម្រេចចិត្តរៀបការ អ្នកត្រូវគិតដល់ចំណុចទាំងនេះសិន! - Khmerload

មុននឹងសម្រេចចិត្តរៀបការ អ្នកត្រូវគិតដល់ចំណុចទាំងនេះសិន!

https://s9.kh1.co/d0/d084563b56174b7d48787c6733f5478fbe660ab0.jpg
ប្រលោមលោក & អប់រំ
 10-Dec-2020 1pm · a year ago

មុននឹងសម្រេចចិត្តរៀបការ អ្នកត្រូវគិតដល់ចំណុចទាំងនេះសិន!

ពាក្យថា រៀបការ វាអាចជាពាក្យស្រួលនិយាយ ហើយក៏ងាយយល់ តែការរៀបការ សាងគ្រួសារ វាមិនមែនជារឿងដែលងាយដូចការគិតនោះទេ តែបើអ្នកអាចគិតដល់ចំណុចទាំងនេះ ចូរពិចារណា ហើយសួរខ្លួនឯងសិនថា តើអ្នកអាចធ្វើនូវរឿងទាំងនេះបានដល់ចំណុចណា នោះហើយទើបជារឿងដែលប្រសើរ។

https://s9.kh1.co/__image/w=650,h=975,q=100/ef/ef2e788b27ce8a34b64750c9cc8398639dad6c3d.jpg
រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ចិត្តធ្ងន់កម្រិតណា

ចិត្តធ្ងន់ ពុំមែនចង់សម្ដៅដល់ត្រឹមតែការចេះអត់ធ្មត់ អត់ទ្រាំចំពោះរឿងដែលកើតឡើង ឬប្រឈមមុខជាមួយដៃគូតែប៉ុណ្ណោះទេ តែវាជាការដែលចង់បញ្ជាក់ថា តើអ្នកអាចស៊ូជាមួយស្ថានភាពនៃជីវិតគូបានយូរដល់ពេលណា? ការរស់នៅជាមួយគ្នា ក៏មិនមែនទាមទារឱ្យមានការទ្រាំតែប៉ុណ្ណោះទេ តែអ្នកត្រូវតែចេះបើចិត្តឱ្យទូលាយ ចេះទទួលយក និងអត់ឱនឱ្យគ្នា ទើបជីវិតប្ដីប្រពន្ធ វាមិនធ្ងន់ក្នុងការពន់រែកតែម្ខាង។

https://s9.kh1.co/__image/w=650,h=813,q=100/69/69315e376ca435d6eb75508f23548500cd2ffde9.jpg
រូបតំណាង

២. មានទំនួលខុសត្រូវកម្រិតណា

មិនថាស្ថិតចំពោះស្ថានភាពគ្រួសារ ឬជាមួយនឹងការងារផ្សេងៗនោះឡើយ ជាប្ដី ឬប្រពន្ធ គឺត្រូវតែមានទំនួលខុសត្រូវចំពោះគ្នាឱ្យបានច្រើន មិនថាជាការងារអ្នក ឬការងារដៃគូនោះទេ ទាមទារឱ្យភាគីទាំងសងខាងចេះរ៉ាប់រង និងទទួលយកចំពោះគ្នា ចេះចែករំលែករវាងគ្នា និងគ្នា កុំព្យាយាមដាក់សម្ពាធ ឬបន្ទុកទៅតែម្ខាងណា ព្រោះការទទួលខុសត្រូវនៅក្នុងគ្រួសារ វាគឺជាតួនាទីរបស់អ្នកទាំងពីរជាអ្នករ៉ាប់រងជាមួយគ្នា។

https://s9.kh1.co/__image/w=650,h=812,q=100/55/55013657cf7f4f60d79eb16ebfcc5202f25c9bd5.jpg
រូបតំណាង

៣. មានការលះបង់កម្រិតណា

សម្រាប់គ្រួសារ បើមានការលះបង់ច្រើនដើម្បីគ្នា វាគឺជារឿងដែលល្អណាស់ ព្រោះអ្នកធ្វើដើម្បីគ្រួសារ ដើម្បីមនុស្សដែលអ្នកស្រឡាញ់។ តែយ៉ាងណាមិញ ប្រសិនបើការលះបង់មានតែម្ខាង វាក៏គ្មានន័យ គ្មានតម្លៃអ្វីដែល។ សម្រាប់ការលះបង់ អ្នកគួរតែគិត និងយល់ លះបង់ក្នុងកម្រិតមួយ ដែលដៃគូទាំងពីរអាចធ្វើដើម្បីគ្នា លះបង់ឱ្យសមនឹងតម្លៃដែលម្ខាងទៀតបានធ្វើចំពោះអ្នក ទើបមិនមានការអាន់អន់ស្រពន់ចិត្ត ឬស្ថិតក្នុងសភាពមិនស្មើភាពគ្នា៕

https://s9.kh1.co/__image/w=650,h=975,q=100/37/37276243a8d7dbb5a7f17c91e438a7f3268835cc.jpg
រូបតំណាង

ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង