ប្រពន្ធសើច ឬយំ គឺស្ថិតនៅលើអ្នក ជាស្វាមី! - Khmerload

ប្រពន្ធសើច ឬយំ គឺស្ថិតនៅលើអ្នក ជាស្វាមី!

https://s9.kh1.co/05/052408b54964f444a54aa4b8857d305a9dde089f.jpg
ប្រលោមលោក & អប់រំ
 19-Nov-2020 8am · a year ago

ប្រពន្ធសើច ឬយំ គឺស្ថិតនៅលើអ្នកជាស្វាមី!

គេថាមួយជីវិតមនុស្សស្រី បានរស់នៅល្អប្រសើរ ស្រណុកស្រួល សើច ឬយំ គឺស្ថិតនៅលើប្ដីនេះហើយ។ ប្ដីល្អ ប្ដីមានសមត្ថភាព ជីវិត ជីវភាពរបស់នាងក៏នឹងបានប្រសើរ រស់នៅដោយស្រណុកសុខស្រួល មានសំណាង ហើយបើបានប្ដីល្អត្រឹមត្រូវទៀតនោះ នាងនឹងក្លាយជានារីដែលគេ្រប់គ្នាច្រណែន មានប្ដីល្អ ស្រឡាញ់ស្មោះស្ម័គ្រនឹងនាង ជីវិតនាងនឹងមានតែស្នាមញញឹម និងក្ដីសុខ សុភមង្គល ភាពកក់ក្ដៅពេញមួយជីវិត។

https://s9.kh1.co/__image/w=650,h=435,q=100/c4/c4c2777aefe0a795c1e5cc0fdf75eef162e3c641.jpg
រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចង់ដឹងថា ស្វាមីរបស់មនុស្សស្រីម្នាក់ជាមនុស្សមានសមត្ថភាពឬក៏អត់ ឱ្យមើលលើស្ថានភាព និងការរស់នៅរបស់នារីជាភរិយា តើនាងរស់នៅបានប្រសើរទេ នាងរស់នៅក្នុងជីវភាពល្អទេ ការស្លៀកពាក់ តុបតែងខ្លួន និងគ្រឿងនៅលើរាងកាយនាង គឺបញ្ជាក់ច្បាស់ពីលទ្ធភាពរបស់ស្វាមី គាត់ជាមនុស្សដែលមានលទ្ធភាព និងសមត្ថភាពអាចផ្ដល់អ្វីៗឱ្យភរិយាដែរឬទេ? ហើយបើចង់ដឹងថា ស្វាមីនោះជាស្វាមីល្អ ត្រឹមត្រូវដែរឬអត់ គឺត្រូវមើលលើទឹកមុខ ស្នាមញញឹមរបស់មនុស្សស្រីជាប្រពន្ធ បើស្វាមីនាងល្អ នាងប្រាកដជាមានស្នាមញញឹម​ដែលពោរពេញដោយភាពកក់ក្ដៅ ទឹកមុខស្រស់បស់ ជាមួយនឹងអារម្មណ៍ភ្លឺថ្លាស្រឡាញ់ និងមានសុវត្ថិភាព នេះបញ្ជាក់ថា ជីវិតប្រចាំថ្ងៃរបស់នាង គឺមិនមានការព្រួយគិត ខ្វាយខ្វល់ ដល់រឿងរបស់ស្វាមី ឬត្រូវភ័យខ្លាចប្ដីធ្វើទង្វើមិនគប្បីចំពោះនាងនោះឡើយ។

https://s9.kh1.co/__image/w=650,h=435,q=100/f0/f0c83a97b27eafdf9d3d359a35807e30cb297a79.jpg
រូបតំណាង

មួយជីវិតមនុស្សស្រី អាចបានល្អ មានសំណាងឬអត់ សប្បាយ ឬកើតទុក្ខ គឺស្ថិតនៅលើមួយចំណែកធំរបស់ដៃគូជីវិតនាង បើនាងអាចរើសបានបុរសល្អ ដឹងខុសត្រូវ និងមានព្រហ្មវិហារធម៌ទាំង៥នោះ នាងគឺជានារីដែលមានសំណាង មានបុណ្យល្អណាស់ សេចក្ដីសុខ សុភមង្គលស្ទើរតែ៨០%ក្នុងជីវិតរបស់នាង គឺពឹងផ្អែកបុរសដែលជាដៃគូរបស់នាងនេះហើយ៕

https://s9.kh1.co/__image/w=650,h=436,q=100/41/4194f824a9d800eb16ef909f9244f393ddb5e49e.jpg
រូបតំណាង

ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង