លក្ខណៈប្ដីល្អ ប្រហែលមនុស្សស្រីតិចណាស់ ដែលបានជួប - Khmerload

លក្ខណៈប្ដីល្អ ប្រហែលមនុស្សស្រីតិចណាស់ ដែលបានជួប

https://s9.kh1.co/d6/d62be8cfc75c3beded7e2819351117e7716418e9.jpg
ប្រលោមលោក & អប់រំ
 07-Nov-2020 2pm · a year ago

មនុស្សស្រីគ្រប់រូប គឺសុទ្ធតែប្រាថ្នាចង់បានគ្រួសារមួយដ៏កក់ក្ដៅ រស់នៅយ៉ាងមានក្ដីសុខសុភមង្គល តែអ្វីដែលសំខាន់ជាដំបូងនោះគឺ លុះត្រាតែនាងអាចរកបានបុរសដ៏ល្អម្នាក់ជាដៃគូជីវិត។

មនុស្សស្រីគ្រប់រូប គឺសុទ្ធតែប្រាថ្នាចង់បានគ្រួសារមួយដ៏កក់ក្ដៅ រស់នៅយ៉ាងមានក្ដីសុខសុភមង្គល តែអ្វីដែលសំខាន់ជាដំបូងនោះគឺ លុះត្រាតែនាងអាចរកបានបុរសដ៏ល្អម្នាក់ជាដៃគូជីវិត បានបុរសដែលល្អពិតមកធ្វើជាមេគ្រួសារ ជាប្ដី ជាឪពុករបស់កូននាង តែក៏ផ្គួបផ្សំនឹងនាងជាភរិយាដ៏ល្អ ជាស្ត្រីមេផ្ទះ បំពេញតួនាទីរបស់ខ្លួនបានល្អដែរ។
ប៉ុន្មានចំណុចខាងក្រោមនេះ គឺជាលក្ខណៈសម្បត្តិរបស់ប្ដីល្អ ដែលមនុស្សស្រីទាំងអស់ប្រាថ្នាចង់បាន ៖

https://s9.kh1.co/__image/w=650,h=813,q=100/62/6216e94a513f60ebb8dedf199eb5f81eb189cf06.jpg
រូបតំណាង
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ដឹងទុក្ខធុរៈរបស់ប្រពន្ធ
ក្នុងនាមជាប្ដីល្អម្នាក់ គឺរមែងដឹងទុក្ខធុរៈ យកចិត្តទុកដាក់ចំពោះសុខទុក្ខរបស់ប្រពន្ធ មិនថាខ្លួនត្រូវរ៉ាប់រងទទួលបន្ទុកធ្ងន់ប៉ុនណាទេ ក៏គេនៅតែអាចទទួលយកបាន ហើយក៏ពេញចិត្តនឹងមើលថែ ការពារប្រពន្ធឱ្យបានល្អ ជាពិសេសគឺ ចេះចែករំលែករាល់កិច្ចការងារប្រពន្ធ មិនប្រកាន់ចំពោះការងារស្រី ឬប្រុសនោះឡើយ មកពីធ្វើការ គឺជួយធ្វើកិច្ចការងារផ្ទះ។

https://s9.kh1.co/__image/w=650,h=813,q=100/c9/c9abdfe6f997d212cf4aa993b4195818c076bf20.jpg
រូបតំណាង

២. ដឹងពីតួនាទីរបស់ខ្លួនជាមេគ្រួសារ
ច្បាស់ណាស់ថា តួនាទីជាស្វាមី ជាមេគ្រួសារ គឺទាមទារឱ្យមនុស្សប្រុសបំពេញ គោរព និងមានទំនួលខុសត្រវខ្ពស់ណាស់ ក្នុងនាមជាប្ដី ត្រូវតែដឹងពីកាតព្វកិច្ចរបស់ខ្លួនឯង ហើយអនុវត្តន៍ឱ្យបានប្រសើរ។ កាតព្វកិច្ចរបស់អ្នក គឺមើលថែ ការពារប្រពន្ធកូន មនុស្សនៅក្នុងគ្រួសារ មិនមែនត្រឹមតែធ្វើការ រកលុយ ក៏រាប់ថាអ្នកធ្វើបានល្អនោះឡើយ។ ប្ដីល្អមិនមែនព្រោះតែអាចជោគជ័យក្នុងជីវិតរកស៊ី ឬធ្វើការទេ​ តែត្រូវតែជាបុរសដែលអាចថែរក្សា និងការពារ ផ្តល់ភាពកក់ក្ដៅដល់គ្រួសារបាន។

https://s9.kh1.co/__image/w=650,h=813,q=100/ab/ab5a3c1a84680d715788542903fba587e6a88d3f.jpg
រូបតំណាង

៣. មានគុណធម៌ ស្គាល់ល្អអាក្រក់
ការចេះដឹងខុសត្រូវ ល្អអាក្រក់ ជាគុណសម្បត្តិដ៏ធំមួយផ្នែករបស់មនុស្សប្រុស បើអ្នកគ្មានចំណុចទាំងនេះទេ ទោះអ្នកជាអ្នកមាន រៀនបានច្រើនយ៉ាងណា ក៏អ្នកគ្មានតម្លៃដែរ ហើយក៏អ្នកមិនអាចមានគ្រួសារដ៏ល្អបានដែរ ព្រោះតែអ្នកមិនមានគុណសម្បត្តិគ្រប់គ្រាន់សម្រាប់មើលថែអ្នកណា។

https://s9.kh1.co/__image/w=650,h=813,q=100/45/45c3d1ccae9d5fc96bae25205c9693ef9abf8945.jpg
រូបតំណាង

៤. មានភាពស្មោះត្រង់
មិនថានៅចំពោះមុខ ឬក្រោយខ្នងទេ សំខាន់បំផុតគឺ នៅតែស្មោះត្រង់ ផ្ដល់តម្លៃ និងការគោរពចំពោះភរិយាជានិច្ច មិនមានការលាក់បាំង មិនចេះក្បត់ផិត ជាពិសេសគឺ​ មិនធ្វើបាបចិត្ត បំផ្លាញភាពជឿជាក់ និងទំនុកចិត្តរបស់ភរិយាឡើយ៕


ខ្មែរឡូតសូមរក្សាសិទ្ធិ

Lim Panha
លីម បញ្ញា

អត្ថបទទាក់ទង