ក្លឹបគីឡូធ្ងន់ៗក្នុងលីគកំពូលអាល្លឺម៉ង់ ដែលមានដូចជា Bayern Munich, Borussia Dortmund, RB Leipzig និង Bayer Leverkusen បានប្តេជ្ញាក្នុងការផ្តល់ថវិកាប្រមាណ ២០លានអឺរ៉ូ ដើម្បី ជួយឧបត្ថម្ភដល់ក្លឹបនៅ Bundesliga និង 2.Bundesliga ដែលកំពុងតែត្រដាបត្រដួសជួបវិបត្តិសេដ្ឋកិច្ចដោយសារការគម្រាមកំហែងពីវីរុស Covid-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីថ្លែងការផ្លូវការដែលចេញដោយសម្ព័ន្ធបាល់ទាត់អាល្លឺម៉ង់បានបញ្ជាក់ឲ្យដឹងថា មូនិធិជំនួយជាមួយនឹងទឹកប្រាក់២០លានអឺរ៉ូ ត្រូវបានបង្កើតឡើងដោយក្លឹបគីឡូធ្ងន់ៗទាំង៤ខាងលើ ដោយសម្ព័ន្ធបាល់ទាត់អាល្លឺម៉ង់បានបញ្ជាក់ថា ពួកគេបានកាត់ប្រាក់ចំណូលរបស់ពួកគេពីប្រព័ន្ធផ្សព្វផ្សាយក្នុងប្រទេសអាល្លឺម៉ង់ដើម្បីបានជាទឹកប្រាក់នេះឡើង។
នាយកប្រតិបត្តិរបស់ក្លឹប Bayern លោក Karl Heinz Rummenigge បានបន្ថែមថា“ រួមគ្នាជាមួយអ្នកចូលរួមក្នុងក្របខ័ណ្ឌ Champions League ចំនួន ៣ ផ្សេងទៀតយើងចង់ផ្ញើសញ្ញានៃសាមគ្គីភាពទៅកាន់ក្លឹបទាំងអស់នៅក្នុងក្របខ័ណ្ឌ Bundesliga និង 2.Bundesliga ជាមួយនឹងគំនិតផ្តួចផ្តើមនេះ។
"ក្នុងគ្រាលំបាកទាំងនេះវាសំខាន់ណាស់ដែលស្មាខ្លាំងគាំទ្រស្មាខ្សោយ។ ជាមួយនេះយើងក៏ចង់បង្ហាញថាបាល់ទាត់កំពុងឈរជាមួយគ្នានៅពេលនេះ"៕
ប្រភព៖ onefootball