ហ្វីលីពីន៖ ក្រុមម្ចាស់ផ្ទះជម្រើសជាតិហ្វីលីពីនអាយុក្រោម២២ឆ្នាំ បានដណ្ដើមបាន៣ពិន្ទុយ៉ាងមានសារៈសំខាន់ បន្ទាប់ពីយកឈ្នះទៅលើក្រុមជម្រើសជាតិម៉ាឡេស៊ីអាយុក្រោម២២ឆ្នាំ ១ទល់នឹង០ ក្នុងការព្រឹត្តិការណ៍ស៊ីហ្គេមលើកទី៣០ ឆ្នាំ២០១៩ វិញ្ញាសាបាល់ទាត់បុរស ប្រចាំពូល A កាលពីថ្ងៃសុក្រម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតនេះ ក្រុមម្ចាស់ផ្ទះហាក់មានឱកាសសម្រុកច្រើនទៅលើក្រុមភ្ញៀវ ដោយស៊ុតបាន១១ជើង ចំគោលដៅ២ដង សម្រេចទីបាន១គ្រាប់ ចំណែកឯក្រុមភ្ញៀវ ស៊ុតបាន៤ជើង ចំគោលដៅ១ដង។
១គ្រាប់យក៣ពិន្ទុរបស់ក្រុមម្ចាស់ផ្ទះ ធ្វើបានដោយប្រធានក្រុមហ្វីលីពីនកីឡាករ Stephan Schröck នៅនាទីទី៧២។ដូច្នេះក្រោយបញ្ចប់៩០នាទីក្រុមម្ចាស់ផ្ទះហ្វីលីពីនបានបំបាក់ក្រុមភ្ញៀវម៉ាឡេស៊ីក្នុងលទ្ធផល១ទល់នឹង០។
តាមរយៈជ័យជម្នះនេះ បានជួយឲ្យក្រុមម្ចាស់ផ្ទះឡើងមកឈរលេខ៣ជាបណ្ដោះអាសន្នក្នុងពូល A ដោយមាន៤ ពិន្ទុក្នុងដៃ ក្នុងចំណោ៣ប្រកួត កន្លងទៅ ចំណែកឯក្រុមគោព្រៃកម្ពុជាធ្លាក់មកឈរលេខ២ ក្រោយក្រុមជម្រើសជាតិមីយ៉ាន់ម៉ាបានប្រកួតឈ្នះក្រុមទីម័រខាងកើត ៣ទល់នឹង១ កាលពីម្សិលមិញនេះ ដណ្ដើមបាន៣ពិន្ទុឡើងឈរលេខ១ មាន៧ពិន្ទុសរុប៕
បើចង់ឃើញការស៊ុតបញ្ចូលទីអស្ចារ្យយ៉ាងណានោះ សូមទស្សនាវីដេអូខាងក្រោម៖