កូរ៉េខាងត្បូង៖ ប្រិយមិត្តដែលនិយមគាំទ្រក្រុម Blackpink ប្រាកដជាបានដឹងពីទំនាក់ទំនងមិត្តភាពយ៉ាងស្អិតរមួត របស់ Lisa និង Jisoo។
ជាក់ស្តែង នៅលើបណ្តាញទំនាក់ទំនងសង្គមOnline លពីថ្មីៗនេះផងដែរ គេបានបង្ហោះពីរូបភាពជាច្រើន ដែលគេចាប់អារម្មណ៍ឃើញថា Jisoo និង Lisa ភាគច្រើន តែងចូលចិត្តប្រើប្រាស់របស់របរដូចៗគ្នា ដោយមានដូចជា ខ្សែក ចិញ្ចៀន និងរបស់របរជាច្រើនផ្សេងទៀតផងដែរ។
ដោយឡែក ក្នុងនោះផងដែរ គេបានចាប់អារម្មណ៍ឃើញ នូវរបស់មួយ ដែលបានទាក់ទាញចាប់អារម្មណ៍មហាជនជាខ្លាំង នោះគឺនាឡិការបស់តារាស្រីទាំងពីរដួងនេះតែម្តង ។ ជាការពិតណាស់ Jisoo និង Lisa បានពាក់នូវនាឡិកាដៃដែលជាប្រ៊េនណែម ប្រណិត ល្បីឈ្មោះលំដាប់ពិភពលោក ម៉ាក Rolex ដោយJisoo ត្រូវបានគេឃើញថានាងបានពាក់ នូវប្រភេទ Lady-Datejust ពណ៌ទឹកមាស ដែលមានតម្លៃរហូតដល់ទៅ ១៣.៥៦លានវ៉ុន (ស្មើនឹង ១១,៩១០ដុល្លារ) ចំណែកឯ Lisa ក៏បានពាក់នូវនាឡិកាប្រភេទ Lady-Datejust collection នេះដូចគ្នា ប៉ុន្តែមានពណ៌ទឹកមាស លាយជាមួយនឹងពណ៌ស្វាយ ដែលមានតម្លៃរហូតដល់ទៅ ១៣.៩៥លានវ៉ុន (ស្មើនឹង ១២,២៥០ដុល្លារ)ផងដែរ។
យ៉ាងណាមិញ អ្នកនិយមលេងអ៊ីនធើណែត បានហៅអ្នកទាំងពីរថា «Young and Rich» នៅវ័យក្មេងតែមានភាពសម្បូរបែប ថែមទាំងមានអ្នកលួចសរសើរពីមិត្តភាពដ៏ឡូយអស្ចារ្យ របស់Jisoo និង Lisaថែមទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
