កូរ៉េខាងត្បូង៖ ទើបតែចេញបទចម្រៀងថ្មី « Kill This Love » មិនទាន់ទាំងបាន២៤ម៉ោងផង ប៉ុន្តែBLACKPINK ក៏បានបំបែកកំណត់ត្រាថ្មីៗជាច្រើន នៅលើយូធូប។
គួរឲ្យដឹងថា កាលពីរាត្រីថ្ងៃទី៤ ខែមេសាយប់មិញនេះ ក្រុមចម្រៀងនារីលំដាប់ជួរមុខ BLACKPINK បានបញ្ចេញនៅនូវMV បទចម្រៀងថ្មីរបស់ខ្លួនជាផ្លូវការ ចំណងជើងថា «Kill This Love» ។ យ៉ាងណាមិញ ត្រឹមបង្ហោះបានរយៈពេល ២៩នាទី BLACKPINK ក៏បានបំបែកកំណត់ត្រាថ្មីរបស់ខ្លួន ដោយក្លាយជាតារាចម្រៀងដំបូងបង្អស់នៅលើពិភពលោក ដែលទទួល១លានLikes យ៉ាងលឿនបំផុតនៅលើយូធូប។
មិនតែប៉ុណ្ណោះ ត្រឹមរយៈពេលមិនដល់១៥ម៉ោងផង BLACKPINK ក៏បានបំបែកកំណត់ត្រាថ្មីមួយទៀត ក្លាយជាក្រុមចម្រៀង ដែលមានចំនួនចូលមើលវីដេអូ លើសពី៣០លានដងនៃការទស្សនា ច្រើនបំផុតត្រឹមរយៈពេលមិនដល់១៥ម៉ោងផងដែរ។
តួយ៉ាង ការបំបែកកំណត់ត្រាលើកនេះ គឺលឿនជាងបទ«DDU-DU-DDU-DU» ទៅទៀត ដោយកាលនោះ ពួកគេទទួលបាន៣០លាននៃការទស្សនា ក្នុងរយៈពេល២៣ម៉ោងផងដែរ៕
សូមចូលរួមត្រេកអរផង!!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]