ក្រុម ស៊ាន ពិសិដ្ឋ ទោះបីទទួលបរាជ័យក្នុងការប្រកួតជើងទី១ ក៏មិនបាក់ទឹកចិត្តព្រមទាំងមានការតាំងចិត្តយ៉ាងមុតមាំ ដើម្បីយកឈ្នះក្រុម Digg88 នៅជើងទី ២

ភ្នំពេញ៖ ប្រធានក្រុមរបស់ក្រុមស៊ានពិសិដ្ឋ កីឡាករ ជីម វណ្ណាក់ បាននិយាយថា ដោយសារតែកីឡាករក្នុងក្រុមរបស់លោកមកមិនគ្រប់គ្នា ជាហេតុធើ្វឲ្យក្រុមរបស់លោកទទួលបរាជ័យកាលពីថៃ្ងសៅរ៍កន្លងទៅ។

ក្រុមស៊ានពិសិដ្ឋ បានចាញ់ក្រុម Digg88 ដោយលទ្ធផល ៥-៣ ក្នុងការប្រកួតជើងទី១ វគ្គ៣២ក្រុមចុងក្រោយពានរង្វាន់ អធិរាជវាលស្មៅ Ganzberg Cup ២០១៩ កាលពីថៃ្ងសៅរ៍កន្លងទៅ។

ថ្លែងក្រោយចប់ការប្រកួត កីឡាករ ជីមវណ្ណាក់ បាននិយាយអំពីមូលហេតុដែលធើ្វឲ្យលោកចាញ់ថា ដោយសារតែកីឡាករក្នុងក្រុមទាំងមូលមកមិនគ្រប់ ធើ្វឲ្យក្រុមរបស់លោកដែលនៅសល់លើទីលានលេងមិនសូវត្រូវជើងគ្នា ប៉ុន្ដែលោកសង្ឃឹមថា ក្រុមទាំងមូលនឹងខិតខំហ្វឹកហាត់បន្ថែម និងធើ្វឲ្យបានកាន់តែល្អ សម្រាប់ជើងទី២។

Ganzberg ផលិតដោយជនជាតិអាល្លឺម៉ង់ ឈ្ងុយឆ្ងាញ់កម្រិតពិភពលោក៕